خلـــي اسمي بس ذكــــرى في حياتــك تحفظينــه) ·°?O

-----------------------------------------------------------------------------

تفهمين الشعـر ولا ياعسـا ماتفهمينـه
ماطلبتك تفهمين القصـد لامنـك قريتـي
يكفي انك لاقريتـي تفهميـن وتكتمينـه
طبعك الغـدار لامنـك حكيتـي ماوفيتـي
توعديني بالمحبه والوعـد وينـك وينـه
ولا تضايقتي من اللي قلت قلتيلي نسيتـي
ابعدي عني وروحي والهـوى لاتذكرينـه
كنت صادق بالمحبه لكن انتـي مادريتـي
شخص مثلي يابنيه بالهـوى ماتملكينـه
والغرور اللي بقلبك اعتمابـك واعتميتـي
الصراحه ثوبها يابنـت صعبـه تلبسينـه
مستحيل اصدق الكلمـه ليامنـك حكيتـي
ان حكيتي ماصدقتي والهـوى ماتعرفينـه
صار همك في جمالك والغرور ابه ابتليتي
اذكري ماضي هوانا وان بطى لاتجهلينـه
اذكري كلمة احبـك يـوم قلتيهـا بكيتـي
اذكري ذاك الغرام اللي مضى لاتجحدينـه
وارحلي عني وروحي واذكريني لاجفيتـي
ولاهويتي شخص غيري حسسيه انك تبينه
ولاتقولين بحياتي شخص ثاني لاهويتـي
خلي اسمي بس ذكرى في حياتك تحفضينه
واذكريني لازعلتي واذكرينـي لارضيتـي
يمكن انك لاذكرتي كـل شيـن تتركينـه
والله اني واثقن لامـن ذكرتينـي بكيتـي

__________________

القصيده للشاعر مناور بن هرماس ..
--------------------------------------