خلفيات خيالية ورائعة ( دروس فوتوشوب مترجمة) (متجدد)

لتحميل الدرس

حقوق الترجمه محفوظه ل " لاتنسو اسرانا " من مواقع اجنبيه للفوتوشوب


اليوم راح اقدملكم 3 دروس مترجمة عن الخلفيات لان الخلفيات مهمه جدا في اي تصميم وهي اللي تعطيه اللمسه الجماليه
وطبعا انا تحمست لترجمة وتقديم الدروس بعد ماشجعتوني في درسي المترجم الاول
وبما اني ماحبيت اكثر المواضيع عشان ماتصير زحمه في القسم ففكرت اني اقدم 3 دروس خلفيات في موضوع واحد
مع العلم اني اضيفلهم واغير فيهم للانسب وكل وحده فيكم تقدر تغير حسب شطارتها وابداعها
والدروس احتمال تكون موجوده في مواقع عربيه او ممكن تكون معروفه لكن مامرت علي ,, وكل درس موجود بالموضوع انا مترجمته والله يشهد علي

خلفيات ملونة

&& الدرس الاول &&

الدرس هذا سهل جدا ويعطي نتيجه رائعه

1- نفتح اي صوره بامتداد jpg بس تكون فيها الوان
وانا راح استعمل هالصوره والافضل تطبقون عليها لانها بالنهاية بتعطي لكل وحده فيكم شكل غير
وعشان بعد نشوف كل وحده شلون اضافت لمساتها المبدعه على نفس الصوره



2- نضغط على shift + ctrl + x
او filter ==> liquify

بتطلع لوحه كبيره نختار منها هذي العلامه وهي علامة smudge tool
وهي العلامة المظلله بالمربع الوردي في الصوره



3- لما نحط الماوس على الصوره بيتحول الى دائره كبيره مفرغه نبدأ نحرك بالماوس على الشكل وبتتلخبط الالوان
طبعا انتو حركو بالماوس لحد ماتوصلون للشكل اللي يعجبكم .. يعني كأنكم ترسمون لوحه سرياليه واذا وصلتو لنتيجه حلوه اضغطو اوكي

بيعطيكم مثل هالشكل ( طبعا كل وحده بيعطيها شكل غير حسب حركات الفرشا بس لاتلتزمون بنفس الشكل اللي انا سويته )ا



4- الحين نضغط على ctrl+u
عشان يطلع مربع التلوين Hue/Saturation
ونغير بس في قيمة Hue لحد مانوصل للشكل النهائي اللي يعجبنا
ملاحظه : لاتحطون علامة صح عند مربع Colorize الا اذا كنتو تبون لون موحد بس الافضل يكون عدة الوان

وهذي النتيجه النهائيه



وارد واكرر كل تطبيق راح يطلع غير وحتى لو انا عدت التطبيق بيعطيني نتيجة غير لان الشكل بيختلف وبالتالي الالوان بتختلف حسب الذوق

وممكن تستغنون عن الخطوه رقم 4 وهي خطوة التلوين اذا عجبتكم الالوان