خلف قطـــع الارحام وقذف المحصــــنات وانتشار السحر .. فـــتش عن غــيرة المراة !!

كل ما بحثت عن اسباب قطـــع الارحام وقذف المحصــــنات وانتشار السحر ..لقيت السبب يعود بشكل او باخر الى 
غــيرة المراة


قطع الارحام :

سمعت قصه في احد دروس الدين لوحده من الحاضرت كانت معاها سيده ثانيه قصت لنا قصتها الشخصيه وشلون اثرت قطيعه الارحام فيهم سلبيا :

تقول :

تعرض ولدي المراهق في احد الايام الى " هوشه " في احد المجمعات التجاريه انتهت باصابه ولدي اصابه شديده بالكتف ...واصابه الجاني باعاقه دائمة وهي بتر لاصبع الابهام في اليد اليسرى..


الغريب في قصتها: ان الجاني والمجني عليه هم ابناء عم !!!

نعم ابناء عم !!

تقول:
ولكن بسبب غيرتى من زوجه اخوزوجي  وكرهي الغير مبرر لها خلاني ابعد نفسي وزوجي وعيالي وبناتي عن اهلهم واهل ابووووهم كافه ..

وفضلت القطيعه على الوصل .... ما احضر افراحهم ولا اشاركهم احزانهم .. باختصار شطبتهم من قااااموسي

والسبب غيرتي من " ام فلان "

وتكمل صاحبه القصه :

لما وصلني خبر الهوشه .. ما اتذكر شلون قدرت اوصل للمستشفى ..


ودخلت اسال عن ولدي وينه وينه

فالتفت على رجل كان يتحدث موضف الاسقبال : 
وهو حماها ابو المصاب الثاني ..

تقول : لما شفت حماااي قلت اكيد ولدي ماااااااااااااات وعمه موجود لهذا السبب ..!!

0000000000

فلما عرفت صاحبه القصه ان الضحيه الثانيه هو ولد حماها ..

ولما شافت زوجها شلون كان مقهور من بتر اصبع ولد اخوه على يد ولده ..

تقول 
كرهتي نفسي وكرهت مرت حماي " وهي السيدة " اللي كانت معاها بنفس الدرس ..

شلون الغيره سوت فينا كذا ..؟

ما نعرف اخبار بعض وعيالنا شباب ما يعرفون بعض ؟؟

حتى انه وحده من بناتي لم ترى عمها لمده 13 سنه !
من طلعت من بيت الحموله الى يوم الحادث ..
تقول كنت ابجي على ولدي وعلى ذنبي وعلى الحال اللي وصلت عيالي لها 
000000000000

اكثر نوع من الرجال اكرهه هو النوع اللي ماله شخصيه اذا رضت مرته عن اهله رضى ورحب وزار واذا زعلت زعل معاها بدون مايفكر يعرف الاسباب ..يعني زوج صاحبه القصه لو كان يفهم كان ماقاااطع اخوانه عشان سوووالف حريم ...

هذا قصه من الاف القصص اللي ممكن تسمعونها نتيجه قطع الارحام :

والسبب غيرة حريم ...

تصوروا انه وحده من الخوات قالت انها ماعرفت عن حفل زفاف بنت اختها الا من جارتها !!!
والثانيه : قالت انها تمر على ولد اخوها ما يسلم عليها ليش لانه امه مقاطعتهم !!

والثالثه: اللي قالت عمي توفى ماقدرت احظر عزاااااه لان مرته تكرهنا !!
وغيرها الكثير ..
------------------------------------

قذف المحصنات :


صحيح انه من الكبائر وانه يقود الى النار وبئس لمصير لكن في بعض الحريم

اجمل والذ طبق تتحلى فيه في شاهي الضحى هو اعراض خلق الله .. لا تلمونها مافي شغل و ومافي دوووااام اصلا الاخت فاضيه فالواجب ان تشغل وقت فراغها وتحش باعراض بنات الناس

تلقينها اما انها تغير من زميلتها في الدوووام وعسى ما عطتها ظهرها اشتغلت بالحش والقذف والذم ..


بصراحة الله يعين كل بنت معاها هذا النوع من الزميلات في العمل

اذكر جمله سمعتها من بنت على الرغم من جمالها وحسبها ونسبها وحسن خلقها لكن سبحان الله هي حتى هذه اللحظة " عـــزباء "

قالت : اغلب اللي يتكلمون فيني ويذموني حالهم احسن من حالي متزوجات وعندهم عيال وبيوت ومع هذا موفاكيني من شرهم ..

اما النوع ثاني من الحريم :

اللي ما تقول عن البنت كلام قذر لا حشى بس اذا سالتيها بقصد خطبه او شي ا شرايك ببنت فلان ؟؟ تقووول : وي الله يستر علينا وعلى عباده !!
ما احب اتكلم في اعراض الناس !!
وتترك لخيااالك حريه تفسير هذه الجمله ...






للغيوره اقول 0000

غاري مثل ماتبين لكن بعيد عن قذف اعراض الاوادم والبنات بالذات.. واذا باطين كبدك لي هالدرجه حااااولي انك تكونيين مثلم ترى مو عيب اذا شفني شي زين تقلدينه ..صح راح تكونين نسخه " صنع في تاايوان " لكن على الاقل بتفكين خلق الله من شرك ...

اما الجزء الاخير في الموضوع :

السحر والشعوذه ..

اما هذا فهو اعظم شي عندي شخصيا :

شلون ممكن انسانه متعلمه ومثقفه تروح لساحر وتعمل سحر بس لمجرد انها تغااار من زميلتها او صديقتها او حتى اختها ؟شلون تحول الحلال وهو راتبها الى حرام ؟

وممكن تاخذ اجازة من الدوام وتشيل قشها وتسافر تعبر محيطات و بحار عشان توصل لمعصيه ربها !
0000
يعني اذا كان الذهاب الى السحره " كـــــــــــفر بما انزل على محمــــد"
فمبالك بالاذى لخلق الله ؟؟

والنوع الثاني الللي ممكن تسوي سحر لبنات مجرد انها تخاااف لازوجها يتزوج عليها..
يعني كل بنت تتعرف عليها واااااارد جدا ان تكون هذه المقروده ضحيه جديده للزوجه الغيور " اللي ما تخاف ربها "


نعم هي نفوس مريضه ..لكن للاسف هي واااااقع

واقع مر ...ومتعب ...وان صح التعبير " مـــقرف "




اعمل لدنياك كأنك تعيش أبداً ، واعمل لآخرتك كأنك تموت غداً


اسال الله ان يهديهم .. ويصلح حالهم ...

والا انتو ايش رايكم يابنات ؟؟؟