السلام عليكم ورحمة الله
تقبل الله صيامنا وقيامنا وجعلنا من المقبولين وعتقائه من النار اللهم امين
عجبتني الافكار والطرق البسيطة لاعمال عظيمة فحبيت تشوفونها وتعطوني رايكم
هذي افكاري وهذي حياتي
اكيد في كل بيت او شركة واحد منا عمالة من بلدان مختلفة
طيب اكيد بما ان بلادهم بعيده عنا وغالبا معيشتهم فيها شوي فقر
ومايتوفر لهم مثل مايتوفر لنا من الدين وعلومهـ
فاليش مانرسل معهم اذا بغوا يروحون كتب دينية ....مصاحف...سجادات ونوصيهم اذا نبيهم مثلا يودونهم مساجدهم
يعني شي لهم ولعوايلهم هدايا نفرحهم وناخذ اجر ...وشي للمساجدهم
نقدر نرسل اشرطة قران (مع العلم ان في بلدان اجنبية تشغل القران في ميكرفونات المساجد حتى اذا مو وقت صلاة )يعني طول ماهم يسمعون لك الاجر
ونقدر مثلا ونوصيهم يوزعون كتب تعريفية عن الاسلام على غير المسلمين منهم وان شالله يهتدي احد منهم بسببك
واكيد هالكلام ينطبق على العمالة من النساء والرجال
ومثلا نقدر نحط محفظة على جنب كل مازاد معك ريال( مع العلم ان الريال غالبا مايزود بنظرك.. لانه اساسا مو شي فحطه بالمحفظة ااجر لكـ) نحطه فالمحفظة
وعلى كذا
ونخليه مثلا لين رمضان وندق عالبقالة ونشتري ماء.. تمر ..لبن.. قشطةالمراعي>اساسي:) اي شي ياكلونه الصيام ونوديه للمساجد واذا ماتقدر تودي بنفسك تقدر توصي هندي بقالة ويوديه( اذا تثق فيه) وتعطيه فلوسه وكان الله غفورا رحيما وانت فالمكيف ويلحقك اجر
اللي ماهو غني ولاعندهـ حساب فالبنك لايقرا هالفكرة:)
عندك حساب بالبنك الفلاني؟
طيب شكثر حسابات تبرعات و و و و حط لك فكل شهر 5 ريال لاتقول صعب ومن وين اجيب حسابهم وشغل وتعب ولا ماتروح لاهلها وياكلها التاجر الفلاني ماقدمت لله فهو لله هذا من تخذيل الشيطان انت تتبرع عشان تثبت لله ثم لنفسك ان المال مو مهم ولايساوي قدام رضى الله شي (الله يشوفك يوم تعطي = الله يرضى عنك) راح لاهله ماراح انت تبرعت والله اعلم بالنيات
...هي كم رقم و5 ريال ويبارك الله فعمرك ومالك واهلك
-------
طيب هذي فكرة حلوة بس يبي لها منفذ قوي
اذا عندك ورق وكتب وجرايد ومجلات و و و و
خذهن لمطبعة قريبة عندك وهم بيسوون لهن اعادة تدوير وتصنيع وبيجي ورق من جديد انت اطلب منهم يحطونه بكتب دينية مطبوعات مطويات وتكون اعنت على نشر العلم واخذت اجر كل من مسك صفحة وقرا واستفاد والحمدلله
طيب كم مرة قد مريت على مسجد يبنى؟ ولا يعدلون فيه؟؟
انت عد؟كم قد مريت على مسجد مكيفه حارة ولاثلاجته ماتبرد ولا السجاد قديم!!؟؟؟
تدري لوشريت كيس اسمنت ولا كم طابوقة وحطيتها عند المسجد وانبنى تكون شاركت فبناء مسجد؛ :)
لو حطيت مكيف اخذت اجر المصلين وتذكر كبار السن والحر...... لو حطيت ثلاجة وبكل بلة كبد كم لك حسنات
بكل سجدهـ على السجاد الجديد المعطر بكل تسبيحة وتهليله بالمسجد ...اعنت بالكثير لاتتحاقر المعروف في اهل الدين خاصة :)
..اجركـ عند كريم حفيظ.. الله يجعلك ممن يعمرون المساجد
:26:
يوم الجمعة والحمدلله مايمر من دون ماتلقى فالوارد رساله تذكرك انه اليوم جمعه لاتنسى الكهف والملك واخر ساعة ووالصلاة على النبي و و و و..... شي حلو ويفرح
طيب ليش الايام البيض تمر ماحد يذكرنا؟؟
ناااادر مانلقى مسج يذكرنا بفضلهن وانها كانت سنة الرسول اللهم صلي وسلم عليه
حاول تكون المبادر وذكر ناسك واللي حولك بهالايام
:26:
فكل بداية رمضان نلقى عند المساجد بسطة مساويك ودايم كبير العايلة:arb:بعد مايطلع من التراويح يجيب مساويك لاهله
حلوة العادة ولها فالقلب مكانة خصوصا مع اول ايام رمضان لها جو
حاول تسوي نفس الكبير بخلقه واخلاقه اشتري مجموعة وخلها معك وين مارحت وزعها فالمجلس وعلى ربعك
بتحيي سنة تكاد تهجر
ولا اشتري مجموعة من البايع وقله يبيعه بنص السعر اللي اشتريته منه وهو ياخذ القيمة
بيكون لك اجر التخفيض للناس والمردود المادي للرجال اللي يبيع(غالبا اللي يبيعون مساويك تحق لهم نفقة بيت المال فاولى هم بالصدقة)
مثال على الكلام اعلاهـ للي مافهموا...
مريت بايع مساويك وشفت امورة المادية مش تمام ويترزق الله من ورا هالمساويك
وهو يبيع المسواك بريال انت اشتري منه مثلا ميه وخذ ثلاثين لاهلك وربعك وناسك وخلي الـ70 عنده قله يبيع المسواك بنص ريـال وياخذ الربح له بتكون ضربت عصفورين فحجر خصوصا انك حفظت كرامة البايع اذا كانوا ممن يتعففون عن سؤال الناس
تقدر فالاماكن العامة تفتح بلوتوثكـ وترسل ملاحظة خفيفة فيها اذاكار ولاقصص عن الصحابة السلف
...اوحكم...وبتاخذ اجر عالسريع:)
ممكن فأي رسالة وسائط ترسلها تجعل لك بصمه خاصه فيك
كان لي صاحب يرسل لي كأي شخص بس كنت انتظر مساجاته اكثر من غيرهـ
ايا كان موضوع رسالته كان يختمها بحكمة ..سواء دينية ولادنيوية
او يحط بين قوسين اسم كتاب ينصحني بقراءته او شريط جميل او قارئ للقرآن صوته وتجويده مميز
او يحط معلومة غريبة بس جميلةومميزة
من الاشياء اللي كتبها ومانسيتها قصة او حاجة مدري شسميها بقولكم شكتب حسب فهمي
(ارسليقول
( فلان لو جاك احد عزيز وغالي وتحبه من كل قلبك وقالك لاتنسى تدعيلي بالشيء الفلاني والله اني ابيه من كل خاطري وهالشيء اهم عندي من حياتي ادعلي انها تكون لي
بعد فترة مات غاليك اللي موصيك هل بتمسك وصاته وتدعيله ولا لا؟؟
حاجه غايبة عن الكثيرين منا ونادر حتى ماسمعها من احد
الرسول صلى الله عليه وسلم وصانا اننا ندعيله بالوسيلةوالفضيلة ووضح انها مكان فالجنة لرجل واحد وكان الرسول يرجو انه يكون هو ووصانا دعيله انها تكون له قد عمرك دعيت للرسول عليه الصلاة والسلام؟؟؟؟؟
حاجة صعبة على نفسك لو قلت لا ماقد صار
وحنا عالعموم نقولها بدعاء بعد الاذان بس اقصد خصيته في دعاء التهجد او السجود المهم دعوة خالصة تبي ان هالمكان يكون للرجل المسبب لهدايتك للاسلام بعد الله)
وقتها ماخفيكم انصدمت وحسيت بالتقصير:( ومن وقتها احاول قد ماقدر اتذكر واخصه في دعاء قبل ان ادعوا لنفسي بس كان لكلامه تاثير ووقع في النفس.
ولانه صديقي شخص جدا مميز كانت رسائله تحمل من تميزهـ الكثير
اتمنى ان تكون رسالتي هذي بنفس تميزهـ او تشابه تميزهـ
واتمنى تنتشر عشان اذا قابلت الله اقول يارب هذا مجهودي رسالة ونشرتها بين خلقك عسى ان تلقى من يطبق واخذ اجر
....سوء كنت صاحب الفكرة ام ناشرها
فماقدمت بتلقاهـ اللـه يجمعني وياكـ بظلهـ يوم لاظلـ الا ظلهـ
ادعوا لي الله يهديني ويعفو عني ويحسن خاتمتي
غند263 @ghnd263
عضوة جديدة
يلزم عليك تسجيل الدخول أولًا لكتابة تعليق.
الله يجزآآك بالفردوس الاعلى من الجنة حبيبتي غند
بجد أفكآآر روعة وماتاخذ من وقتنا شي
الله يسعدك ويهديك ويغفر لك ويحقق لك كل ماتتمنين دنيا وآآخرة
<<أبشرك نقلته لمنتدى ثآآني قبل ماارد عليك
بجد أفكآآر روعة وماتاخذ من وقتنا شي
الله يسعدك ويهديك ويغفر لك ويحقق لك كل ماتتمنين دنيا وآآخرة
<<أبشرك نقلته لمنتدى ثآآني قبل ماارد عليك
اسمحيلي اضيف هالافكار حبوبة
فكرة بعد وهي كم مرة رحت زرت مريض بمستشفى أو كانت لك مراجعة مر بطريقك على اي تسجيلات اسلامية وخذ مجموعة من المطويات والكتب الصغيرة اللي عناوينها جذابة وانت رايح تركها بصالات الانتظار بالمستشفى >>دايما نشوف الناس طفشانة في هالصالات لما تحط هالكتب بتضمن بإذن الله ان احد يقرآآها والاجر لك والعدآآد يمشي
برنامج رائع ومفيد شفته بالتلفزيون ليش ماتذكر أصحآآبك وأقآآربك به سوآآء لما تتقابلون او برسالة جوال او عالايميل ممكن احد يشوفه ويستفيد منه والاجر لك
صلة الرحم كثير منا نسيها ومانفتكرها الا برمضان ليش ماتحدد كل اسبوع اربع من اقاربك ((ولد خالك \عمك\قريبك\زوج اختك\خالك\عمتك\اختك\بنت اختك))مثلا وترسل لهم رسالة بربع ريال >>يعني بريال تكون وصلت رحمك وكل اسبوع اربعة ثانين(وتذكر ان الرحم معلقة بالعرش من وصلها وصله الله ومن قطعها قطعه الله )
فكرة بعد وهي كم مرة رحت زرت مريض بمستشفى أو كانت لك مراجعة مر بطريقك على اي تسجيلات اسلامية وخذ مجموعة من المطويات والكتب الصغيرة اللي عناوينها جذابة وانت رايح تركها بصالات الانتظار بالمستشفى >>دايما نشوف الناس طفشانة في هالصالات لما تحط هالكتب بتضمن بإذن الله ان احد يقرآآها والاجر لك والعدآآد يمشي
برنامج رائع ومفيد شفته بالتلفزيون ليش ماتذكر أصحآآبك وأقآآربك به سوآآء لما تتقابلون او برسالة جوال او عالايميل ممكن احد يشوفه ويستفيد منه والاجر لك
صلة الرحم كثير منا نسيها ومانفتكرها الا برمضان ليش ماتحدد كل اسبوع اربع من اقاربك ((ولد خالك \عمك\قريبك\زوج اختك\خالك\عمتك\اختك\بنت اختك))مثلا وترسل لهم رسالة بربع ريال >>يعني بريال تكون وصلت رحمك وكل اسبوع اربعة ثانين(وتذكر ان الرحم معلقة بالعرش من وصلها وصله الله ومن قطعها قطعه الله )
الصفحة الأخيرة
شتحسون فيه يالـ10!!؟؟
انا لله وانا اليه راجعون>>معصبه>تسذب
ان شالله استفدتو وتطبقون الافكار
حياكم الله>ماحد عندتس