خلونآ وآقعين وبلاش نتعشم وبعدين نذم ونتألم حقيقة حآفز اللي الشعب فاهم فكرة صرفها غلط

السلام عليكم ورحمة الله وبركاته

اخواتي كيفكم عساكم :39:منآآأح ومرتاحين

حافز من يوم طلع الخبر والناس كذا:icon28: وحقين الاشاعات :angry:
كل يوم رأي واشاعه وفكره ورأي

موضوعي ذا لاهو احباط ولا ياس ولاحسد ولا شيء لكن ودي نكون واقعييين الى حد ما

اول شيء ياحلوين اي والله انكم حلوين وقماري يابنات السعودية :27: لبى قلوبكم وحلاوتكم وذوقكم
امر الملك كان واضح وصريح صرف اعانة لكل عاطل بمبلغ وقدرة الفين ريال
كلام لا غبار عليه صح وواضح وصريح ومفهوم ومايحتاج لفهم
واللي مافهمه يعني لكل من ينتظر وظيفه ويملك شهادة ووللأاسف الى الان ماجته وظيفه يعطوه كتصبيره او كمكافأه تصرف لها بزيادة نفسه دورات ترفع نقاطه او تعطيه مؤهل زائد يستفيد منه

طيب لحظه مين هو العاطل في بلدنا او بالأصح يطلق على مين عاطل ؟؟
بكل صراحه عمرنا ماقلنا واحد شهادة ابتدائي او متوسط عاطل
دايم نطلقها على اللي عنده شهادة تؤهله للتوظيف عاطل

طيب وش صاير في مجتمعنا صار بنظرهم الكل عاطل وتعالوا شوفوا التقسيمات اللي من هواهم ومن روسهم محد قالها
البكالوريوس يصرف لهم اربعة الآف ريال:09: المصدر مفتعلي الاشاعات والتعشيم الزائف
الثانوي يصرف له الفين :09: من حدد ومن قال مفتعلي الاشاعات واللي يقولون الكذبه وبعدين يصدقونها
المتوسط يصرف له ألف ريال برضه ارجعوا للمصدر الاول
الابتدائي يصرف له خمس مائة ريال ياسلام
يعني كان من البداية يامليكنا ماقلت تصرف لكل عاطل قلت تصرف لكل فرد سعودي

اسالكم بالله يااهل العقول الواعيه هل قرار الملك في صرف الاعانة للعاطلين كان مبهم ؟
لا والله واضح ومفهوم وهو
كل من يملك شهادة بإمكانه من خلالها انه يتوظف + انه لم يحين الى الان التوظيف + انه عاطل لا يملك وظيفه = النتيجه راح تصرف الفين ريال لا غير فقط بدون زيادة ولا نقصان .


الشعب الان كله ينتظر انه شهر واحد راح يصرف له مكافاه بمبلغ 2000 ريال ليه هذا العشم
اللي بعدين يصيبك تحطيم وسب وانه ظلم
يعني بتصعب على الملك كان قال تصرف لكل فرد سعودي ومو لكل عاطل لانه لو على حسب تقسيمات الناس الابتدائي يصرف له والمتوسط يصرف له والثانوي يصرف له
يعني الشعب كله راح يصرف له .
يااخوات والله لو بيدي القرار راح اصرف لكل فرد سعودي مو حسد ونتمنى انه يصرف للكل لكن كلامي ذا للقرار الذي انزل كان واضح
ليش نروح نغبر ونغير وبعدين نلومهم انهم ماطبقوه صح

طيب مين قالكم راح تصرف للكل يقولون الملك ؟.
لا والله ماقال الملك قراره واضح ومن شروطه متى ماحصلت وظيفه تقتطع
بالله اللي يملك ابتدائي او متوسط في بلادنا وش يوظفوه وهم حتى البكالوريوس مالقيوا له وظيفه راح يلقى اللي يملك شهادة ادنى
الملك قال لكل عاطل ومن اول اساسا اللي يتابع مجلس الشورى في كل مره كان يرفع العاطلين اللي يملكون شهادة بكالوريوس بصرف رواتب لهم لحين التوظيف
وترفض سنين لهم والأن طبق يعني ايه يعني واضح لمين يصرف ؟؟

ياناس اعرف عيله بناتهم مادخلوا الثانوي هذه السنه عشان تقولك راح يصرف لي الف ريال لو دخلت ثانوي راح انحرم وبنات مادخلوا الجامعه ولا قدمو يقولون عشان يصرف لي الفين ريال
بالله هذا تفكير وهذا منطق الواحد يقدر يستوعبه .

بعدين خلونا واقعين احنا ويين نعيش في دوله بكل مافيها نفتخر لكن كاداره وتطبيق قوانين ماتطبق الا بعد الفحص والتحري والتجارب والنخل بعدها يطبق
بنظركم وزارة العمل واداريها راح تصرف هالمكافأه بالساهل والله ماراح تصرف الا بعد طلعة الروح
حتى حقين البكالوريوس والدبلومات يقولون ان كان وزارة الخدمة واحنا نملك شهادة ماوظفتنا واحنا احق للوظيفه معقوله وزارة العمل اللي اردى منها بكل سهوله تصرف لنا رواتب .

كلامي ذا مو حسد ولا حقد والله اتمناها تصرف للكل لكن حبيت نكون واقعيييين يااخوات
غير كذا كل من ارسل لها الرقم السري ليس بانها خلاص اوكيه مقبوله لا يعني انها خلاص انقبلت
اعرف وحده تقولي خلاص انا الحمدالله قبلني حافز واخذت البطاقه وراح تصرف لي انا صرت كذا:09:
الرقم السري ارسل للجميع اعرف ناس اخذوا التسجيل بطريقة التريقه وهم موظفين ارسل لهم الرقم السري ولما تجي تكملي بياناتك فيه تعهد ليس بانك مقبول نهائي يعني باقي فحص وعجن ونخل ..


اسال الله ان لا يحجينا لاحد سواك وان يرزقنا من فضله هو وان يسخرللجميع الوظيفة التي من خلالها يكسب قوت يومه بدون تفضل ولا تكرم ..



اتمنى كلامي انه ماازعج احد ولا يتحور لفكر آخر ماكنت اقصدة ارحب براي الجميع

:)