خلونا نتبادل الافكار عن الاماكن التي تتمشين انتي وزوجك فيها في الرياض؟؟؟؟؟؟

والله انك جيتي على الجرح يا حروف......ما فيه في الرياض اماكن تصلح الازواج اوحتى العايله..كل شي ممنوع

مثلا ولدي يموت في الحيوانات ويحبها ...بس يوم سألت عن حديقة الحيوانات الي في الرياض ..قالوا مافيه عوايل

ياحريم يا رجال؟؟؟؟؟

حتى ما فيه اماكن نتمشي فيها على رجولنا ..ما فيه غير شارع الحوامل في الرياض كلها ..

والاسواق صعبه ..تروحين انتي وزوجك علشان تتمشون كل مره فيها ...وان رحتي يقولون لك هاالحريم من بكره

شفناك انتي وزوجك امس بالسوق؟؟ طيب وبعدين ..

يعني ما تاخذين راحتك ابد....

فصرنا انا وزوجي في يوم اجازته نتغدى بره في اي مطعم بعدين نرجع للبيت ..واذا جاء الليل رحنا لاستراحة اهله

فيها مسبح وجلسات حلوه...واذا بغينا نغير رحنا لفنتازيا لاند الي في الثمامه وخذينا شاليه فيها...وهي الي على فكره

فاتحة العين في الثمامه كلها.....

حبيت اسالك يالمفعوصه /وانا متاكده انك طويله مو مفعوصه/ عن الفانتزي لاند بكم الشاليه فيه وهل فيه مطاعم

حلوه ؟؟؟

ايه تكفون يا بنات عطونا اماكن نطلع لها غير المطاعم
احيانا يكون وقت عصر او مغرب او كنا شبعانين وين نروح ؟؟؟ندور بالسياره شوي بالشوارع الزحمه ونرجع للبيت والا ندخل سوبر ماركت وناخذلنا لفه ونطلع
وبعدين منتزهات الثمامه 120منتزه وكلها نفس الديزاين شاليهات غاليه الاجار بصراحه صعبه ناخذ شاليه كل اسبوعين مثلا او كباين حاره بصراحه اللي ما معهم اطفال يلعبون وينبسطون بالشاليهات يملون فيها بسرعه وش فيه اماكن تكفون دلونا

تصدقون يا بنات الرياض اننا نرحم بس خلوها على الله
اذا رحت الشرقيه او الغربيه او الجنوب تلقينهم عايشين عدل وحنا الله يخلف
على العموم عند الاستراحات تستاجرينها 12 ساعه 400 ريال ارخص واخس وحده
عندك الثمامه رحت كم وحده ما عجبني ولا وحده نروح لمطعم القريه الشعبيه الي قدام العليا مول نقعد بخيمه فيها مكيف صحراوي ويقدمون لك طلبك شاهي قهوه او اكل الي تبين
عندك ملاهي الحكير او تولان او المرسى وكلها مو عائليه الا اذا على خبري المرسى عائلي
وعلى طريق القصيم فيه شاليهات الشاطىء بعد ما اعجبني
الاسواق ما احب واكره اتمشى فيها ماله داعي
ابوي عنده استراحه طفشنا منها وكرهناها من كثر ما نروح لها والحين رغم انه اجازه الا انه ملل وطفش

بوسو ايدكم ورجولكم بعد
شوفوا مصيبتنا احنا بتهون مصيبتكم
أنا يوم كنت في الرياض كان أكره شي عندي أروح استراحة أبوي
وألحين أتمنى ولو دقيقه أقعد فيها
ويمكن هذا حالي أنا بس
لأن زوجي ما يحب ياكل من اللحم الحرام أصلاً يوم يشوفه تلوع جبده و شوي ويرجع
وهذا يعني أني ما أروح حتى مطاعم
أه متى أرجع بس :(