انا عملتها عشر مرات وكلها فاشله وكانت الاجنه ممتازة عندى بس الله مااراد وماكنت اشرب منبهات ولااكل اكل ثقيل واكلت خيار فى عمليتى الاخيرة واشرب ماء كثير وارتحت وكنت على ظهرى على طول بس مانجحت وكل شىء بيد الله والحين متحطمه مرة لان عمرى راح وانا اجرى فى المستشفيات الحين لى فترة مرتاحه من العلاجات واخذ علاجات شعبيع انا وزوجى وراح اعمل حقن منزلى فى البيت وراح استخدم تحاميل العسل ولقاح النخل والله كريم يرزقنى من غير تعب ادعوا لى

الله يرزقك ويفرح قلبك

والله يا أخواتي كل شي بيد رب العالمين اذاا أراد تنجح نجحت واذا ما أراد لو عملتي كل شي ما تنجح أنا مجربة بس نحتسب أجر التعب ..
أختي naa 400 وبس أنا مثلك عمري راح ولم يبق لي الكثير وتعبت من المستشفيات والله اني في العملية الأخيرة وأنا يجهزوني على الكرسي للعملية شعرت بالحسرة وقلت في نفسي الى متى وأنا على ها الحال بدون فايدة ..وصارحت زوجي هالمرة وقلت له الى متى نركض ترانا كبرنا العمليات ما تنجح وانت ما تتحسن وعذبنا حالنا خلنا نحاول السنة التي تجي وبعدها نرضى ..لكن هو يقول ليش نوقف نحاول وأنا ما ودي اصرح ..قلت له ترى أنا مو دايم أعطى بويضات أكيد بيجي وقت ما أعطي أبيه يفهم ..مع أني والحمد لله الين الحين أعطي بويضات زينه وأجنة ممتازة حتى الكاترة يقولون لي ما شاء الله استجابتك ممتازة مع اني ما ني صغيرة بس للأسف ضاعت كلها بالهوا الله يعوضني ..

الله يرزقك اختي انتظار السنين هذا امر الله مابيدنا الا الدعاء والصبر والله ان قلبي تقطع وانتي تقولين ذا الكلام ذكرتيني بنفسي اخر مره رحت لدكتور وكنت مضطره اروح عنده وهو كشف لي سوالي سونار والله انه يكشف علي وانا اقول الله لايحوجنا لهم يالله انك تغنينا عنهم حسيت والله بقهر لكن ان مع العسر يسرا وان شاء الله الله يرزقنا ويفرح قلوبنا

اخت انتظار السنين والله صادقه مدرى ايش نسوى سوينا كل شىء واحيانا اندم على عمرى الا ضاع من غير عيال وخاصه لما اشوف اخواتى وبنات اخوانى وهم بعيالهم يلاعبونهم قدامى تصيبنى غيرة مررررررررررة وبصراحه الوحدة صعبه زهقت منها صرت اكلم نفسى واحيانا احس ان ربى مايحبنى استغفر الله العظيم وان اشوف ناس يستمعون للاغانى او يلبسون ملابس ماهى محتشمه وعندهم عيال وربى معطيهم كل شىء واقول لو يحبنى كان عطانى زيهم بس اتعوذ من الشيطان واستغفر ربى بس شسوى من الوحدة والهم بس الله يغفرلى ويرزقنى ماعاد اتحمل نظرات الناس ولا عاد احب اخرج لااحد وصرت اكرة المناسبات
والله تعبانه مرة محد حاس فينى
اختى انتظار السنين انتى ايش المشكله عندك انا من زوجى عندة ضعف بس مانى عارفه ليه ماتنجح عمليات الانابيب نفسى افضفض لااحد ويعطينى نصيحه ادعوا لى ان الله يرزقنى