السلام عليكم ورحمة الله.
مبارك عليكم الشهر احبائي:)
اخواتي الغاليات بكتب كلام من قلبي ويارب
يوصل لقلوبكم ويكون رمضان نقطة انطلاقه
لتغيير حياتنا للأفضل
كل وحده عندها هموم ومحرومه من شي
وعندها احلام وأمنيات دايم بالها مشغول متى تتحقق وتندب حضها لان للان ماتغير شي
في روتينها والهموم تزيد وووووو الى آخره
من المعاناه اليوميه لكل وحده فينا
ياليت نبدا من الان صفحه جديده مع انفسنا
نتناسى الألم والهموم ومضايقات الناس لنا وكل شي ينغص علينا حياتنا ونجعل هدفنا( الآخره )
نشغل انفسنا في الطاعه والعباده وبالإحسان
وبذل المعروف والخير يعني نزرع خير عشان نحصده يوم القيامه
ترى الهموم والمشاكل تفتح باب للشيطان يخلي تفكيرنا بس بالدنيا وليش فلانه قالت كذا وليش الدنيا صارت كذا وليش وليش ليش
يعني يشغلنا بالدنيا والعالم مع ان احنا جينا
للدنيا عابرين سبيل ومهما كانت اعمارنا لا بد يجي الرحيل فجأه وبدون سابق انذار.
اللي ابيه يااخوات خلونا نكون لله اقرب مثل ماهو اقرب الينا من حبل الوريد
لازم نفكر في الاخره ونحاسب انفسنا وش قدمنا لحياتنا الحقيقيه لان هالحياه فانيه ومجرد جسر للوصول للآخره فكيف هي رحلتنا ولوين نوصل
اكيد نتمنى الجنه بس الجنه مو بالأمنيات
الجنه بالهمه والعزيمه والإراده وأن يكون شعارنا لن يسبقنا إلى الله احد
رمضان فرصه قد لا تتكرر ممكن يكون اخر رمضان في حياتك فالانسان مايضمن حياته
وما يضمن اذا أصبح هل يمسي أم لا
اسأل الله ان يشغلنا بطاعته وبالآخره وأن يعيننا ويوفقنا لأغتنام الشهر الفضيل بكل مايرضي الله عنا فليس بعد رضا الله الا الجنه.
مبارك عليكم الشهر.
يلزم عليك تسجيل الدخول أولًا لكتابة تعليق.
آمين جزاك الله خير ,,آمين جزاك الله خير ,,
الله يسعدك فديتك يسلمو ع المرور ياقلبي
جزاك الله الجنه يانوره وشاكره مرورك عزيزتي
وإياك ياقلبي ربي يحقق كل ماتتمني فديتك
فديتك جزاك الله خير الدنيا والآخره ياقلبي
جزاك الله الجنه يانوره وشاكره مرورك عزيزتي
وإياك ياقلبي ربي يحقق كل ماتتمني فديتك
فديتك جزاك الله خير الدنيا والآخره ياقلبي
الصفحة الأخيرة
كلام من القلب ووصل للقلب بارك الله فيك
كل عام وأنتِ بخيير