مركز الكورنيش يا قمر

اذا تقصدي الليمو الي على طريق المطار فهو مقهى للشباب فقط

واخيرا لقيت هالموضوع .. كنت باكتب اسأل لانى باروح جده .. ودايم اشوف على الناس اشياء تجنن من جده وانا رحت السنه اللى طافت ورحت جمجوم ( اثارينا مضيعين بقوه ) ورحت الصيرفى بس ما طولت فيه .. على طول طلعنا حتى ما لفيت بالسوق .. انا ابى مثل ما قالوا البنات ما نبى الماركات اللى نلقاها بكل مكان زارا وبرومود ومانجو .. نبى الدواعيس اللى نلقى فيها الغريب والحلو والرخيص .. وخاصه بقايا الماركات سمعت كثير يمدحون اسواق المينا واسواق الصوارى ومدرى احس اسواقهم كثير .... يالله همتكم ترا باسجل كل شى تقولونه وباروح له ....


اايه تذكرت مره رحنا جده وافطرنا بمطعم اسمه ابو شقره على البحر البوفيه الفطور ب 18 ريال بس لا يفوتكم ..
وجنبه المطعم الايراني خياااااااااال ... ( الدبا ما تنسى المطاعم هههههااااااااااى )

نسخت كل المحلات وتكررت عندى بارتبها والخصها وباحطها لكم علشان الوحده بس تطبع الورقه وتعطيها زوجها ههااااااااااى والله ياهم بيدعون على رجالكم .. واولهم زوجى ..

شوفوا يا بنات ..

جده مدينة كبيره كبيره كبيره .. بالنسبة لنا صعب نحفظها .. وانتم عارفين .. لأننا ملكات في بيوتنا وفي كل مكان .. قصدي ملكات لأننا والحمدلله رب العالمين ما نسوق السياره .. ولهذا صعب نحفظ هذه الأسواق ولكن بما انكم فتحتكم سيرة الأسواق .. فأنا اقول لكم ايش عاجبني في اسواق جده :

1 - اذا كان غرضي من السوق ملابس :
فيه سوق البلد ـ سوق الكندره ـ سوق الحجاز ـ سوق او اسواق سيتي سنتر .. وغيرها كثير من الأسواق خصوصا اسعارها حلوه كثير وممتازه .. واحيانا المراكز مثل مركز شبرا وغيرها .

2 - اذا كان غرضي من السوق العاب :
سوق الجمله في باب شريف ـ او سوق الجنوبيه اذا كانت الألعاب الكترونيه .. لأنه اسعارهم حلوه

3 - اذا كان غرضي من السوق خردوات :
اروح لسوق البلد ومن هناك الى منطقة اسمها الخازكيه فيها كل الخردوات ورخيصة اسعارهم حلوه للغايه .. او السوق اللي خلف مؤسسة النقد فيها محلات كثيرة كثيرة للخردوات .. واحسن شيىء انك تروحي لهذا السوق مع زوجك او اخوك لأنه الرجال كثيرين هناك قصدي المتسوقين من الناس اكثرهم رجال .. واسعارهم زي ما قلت حلوه للغايه وفيها اشياء تهبل .

4 - اما اذا كان التسوق لغرض ملابس الفرح ولوازمه :
بالنسبة لي ما اعرف الا سوق اليمامه .. بجانب سوق الذهب في البلد .. والكل يعرفه .. فيه محلات كثيرة هناك واسعارهم متفاوته ..

5 - اما اذا كان الغرض من التسوق كاميرات واجهزه كهربائيه :
فيه مثلا محلات احمد عبدالواحد ( للكاميرات العاديه والإحترافيه ) سوق حراء ـ السوق الدولي ـ البلد مركز جيهان الجديد .
او محلات القريشي ( كاميرات فخمه ) في سوق البلد في مركز المحمل .

6 ـ اما اذا كان الغرض التسوق لشراء ملابس داخليه راقيه :
فيه عندك كذا محل خلف اسواق المكرونه .. او اسواق العزيزيه بالمكرونه .. عندهم اشياء بصراحة حلوه وغاليه في نفس الوقت ..

7 ـ اما اذا كان التسوق لغرض الكنبات وغيرها :
عندك سوق محمود سعيد بعد ميدان الدراجة , اشتريت من هناك كل اطقمي بصراحة لازم تكوني فاهمه في البيع والشراء ولا يضحكون عليك .. يعني مثلا اسألي كذا محل عن الأسعار خصوصا اذا كان قماش الكنب عليكي او على المحل .. ومحلات الأقمشه كثيرة في شارع الستين وفي سوق المينا قصدي سوق الصواريخ .

8 - اما اذا كان القصد من شراء السيراميك وخلافه :
فهم منتشرون على طول الخط السريع وانتي داخله ورايحه على جده تلاقيهم على يمينك قبل شارع التحليه سابقا .

9 - واذا كان الغرض من السوق شراء اجهزة كمبيوترات :
فانا افضل انك تروحي سوق شارع خالد بن الوليد .. بس ضروري يكون معاك زوجك لأن المحلات متقاربه محل بجانب محل يعني يبغالك مشي شويه .. او سوق الباروم في شارع حائل اذا ما خاب ظني تلاقي مركز كبير فيه ثلاثة ادوار كلها كمبيوترات ..
واذا انت هاوية برامج .. فعندك مركز العمودي امام مراكز المساعديه تلاقي في مركز العمودي محلات صغيرة يبيعوا اشرطة كثيرة قصدي ديسكات كثيرة برامج كثيرة جدا ورخيصة بعشرة ريالات بس .

10 ـ اما السوبرماركت .. فهي كثيرة في جده :

ها يا بنات .. اعطيتكم خلاصة دشرتي في الأسواق .. والمعذره اذا حصل تقصير .

بالطبع هذه الأماكن عامه ويعرفها الكل ..

والسلام