خلونا نساعد بعض بخلطات البنوتات من عمر 5سنوات ل10سنوات

شاعرة الواديين • 17 سنة

up

أَجْـمَـل عَـرُوسْ • 17 سنة

يعطيج العافيه حبيبتي فتاة العطر على المبادرة الحلوة ، أنا ما عندي بنات و لا عندي خوات بهالعمر و ادعوا لي إن الله يرزقني بنوتاااااات توأم و بصحة و عافيه بالقريب العااااجل لا تنسوووني من الدعااااء، بس ممكن استفيد من تجاربكم بالمستقبل مع بناتي ههههههههه و إن شاء الله الخطوات اللي اتبعتوها و نفعت معاكم بخلي بنات خالاتي الصغنونات يسوونها ، بصراحة أنا لما كنت صغيرة كنت بيضة واااجد أمي تقول إن وحده لما شافتني قالت لها هاذي مو بنت هاذي قطنة ، بس ألحين بسبب عدم الاهتمام الله لا يوريكم بشرتي انقلبت فوق تحت ياليتها تصير سمره حلوه لا صايره بين الأسمر و الأبيض معلقه محتارة شتصير ههههههههه
يعني اللون وااااااااااااااء مرات إذا تأملته أحس شوي و أبجي

و أتمنى من أمهات عالم حواء يهتمون في بناتهم و يعلمونهم كل شي عن مشاكل البشرة و شنو اللي يسببها خاصة التشققات بسبب زيادة الوزن و نقصانه بشكل مستمر خلوهم يحافظون على ثبات أوزانهم عشان ما يعانون من هالمشكلة من بداية عمرهم و عودوهم يدهنون أجسامهم بعد ما يتحممون بزبدة الكاكاو أو الجلسرين أو أي مرطب معالج للبشرة و احصروا على الغــــــذاء الغـــــذاء ثم الغذااااااااء مثل التمر و الجرجيييير و عصير البرتقال و الزبادي ترى هالأشياء جربتها حيييل حيييل تنفع و من ثاني إسبوع تشوفين الشعر و البشرة في تحسن و الخدود مع الوقت بتوررررررد ، و الماء لازم يشربون ما لا يقل عن ثمان كاسات ماي باليوم حتى لو تغصبوووووونهم ..

عزيزتي وُفَى ما شاء الله عليج اتخذتي مع بنات أسلوب حب الذات و الله شي جميل و مثال رائع لزرع الثقة بالنفس الله يخلي لج بنوتاتج و تشوفينهم احلى عرايس .. و بالنسة لبنتج اللي طلع لها شعر في الشيسموووونه
لا تعودينها على الحلاقة سواء بالموس أو الماكينة من ألحين و لا تخلينها تحف أنا أقول اشتري لها المقص الناعم مال الشعر و خليها تقص الشعر و تخلي جذوره خاصة المنطقة السفلية و قولي لها بشوووييييش لا تجرح عمرها و الإبط بعد ما تقص الشعر عاد شوفي لها صرفة مثلاً تشيله بشرائح فيت أو البخاخ خل تستخدم شي ناعم على جلدها عشان ما تكره عملية نزع الشعر و تهمل الشعر الزائد .. و بالنسبة لزيت جويريه يا ليت لو تكلمينا عنه أكثر و من شريتيه و بجم ؟ ، و بنتج اللي بلغت الله يبلغج فيها عروس و قبلها حافظة قرآن إن شاء الله عادي تعاملي معاها عادي ردة فعلج كانت حيل حلوه باحتظانج لها بينتي لها اهتمامج و مدام اهيا مو خايفة راح تكون مثلنا إن شاء الله و تتعود على الوضع ..

فتاة العطر انتبهي على بنتج لا تهملينها و بعدين تتحسفييييين اشتري لها واقي شمس روحي الصيدلية و وريه بشرة بنتج و علميه بعمرها و اهوا راح يعطيج واقي الشمس اللازم و المناسب لعمرها .. و بغيت أسألج الدوكين 2% حق شنو بالضبط و بجم خذيتيه ؟ و انتي شخصيا استخدمتيه و لا ما ينفع إلا للأطفال ؟

حبيبتي الميسانة الله يخلي لج بنتج و ما شاء الله تبارك الرحمن إذا اهيا على هالقدر من الجمال لا تخافين عليها و الله السمار حلو بس راجعي طبيبة جلدية أنتي قلتي إنه لونها صاير على زراق راجعي الطبيبة يمكن لا سمح الله يكون ناقصها شي بجسمها من ناحية التغذية و إن شاء الله تشوفينها عن قريب مثل بياض الثلج ..

فتاة العطر • 17 سنة

شاعرة الواديين :

up

up

السلام عليكم أختي الميسانه

سامحيني توي أشوف ردك في الموضوع

أحب أقولك الحمد لله إن بنتك بصحه وعافيه وهذا أهم شئ

والبشره السمراء للبنات الصغار مره حلوه لو إعتنينا بترطيبها بالزيوت

الطبيعيه زي زيت اللوز وزيت الجلسرين إخلطيهم مع بعض ورطبي

جسم بنتك بالزيت صدقيني رح يتوحد لون جسم بنتك مع بشرتها

إهتمي بركبها ولبسيها كيلون لحمي دايما أو هيلاهوب قطني خفيف

إهتمي بشعرها وبأسنانها علميها تحب نفسها وقولي لها دائما

إنتي أحلى بنت في العالم

وإقرأي الموضوع كاملا أكيد رح تستفيدي من ردود البنات وطبقي اللي

تشوفيه مناسب لبشرة بنتك القموره

تحياتي لك

ام نوورة • 17 سنة

uppppppppppppppppppppppppp

فتاة العطر • 17 سنة

ام نوورة :

uppppppppppppppppppppppppp

uppppppppppppppppppppppppp

أجمل عروس ما شاء الله عليك كفيتي ووفيتي :)

وبالنسبه عن سؤالك للدوكين 2%

هوه مخصص لتفتيح البشره وخاصه الركب والأكواع

والدكتور نصحني أستخدمه لركب بنتي وأكواعها مره وحده يوميا

لمدة إسبوعين فققققققط

ووقفته بعد إسبوع لأني خفت يضر بنتي وقلت أجرب زيت اللوز الحلو

وكانت نتائج الزيت مرررره حلوه يصفي اللون ويوحد البشرة

والدوكين 4%

مخصص للكبار لو تبغي إستخدميه للركب والأكواع يفتحهم بس شرط

الإستمرار لمدة شهر وتبان النتيجه

وشكرا لتواجدك :26: