http://forum.hawaaworld.com/showthread.php?t=3855332

ان شاءالله تستفيدي

جبتيها على الجرح

مشكووووره احلى ماما 
ايلاف>>ربي يعيننا احيان اقول خلاص طول عمرو محا يتعلم اااه

هلا و غلا
شوفي باعطيك تجربتي مع ولدي
بديت معاه على عمر سنتين و نص بالضبط ، و الحين أبشرك كمل الثلاث سنوات ،
تعبت معاه صح ، و أقرفني ، لكن لازم لنا صبر و طولة بال ،
الطفل بيتعلم لكن بالبداية يتعب بقوة ، فاللي عليك أنك ماتيأسين و تكملين مشوارك و تتحملين النتايج ، قرف ووسخ بس مهما كان هو طفل ظل فترة طويلة على الحفاظ فكيف تبينه يتحكم في نفسه ،
خصوصا أنه ولدك كبير و بيتعبك أكثر ،

أولا شريت لولدي من تاجرة كرسي للطفل للحمام الافرنجي ، لأن حمامنا مافيه غير الافرنجي ، لكن قسم الرجال فيه العربي ، حاليا بسم الله عليه عادي عنده استخدام النوعين افرنجي أو عربي

هذا الكرسي اللي شريته مريح و مو مقرف بصراحة ، يعني يسوي عمايله و انت بس كبي الموية و اسحبي السيفون ،



يقرفني الكرسي العادي حق الأطفال لأنك تضطرين تنظفينه مع كل استخدام ، و خصوصا أنه فترة فطمي له كانت في بداية حملي و الوحام فما كنت متحملة القرف


المهم ، من قبل ماأبدأ بتعليمه الحمام ، كل ماسوا وسخ بالحفاظة ، أقول له عيب ياماما ، هذا وسخ ، ريحتك شينة ، صار يتقرف من نفسه و من أول مايسويها بالحفاظة يجيني يركض يبيني أغير له ،
من يوم يقوم من النوم أشيل الحفاظة عنه ، غلين وقت النوم ، و كل نص ساعة على الحمام ، طبعا في البداية بيخاف و يرفض يسوي شيء و يمكن يسويها على ملابسه ، لكن بعدها بيضطر يسويها بالحمام ، فكافئيه بحلاوة أو بطاطس او كاكاو ، كل ماسواها بالحمام اعطيه مكافأة لو بسيطة ، مثلا من المكافآت عند ولدي أني ألعبه أو انفخ له بلونة و يستانس عليها ،
أخذنا فترة أسبوعين على هذا الوضع مرة نسويها بالحمام ماشاء الله و مرة نخربها على السروال ، طبعا تكونين ماخذة احتياطاتك ، تلبسينه بس بجايم بالبيت علشان ملابسه الزينة مايحوسها ،
الكبيرة أخذنا فترة ، أتعبني ياكم مرة سواها بالصالة و مرة بالغرفة ، و أضطر أنظف المكان و شوفي حالتي مع الوحم و الاستفراغ ، إلين دلتني أمي على طريقة ، قالت اشتري البجايم اللي يجيك سروالها من عند الرجول تحت مطاط ماسك بالساق ، يعني لمن يسوي شيء مايطيح من السروال يعلق في السروال ، منها نتيجتين ، انه مايطيح الوسخ و يقرفني و يوسخ المكان ، و منها أنه هو بيحس بالوسخ و بيتقرف و يخاف ،
الطريقة ذي نتيجتها كانت سريعة و حلوة ،
اول مرة سواها ولدي علقت بين رجوله ، بكى و صرخ و قعد ينط يحاول يطلعها ، أخذته للحمام و شلت السروال و قلت له شفت كيف ، هذا وسخ ، يع ، و هو كان حده متقرف ، لكن في ذي اللحظة انتبهي تضربينه او تدين عليه ، لأنه هو أصلا بيكون خايف و فهم الدرس ، فلاتضغطين عليه يصير يخاف و ينتكس و بيتعبك ،
مرتين أو ثلاث سواها و جت بسرواله و انتهينا ماعاد سواها إلا بالحمام ،
طبعا اول مرة سواها بالحمام ، كافأناه غير عن العادة ، كان وده من زمان بدبدوب كبير ، فرحنا للسوق و نزلناه للمحل و خليناه يختار الدبدوب اللي يبيه و فهمناه انه هذي هدية له علشانه بطل و سواها بالحمام ،
صار كل مايروح الحمام ، ياخذ الدبدوب للحمام و اذا سواها يقول صفق لي يادبدوب ، أنا بطل ذذ طبعا بلهجة طفولين ، لأني دايم أقول له إذا راح الحمام بطل و أصفق له ،
من بين المكافآت اللي كنت أكافائه يحب أفلام كرتون توم و جيري و نقار الخشب ، شريت له من التسجيلات ديفيدات إسلامية لنقار و توم ، و عندي ديفيدي ، كل ماسوا الكبيرة بالحمام ، أكافئه بتغيل الريط اللي يبي ، و فهمته أنه ماراح أشغل له إلا إذا سواها بالحمام ، و يوم صارت جمعة أهلي و أخواتي ، أثنوا عليه و شجعوه ، أمي اعطته هدية لعبة حيوانات ، و خالاته ماقصروا كل وحدة عطته شيء و شجعوه الحمدلله ، فكان لها أثر إيجابي كبير عليه .
أخذنا فترة أسبوعين و احنا ماشاء الله ماشي معاي ، الحفاظة بس بالليل ، إلين لاحظته ، يقدر يتحكم بنفسه بالبول و الكبيرة ، يعني يقدر يمسكها لحد مايوصل للحمام ، فبديت معاه مشوار الليل و النوم ، طبعا فصلنا له غرفة على أساس أبيه ينام بغرفته قبل ولادتي بالسلامة ، فبديت معاه المشوار مرة وحدة ، النوم بدون حفاظة و النوم بغرفته و على سريره ،
حببناه بالغرفة و قلنا له هذا سريرك حلو و كبير ، سريره الصغير اللي بحاوجز خلاص أصلا تفكك ، فرميناه قدام عيونه بالشارع و قلنا خلاص تنام بغرفتك و على سريرك الحلو ،
اقتنع بس انه ينام بس طبعا يخاف و ماتعود على النوم لحاله ، فأخذت لي فراش و فته عنده بالغرفة و ظليت معاه بالغرفة لمدة أسبوعين ، هو على سريره و أنا على الارض بالفراش ، كل ساعة أقوم و أفومه و أوديه الحمام ، تعبت تعب الحمدلله ، بس مافيه شيء يجي بسهولة ، لازم من التعب و الإرهاق، لمدة ثلاث أيام كل ساعة أقوم أوديه الحمام ، بعدها خليته ساعتين كاملة ، و بعدين أقومه و أوديه الحمام ، و بعدها ثلاث ساعات و بعدها أربعة ، هذا حده أربع ساعات إلى الآن أخليه و أقومه يروح الحمام ، م الأسبوعين بسلام الحمدلله ، فيه إصابات بسيطة كم مرة بال على نفسه و هو نايم ،
نسيت أقول لك ، ماخذين احتياطاتنا ، فراشه شرا زوجي تغليفة شفافة اللي تجي كأنها سفرة اللي يغلف فيها الفلين ، شرا تقريبا ثلاثة متر أو أكثر و لفينا فراشه فيها و بعدين حطيت المفر ، ميزته أنه لمن يتحرك مايطلع صوت و لايدي بوجوده و يحفظ الفراش عن البلل بس حدك المفرش تغسلينه و بس ،
بعد الأسبوعين فهمته أنه خلاص لازم ينام بغرفته و ماما تروح تنام بغرفتها على الفراش ، أول يومين ماش مااقتنع و كل شوي يناديني و أجيه أحبه و أضمه و أرجع للغرفة و بعدها خلاص تعود ، و غلت له مسجل فيه سورة البقرة و الحمدلله مشى تمام و مريحني هو بغرفته و احنا بغرفتنا ،
الحمام إلى الآن لازم أجي أقومه كل أربع أو ثلاث ساعات أوديه الحمام ، أو مرات هو يقوم يجيني للغرفة و يطلب الحمام ، يعرف يروح الحمام بنفسه بس مايعرف يغسل ، يعدم الدنيا و يرش على ملابسه

الحمدلله النتيجة حلوة بعد تعب وصل إلى شهر و نص إلى شهرين ، جنينا النتيجة ،
بس لازم تكونين طويلة بااااااال معاه ، و أبوه يتعاون معاك ، يعني تثنون عليه كلكم و تشجعونه كلكم و أبوه يجيب له الحلاو اللي يبيه لمن يسويها بالحمام ، أو ياخذه للبقالة أو يوديه للحديقة ، كل هذي الأشياء بتعطيه دافع أنه يتعلم أكثر و أكثر و يتحمس ،
لكن لمن نجيهم بالصراخ و الضرب و الهواش ، يخافون و تصير النتيجة عكسية يصير تبول لاإرادي بالليل ، يعني يصير بالنهار مضبوط لكن يخربها بالليل ،

و الحمدلله ، بس نصيحتي لك لاتبدين بالشتاء معاه ، خليها إلين يدفا الجو ، لانه بالشتاء الكبير بالغصب يمسك نفسه مع طول الليل و البرد ، فكيف بالطفل الصغير ، فانتظري يدفا الجو و ابدي معاه ، و علشان مايدخله برد لو سواها على نفسه و تبلل .
و الله يكون بعونك و ييسر لك ، تذكري أنه كل يء لازم له من بذل و جهد و مو كل شيء يجي بسهولة ،

الشيء الثاني الحفاظة بالليل ، انسيها ، بعض قرايبي فطموا عيالهم ماشاء الله بس إلى الآن يخلونهم ينامون بالحفاظة و كل ماتناقشنا بالموضوع تقول تعب أقوم أقومه كل ساعة إلا يسويها بالحفاظة أحسن ،
كبر الطفل و الآن عمره 6 سنوات و صاير يتبول لا إرادي بالليل ، عجرزت فيه و تعبت و الآن ناوية تعرضه على طبيب ،
احنا اللي أمرضنا عيالنا ، أطفالنا مافيهم شيء ، بس الخطأ اكبنا ، خلاص إذا فطمتي طفلك و مشى معاك بالنهار و ضبطت أموره ابدي بالليل على طول و شيلي الحفاظة نهاااااااااائي ، لاتقولين تعب و باتعب و ماادري إيش ، هي كلها فترة و تعدي بإذن الله .
و بتستانسين بالنتايج .

اتمنى أكون أفدتك ، ادري كثرت كلام و طولته بس حبيت أفيدك بتجربتي ،

أعتذر على الأخطاء الإملائية ذذ بس متعيجزة أعدلها تعبت و أنا اكتب