خلونا نستفيد وشي العيوب الي لابد نتفاداها في تصريف خريطة المنزل

جرح ورا جرح :

بالنسبة لتصميم البيت اكيد يختلف حسب سكانه واحتياجاتهم الضرورية خلي في بالك انك تستفيدين من كل غرفة في المنزل بما انك انتي من بيسكنه ولا تكررين اغلاط اهلنا من قبلنا ثلاثة ارباع البيت مقفل للضيوف كمجالس وغرف طعام والضيوف حاليا قليل و الناس صارت تعزم في استراحات وقاعات.. مقلط للحريم اول مرة اسمع فيه سوي صالة كبيرة لجلستكم تكون مفتوحة كقسمين قسم للجلوس وقسم لطاولة الطعام واذا زاركم احد خلي الطاولة على جنب واستفيدي منها تخلين الاكل بنظام البوفيه وجلستكم بالارض الرجال ممكن تخلين مجلسهم والمقلط وبينهم مغاسل ودورة مياه غرفة الشغالة بالسطح عندي انسب من الحوش او الدور الثاني المخزن ضروري يكون متصل بالمطبخ سوينا هالفكرة ببيتنا وطلعت روعة المطبخ داخل البيت يفتح على باب تطلعين منه على المخزن ومن المخزن باب يطلع للحوش حلوة اذا جايبين اغراض وعندكم زوار مثلا غرف النوم افضل بحماماتها مثلا اذا اولاد لهم حمام والبنات لهم حمام واذا بنات باكثر من غرفة مثلا ممكن حمام مشترك..المكتب ما يحتاج حمام ويفضل يصير المقلط مكتب للاستفادة من جميع غرف المنزل لانه عادة يكون فاضي وما يستفاد منه.. اهم شي اذا البيت صغير لا يصير مبالغ فيه من حيث الجبس والحركات ترا بتملون اذا فيه امكانية تحطون غرفة صغيرة شبه مفتوحة على المطبخ تكون لاطفالك عشان تشوفينهم وهم يلعبون بترتاحين مرة لاننا سويناها وطلعت عملية بس للاسف بعنا البيت بسبب ظروف معينة.. الله يوفقكم بتخطيط بيت مريح وعملي

بالنسبة لتصميم البيت اكيد يختلف حسب سكانه واحتياجاتهم الضرورية خلي في بالك انك تستفيدين من كل...