السلام عليكم ورحمة الله وبركاته

انا عند وعدي وجيت لكم

اولا هذي الصور انا رقعتها في برنامج التصميم على اساس توصل الفكرة
عدل
قص ولصق ودمج وترقيع
نبدا
هذي الصورة حق تنورة
اذا مليتي منها ....
نقص التنورة من النص
وتصير عندنا قطعتين سويهم كقمصان داخلية
وحدة الجزء العلوي خيطي المكان اللي قصيته تنظيف الخياطة وسويله حمالات
والقطعة السفلية
خذي شريطة بنفس لون التنورة وسوي مثل ربطة تكون على الرقبة


الصورة الثانية
عندج تنورة قصيها من الجزء العلوي في النص على شكل V
وبعدين خيطي القطعة بانج تاخذي القطعة من جدام ورا اللي مثل الحبل نهاية V
من الصوبين ... وتنظفين الخياطات او تركيبين بيه او شريطة


عندج تنورة فيها كشكشة من تحت قصي الكشكشة
وركيبها أعلى التنورة يعني بتكون على الصدر وسوي له حمالات


عندج تنورة تبين تكشخينها
خذي ازرار بأشكال مختلفة تكون مثل الاحجار او دائرية
ملونة او لون واحد
وبعد تقدرين تحصلين مثل جينهات
انتِ واللي بتلقينه
خذي خيط وخيطي في التنورة من جهة وحدة ودخلي فيه الخرز حيث انه يكون
بشكل دائري يعني حوالي التنورة وانتِ وابداعج بالخرز


عندج تنورة سادة مافيها شي مثلا بيضا
خيطي عليها علاقات نفس مالت البنطلون
اللي يدخلون فيها الحزام
وخذي شريطة عرضها كبير ودخلي في مكان الحزام والشريط يكون على لون القميص اللي
بتلبسينه
ام تنسوينه كشكل ربطة او تحطينت عليها وردة



هذا اليوم وتعبت واذا الله قدرني
بحط اشياء ثانية

ملاااااااااااااااااااااااااااااااااااحظة
لاتغامرين وتقصين التنورة
قبل لاتلبسينها وترفعينها الين فوق يعني تشوفين
ان مساحة التنورة تنفع مع الصدر بانج تقصينه

والسمووووووووحة

مشكووووورة يالمنسية... افكار حلوه....:26:

ما شا الله عليكم يا مبدعات


انا ما عندي افكار وايد بس اذكر لما اكون ودي ارمي قطعه افك زرايرها خصوصا اذا كانت مكلفتني ومرات حتى البطانه افكها واي اكسسوار عليها

وممكن لما تفصلي جديد تستفيدي من هالازرار والبطانه


والقميص اللي تملي منه غيري ازراره يصير جديد

وممكن تكبسيله ازرار من قماشه تنوره عندك خصوصا اذا القماش نفسه فيه حركه ويصير عندك مثل طقم

اذا خطر ببالي شي ارجع

:26: :26:

موضوه حلو :26:

مشكورين على الافكار

انا عندي تتنانير سترج ساده يعني كل وحده لون
ومليت منهم
وهم من زمااااااااااااااااااااان عندي وما اعرف شو اسوي فيهم

:::::::
وانا زواجي قريب وافكر اشتري تنانير قصار مثلا فوق الركب للبيت بس كل ما اشوف من هذي التناير احصلهم غاليين وانا ما ادري اذا كنت بلبسهم ولا لأ واكيد ما راح البسهم على طول

المهم

من خلا ل موضوعج ياتني هذه الفكره
اني اقص التنانير واخيطهم من تحت
فتصير عندي تنانير قصار :)

وممكن اخذ ورده او ازرار او اي حركه من فساتين السهر القديمه ا و من قمصان قديمه واركبهم على التنا نير



طولت عليكم
ما ادري اضفت شي يديد ولا فكرتي مكرره

بس بغيت اشكركم :26: واشجعكم على كتابة افكار جديده

تبوله مشكوره على المشاركه...:26: وصح كلامج انا ما كنت اخذ الازرار من القمصان بس الحين بسوي الي قلتيه...


هلا فراشه ومبروك مقدما على الزواج... واذا عن التنانير الي قلتي عنهم وديهم الخياط وخليه يقصهم بالطول الي تبينه....

وممكن تقوليله يركبلج عليه قطع مربعه ويكون على القميص نفس الشي... يعني يكون مثل مرقه بيطلع حلو... أو حتى تخلينه يشويلج تطريز على طرف واحد...يعني على الجنب كامل ويكون بلون مناسب للقميص صدقيني بيطلع حلو...

امممم

صح اتذكرت ممكن تشترين من الدبابيس الي هم مال الحجاب بس الحجم الكبييييير... وتركبينه بشكل حلو على التنورة وتحطين بعد منه على القميص....

ان شاء الله الافكار عجبتج....