السلام عليكم و رحمة الله و بركاته,

مشاء الله الله يبارك حق كل الي عرض شغله موفقين ان شاء الله

بنت زايد غرفتج تونس لانها خاليه, وسهل نعطيج اقتراحات,
بالنسبه حق الاضافات ان شاء الله سهله,

لكن...

عشان تغيرين الستايل في شي, يليت تقدرين تسوينه وصدقيني بإذن الله يطلع كل شي رووووعه
بس يبيله جرأه :D

جسمية

رجعنالك غاليتي ..
بالعكس عادي مافيه شي ..
حتى لو تحسين اني انا هي .. مافيه خلاف
عموما خلينا نبدا في الملاحظات...

اولا : الالوان مره غوامق .. والشقه صغيره ..
يعني احس مضيقه المكان اكثر من ماهو ضيق ...
وبعد كذا احسها تكتم على الصدر ..
مافيها حياة ولا اشراقه ...
يبغالك الاثاث الي يكون خفيف ...

والستاره لاتخلينها مسكره ومغطيه الدريشه ..
يعني زيادة على كتمة المكان رحتي قفلتي الستاره ...
خليها ممسوكه على جمب واحد والباقي يكون شفاف ..
عشان يدخل النور و يسوي جوو ...

ثانيا : فيه نباتات ... اشوف انك تشيلينهم افضل ..
وحطيهم بس في الاسياب والمطبخ ...
او اذا ودك حطي وحده بس لا تكثيرين ..

ثالثا : اللوحه الي حاطتها فوق الستاره .. مره ماهي حلو مكانها ...
يعني مرره صايره فووق ..
نزليها ودوري لها مكان ثاني ..
وحاول ماتودينها فووق مرره ..


رابعا : تعالي تعالي ...
كني لمحت كرسي هزاز .؟؟؟
الحين تشيلينه ههههههههههاااي ..
روحي حطيه اي مكان بس هنا لا لا ..مره مضيق !!

خامسا: الحين الجلسه كلها غامقه ..
تروحين تخلين مفارش الطاولات الوان غامقه بعد ؟؟
شوفي خليهم غير الوان يعني فتحي كثير ...
وشيلي النبته الي على الطاوله ..

الصورة الي بعدها وايد حلوة ...
يعني النبته الي على الزاويه مناسبه المكان ...
ونفس الشي الي بالنص .. هنا عرفتي تختارين المكان ..

والحين برسل هالرد واقلب الصفحه يمكن فيه صور ثانيه ...

واااااااااااااااء :icon33: كتبت رد طوييييييييييييييييل واخر شي انمسح قهر :icon33:

هلا بشحرورتنا الحلوة :D

تقولين الالوان غامجة يمكن بس انا احب اللون الاخضر واااااااايد فضفت له الاصفر عشان يفتح شوي و تراني حاطة مرايا عشان يكبر المكان ماعندي شي ثاني اسويه :(
على فكرة الصور جدا باهتة و مظلمة بس في الواقع تراها احلى بكثييييييير >>>عاشت الخقاقة :icon28:

و الستارة مسكرة عشان انا مصورة و الدنيا ليل
بس في النهار ملمومة على طول
شكلي بصورلكم في النهار :D

بالنسبة للنباتات احبها وااااااااااايد شسوي بعمري
وكنت حاطة في بالي اضيف اكثر
بس بعد كلامكم شكلي بغير رايي :30:

واللوحة اللي فوق الستارة بغير محلها من الاعراب
كانت مرفوعة بخليها مجرورة و بجرها جر و بدورلها محل ثاني :D


الكرسي الهزاز مب في مكانه
مكانه في غرفة النوم
وانا احب اجلس عليها في كل مكان :30:


المفارش لازم تكون نفس اللون و الا وشو رايكم ؟؟
ولا اخليهم صفر يعني عشان يفتح المكان :)

مشكورة يا كل الذوق على التعليقات

يا شحرورة اللي شعرج مثل صباح :16:

انتظر ارااااااااااااااء و ملاحظات جديدة :)

بعد شوي افكر انزل صور غرفة نومي

و هاي الغرفة فيها فراغات كثيرة و ثغرات

وانا فعلا محتاجة اراء لتجديدها

اشكر الجميع سلفا