هلا بيك اختي

شفتي كيف يازين القهوه الصبح :)

بس ياخساره ما عندي احد يتقهوى ابو الشباب شرب له فنجال وتوكل على دوامه ونا من صباح الله لحالي كلن نايم :(
اما الثلاجه الثانيه شاريتها برمضان للعصيرات والحلى من هاس

والدواليب مو المنيوم الي اعرفه انها فيفر قلاس ضد الحراره والماء

تدرين اول ماتزوجت كانت دواليبي خشب ونذبحت من الصراصير الصغيره والريحه مع اني موسوسه ما احب اي شي يطيح فمابالك بالصراصير

والله اني اتذكر وش كثر ماتعبت هذيك الايام ونا ادور على مطابخ بس كانت ذي هي الي باديه وموضه جديده

والحمد لله الى الان نظيفه من برى ومن جوى الي يشوفها يفتكر انها تو مسويتها خاصه الي اول مره يشوف مطبخي

والحمد لله ارتحت من الريحه ومن البلاوي الثانيه وبس امسحيه بكلوركس وترجع تبرق

وشكرا لك اختي على مدحك لي

ماشاء الله بصراحه مطبخ جنان هاذي المطابخ واللى بلااش

السلام عليكن أخواتي العزيزات ،

ماشاء الله ، تبارك الرحمن ، مطبخ جميل جدا ، ومرتب ، ويفتح النفس ، فعلا كأنه جديد ،
سلمت يداك، اختي ، والله يعطيك العافيه والصحه ، وبارك الله لك في بيتك كله ، وادعي لنا كي يرزقنا الله مثلك , اللهم امين .

بالنسبه لمطبخي فسامحوني ، اسكن شقه بالايجار ، والمطبخ فيه خزانه واحده صغيره خشب ، وخزانتين صغيرتين ألمنيوم ، يادوب يكفون الاغراض . والله المستعان .

الله يبارك لكن جميعا في مطابخكن ، ويجعلها كبيره ومريحه ونظيفه ،

والسلام عليكم ورحمة الله وبركاته.

الله يعطيكم العافيه على الموضوع بس عندي سوال مطبخي الالومنيوم الرخام ماادري السيراميك القاعده اللي نضع عليها الاشياء لما الماء يبقع عليها فصار لونه الرخام الاخضر اشهب يعني مافيه لمعه ليت تفيدوني واتمنى اني ماطولت عليكم

بصراحه مطبخ ولا احل من كذا ودي اصور مطبخي بس ما اعرف شلون وعلي العموم مطبخي المنيوم والحمدالله نظيف داااااااااااااااااااايما