استغفر لله اكثر ما نرفزني الي قالت بنات فقر ولله انا اشوف هابنات اخلاق لابعد حد يكفي انها حسنة المنطق

وانا الي اعرفه اغلبهم طرحوه


:) لرفع

عفوا حبيبتي ناويه لك على نيه
اذا كان هذا الكلام موجهته لي فبقولك وشلون اتسوق: :42:
انا ما عمري سألت اي موظف في المحلات عن اغراضي الي حاطتها في بالي
...........
بمعنى: اني احب انتقي اغراضي بدون ما اسال و اعرف بالضبط و ش ابي لان عادتي اتسوق بصمت و انا رايقه على الاخر و لا احب ادوش مخي بكثر القرقره مع من هب و دب....
بس بسيطه :
next time you will come with me and I'll give you a lesson in shopping
هههههههههههههه
و للتوضيح انا مع تعلم اللغة الانجليزيه في امور حياتنا====> (معلمة اللغة )
ولكن الي حاطه في بالها انها تقول هالكلمتين في الاسواق وبس اقووول لها بالفم المليان :
...
......
.........
لا تعبتي و لا ندمتي
وتحياتي للجميع............:)

الموضوع حلو وأعجبني كنت بشارك بس لقيت كل اللي عارفته أنتم ذاكرينه ماشالله
بعدين ليه البعض مب جايز له هالكلام ... بالعكس نفيد ونستفيد
يعني مثلا لو وحدة تقولك بلبس بالعيد فستان وتحته فريزون .. وأنتي ماتدرين وشو الفريزون وشلون بتتخيلين اللبس ... بتسالينها وشو فريزون ؟؟ .. بتقولك ذاك البنطولن اللازق الخفيف اللي يجي لين نص السالق اللي ... الخ
وشوله كل هالشرح ؟؟ ... نفهم وش معنى هالمصطلحات وماراح نخسر شي

وبس :)

بالنسبه للي تقول إنه حنا البنات بنضيع اللغه ومدري وشو ،،

على منطقكم هذا ،، أجل جداتنا وأمهاتنا ضيعوا اللغه قبلنا


لأني اسمع جدتي تقول سنتيانه :)

وأسمعها تقول تلفون ،، ماقد قالت هاتف :)

وأسمعها تقول تلفزيون ،، ما قد قالت تلفاز :)

((مع العلم ان كل الكلمتين مشتقات من شي انجليزي ،، هذا اسمهم طيب وش تسوي؟؟))

وأسمعها تقول برضو كمبيوتر ،، ماقد قالت حاسب آلي :)

برضو اسمعها تقول سندوتشه ،، ما قد قالت شطيره :)

والحمدلله ما اشوف اللغه ضاعت ،،



غير كذا خير الامور الوسط ،، يعني اللي طوووووول الوقت تدخل كلمات انجليزيه بكلامها هذي منجد وحده تحاول تستعرض بكل ما أوتيت من قوه ،،

لكن اللي تقول بلاشر !! معليش يعني وش تبينها تقول؟ ،، هذا اسمه المعروف !!
برضو اللي تقول قلوس ،، يعني بالله وش تقول؟ :( ،، وقسم بالله غصب ،،

برضو مثل ما قالت الأخت ( ناويه لك على نيه) ،، لو بتوصفين لأختك او بنت خالتك بنطلون لو ويست شفتيه بالسوق ،، وش تسمينه؟

احس ماله إلا هالاسم !!


ولا عمري فكرت بهالأشياء كفشخره ،، اصلا اكره ماعلي الناس اللي كذا ،، بس وش اسوي؟ هذي هي الاشياء وهذي اسمائها :( ..

مادري لية يابنات انتم معترضين على مسميات الملابس بالــE يعني مافيها شي البنات يتثقفون ويعرفون مسميات اللبس خاصة انها متعددة يعني الجينز له كذا موديل وكذا مسمى ، وغالبا البياعين يكونون اجانب مايفهمون عليك حتى لو البائع عربي صعبة تقعدين تشرحين له فـ هذي المسميات توفر عليك الشرح غير كذا لما نسافر خارج البلد لدولة اوروبية او لأمريكا او استراليا حبينا نتسوق من هناك ؟
____
عموماهذا مسمى الجينز الي يكون ماسك ع الجسم من فوق لتحت وهو ماينفع طبعا الا للطوال والي اجسامهم تأهل اسمه
Skinny Jeans