ما سبب اختيارك لاسمك المستعار ؟؟؟؟؟
لأن الاسم عاجبني وزوجي مو عاجبه ومالي امل اسمي بناتي فيه فاخترته حقي .... ومعناه وسائد الجنة

** من هي العضوه التي تحرصين على قرأة ردودها ؟؟
كل البنات ماعليهم زود

** من هي العضوه التى توسع صدرك ؟؟
مطفوقة بس ثقل ..... دمها عسل

** من هي العضوه التي ترفع ضغطك ؟؟
للحين مافي احد

** من العضوه التي تحسبين لها الف حساب ؟؟
!!!!!

** من هي العضوه التي تحسين انها توأم روحك ؟؟
محد ......

** ما هو اكثر موقف ندمتي عليه ؟؟
مرة كتبت موضوع عن زوجي في منتدى ثاني انه ما يتكلم ووووو وبالآخر الحبيب طاح على الموضوع وياي ايقوللي افااااا انا جذي انا ما اتحجى انا وانا ..!!!! وانا انقص ويهي من الفشلة .... اشوه اني ماكنت حاشة فيه وايد

** ما هو اكثر موقف ًصادفك وشعرتي بالحزن نحوه ؟؟
خلي اللي بالقلب بالقلب

** من هي العضوه التى اتمنيتي انك تتعرفي عليها اكثر وطلعتي تعرفيها ؟؟
محد

انا اخترت اسمي لانى دلوعه اهلى واخوانى
لانى وحيده بنت بين اخوانى الشباب
ومو مقصرين علي لله الحمد مدلعيني


وصراحه كل البنات بالمنتدى مميزات كل ما ارتاح لوحده ارتاح لثانيه اكثر احترت منو اللى مميزه اكثر
وماكو وحده ما احبها



رفرف ويييييه والله قصه ويه يوم زوجج طاح عليج هاهاهاها بس الحمدلله اذا عدت على خير

أهليييين بنات ....
ابدى في الموضوع على طول ..اخترت اسمي غصب لان زوجي هو الا اختاره وهدا فرصه للي تقدر تغير اسمي لاني كتبت كم مره ولا فيه فايدة...المهم: العضوة الا احس انها محترمه من غير ما اشوفها هي ام معاد وجهاد
والاخت الكركورة الا تحب شكلها الضحك هي منااااااار
وانا توني يديدة ما صارلي شهر,,,بعدين اعلق على الباقييين ( عيل ليه رازة وجهك)
وشكرا يالله بااااااااي.

مرحبا أناعضوة جديدة والموضوع المطروح مررررررررررررررررررررة حلو احس كانا في جلسة مع بعض ونتعرف على بعض
تذكرت ايام الدراسة
أما عن سبب اختياري لهذا الأسم هوأنه لم يسمح لي بالدخول للمنتدى لتكرر الأسم فأخترت هذا الأسم المشتق من اسم ابنتي (رزان).
واسمي أمل
اماعن باقي الأسئلة فلاأستطيع اللاجابة عنها لأني كما قلت لسسسسسسسسسسسه جديدة..

موضوع حلومررررررررره يجنن مثلكم كلللللكم ياحلوات حواااء
بالنسبه لي بما اني عضوه جديده مااقدر اجاوب على الأسئله لكن صدقوني يالغاليات اللي جذبني للمنتدى اني حسيت بأنكن نساء واعيات واخوات طيبات والإيثار ماشاالله واااضح جدا في ردود الاخوات (بدت الفلسفه هههههههههه)

اما بالنسبه لاختياري لأسمي بصراحه مو انا اللي اخترته اغلى البشر واعز انسانه (أمي الحبيبه هي اللي اختارته لي)