كيفكم بنات نحمد الله ونشكره على كل حال اولا واخيرآ
في بعض الرجال تجدين فيه الطيب والمرجله لكنه غير رومنسي
كيف تجعلينه رومنسي؟
وفي بعضهم كمان طيب لكن نفسه براس خشمه دائمآ وكثير الصراخ
كيف تجعلينه هادي؟
وفي بعض الرجال مدمــــــــن
كيف تجعلينه يكرهه؟
وفي بعضهم وهذا اشوف انه اصعبهم ما يقصر عليك ابد في شي لكن لا تسألينه عن نفسه
بمعنا وين رحت وين جيت ليش تأخرررت
بيرد عليها اكيد ليش السؤال أنا منقص عليك او على عيالك شي:mad:
طبعآ انا عندي قناعه تامه ان الرجال يختلفون عن بعض زي ما احنا نختلف عن بعض بحكم تربيتنا والبيئه الي عشنا فيها وكمان عندي قناعه ان مهما كان الرجل الي امامك جبار عنيد لا يغيره سواك انت يازوجته اما للأفضل او للأسوى
نصيحه:
اذا كنتي على وشك ملكه او زواج لا تقارنين خطيبك بخطيب صا حبتك ابدا
واذا كنتي متزوجه لاتقارنين زوجك حتى مع اخوانك لانك راح تتعبين
وعلى فكره الرجل يكره زوجته تشوف غيره احسن منه حتى لوكان ابوها او اخوها
بعض الرجال يحبون البنت ثقيله حتى بعد الزواج بمعنى
تتثيقل عليه ولا تكثر كلام حلوو ويكون بيتها وعيالها ومظهرها شيك وشخصيه ولا تكون ثرثاره
وبعضهم يحبهاغنوجه تدلع عليه
وبعضهم يحبها 24 جنبه والله يمكن تستغربون انو في رجال يحبون حريمهم يلصقون فيهم
بس فيه وحده اعرفها زوجها مايبغاها تفارقه
بنسبه لي زوجي مايعرف يقول كلام رومنسي حتى مسجات ملكه ماكان يمسج وسبحان الله عودته
اذا قال كلامه حلوه ما اقول غريبه اخيرا طلعت
انبسط واقول حبيبي الله لايحرمني منك اصل انت دايما كلامك حلوو طبعا صار يعرف اني احب الكلام الحلوو كثير انا ما اقول تغير تغير جذري لان طبيعته وطبعه يغلب عليه لكن تحسن عن اول
طبعا في علم النفس يقول لوكان زوجك ما يحبك تقدرين تخلينه يحبك
مثال: تقولين له دائما حبيبي ادري انك تحبني عشان كذا سويت لك العصير الي تحبه
اقنعيه بحبك بطريقه غير مباشره
وجربي فتره تلتزمين الصمت
وربي الصمت ابلغ من الكلام
خليه على راحته بس لا تغفل عينك
وخلي لك شخصيتك خليه يدري انك تموتين فيه وفي نفس الوقت يدري انك يوم من الايام كنتي عايشه مبسوطه مع اهلك بدونه يعني لايثق في حبك عشان ما يتمادى
طلبي منكم كل وحده تقول اش غيرت في زوجها وكيف وهل ممكن تدخلين عيالك في الموضوع لتحننين قلبه
والي موضفه تفيدنا متى وقت الرومنسيه هل لديك وقت ام لاتجدين الوقت؟؟
اسأل الله ان يسخر لكل امره مسلمه زوجها وان يرزق كل فتاه متاخره عن الحمل جنين يثلج قلبها يارب العالمين يا ارحم الراحمين...:39: