خلونا نفيد بعض ياحوامل الشهر التاسع من المشي لولادتك لنفاسك لبيت رجلك . والدعوه عامه

اختي نبع الانوثه كلامك مو مفهووم
اي لغه تتكلمين ؟؟؟ كلماتك صعبه تكلمي عربي
خخخخخخخخخخخخخخخخ
المهم الله يسهل عليج ولادتك
انا بدخل الثامن ومن الحين مبرزه جنطتي
حطيت فيها مفرش تحت الياهل وفوطه ومهادين وبرنوص صغيرون
وحطيت ثلاث شلح بو كم والمرايل بو دلاغات ثلاث بعد
وثلاث دلاغات وقفاز واحد وكبوس واحد
وبدله وحده بس مادري اكتشفت ان البدل الي شريتها
اغلبها 0/3 يعني عوده عالياهل وما لقيت غير بدله وحده بس
نيو بورن هههههههه قلت بخليها لاول يوم
وان شاء الله باخذ بعد
وحطيت بعد مناديل جونسون ومال التهابات وفازلين وشامبو ولوشن وزيت وبودر وصابون الجسم
وادوات الياهل مشط على مقص الخ الخ وليفه للسباحه
مممممممممم شنو حطيت بعد ؟؟؟
اي مصاصه وحده بس قلت باخذ غيرها حق الماي
وحطيت فراش بو جرار ( بو جيب ) حق الطلعه
ومخده صغيرونه مممممممم هاي تقريبا كل اغراض الياهل يمكن قاصرني
الحليب والماي والحفاضات يقولون المستشفى يعطون هناك بس بعد اشتري احسن
وحقي انا حطيت لي ثوبين نفاس ونعاله وفوطه وروب وهافات وصدريات رضاعه
وقطن مال الحليب ودلاغ ومشط وشامبو ولوشن وعطر وصابون سباحه وليفه
ومعجون وفرشاه وقلت بشتري سروال دكاك ووو

قولو لي شنو قاصرني بعد ؟؟؟

انا بديت امشي من الحين يا ترى ما يضر المشي بالبيبي لاني باول الثامن ؟؟
اما الياهل مادري احس انه يفتر يا ترى هل بهالمرحله الياهل يفتر وايد ؟
ابي اعرف كل وحده ولدت شنو اهم شي تحسفت عليه ما سوته ؟؟
وشنو اهم شي فادها ؟
وانتظر ردكم

:)

موضوع حلو ياليت ماينحذف

فال الله ولا فالتس ياوخيه
مدام ان الموضوع زين وراتس ماتفيديننا طيب :09:

خخخخخخخخخخخخخخخخ نبع الانوثه هذا اول حمل لي وماعررررف شي انتظرالبنات يفيدونا


على العموم انا باقي لي اسبوع وادخل التاسه باذن الله ومره حايمه كبدي وصرت اكره شي اسنه مرايه يعععععععععع شكلي بايخ بطني صار ثقيييل والبس يصير بايخ علي


بالنسبه للتجهيزات تقريبا خلصت كل شي للبيبي
بس باقي الاشياء الي من الصيدليه يعني رضاعات ومصاصه ومعقم الرضاعات وذي الخرابيط

وبالنسبه لي باقي لي الجلابيه واشياء خفيفه

طبعا انشالله بعد مادخل التاسع باسبوع بدخل الصياني تتعبى
امممممم بس هذا الي عندي


الا على فكره بسالكم انا بكره عندي تحليلي سكر على مأظن لانهم قالو لي صومي وعطوني محلول لونه برتقالي يقولون اشربيه قبل بساعه
فيه احد صار له مثلي احس ماله داعي اصوم بعدين افكر على هالمحلول الله يقرفهم