خلوني افضفض واقول الي بداخلي

يارب يرزقك بالزوج الصالح اللي يسعدك ويحبك ~
ياقلبي لاتقارنين نفسك بغيرك ترا كيذا راح تتعبين عيشي حياتك وأن شاء الله ربي يرزقك~قومي قبل صلاة الفجر بساعه نص ساعه قران والباقي صلاه ودعاء والله يسر أمورك كلها

يابنت الحلال عساه اكبر الهموم


26 سنة وتقولين ما تزوجت ... وسعي صدرك انتي باحلى عمر ... ادري خايفة تعنسين بس لسى ما وصلتي هالمرحلة توك صغيره وهذا هم كل بنت

وبالنسبة للاهل ترى البيوووت اسرار ومافيه اسره مثاليه


والهدوء تراه نعمه ... والتلعثم يروح مع الوقت ... بس ما قلتي انتي لما تسولفين تحسين بخجل او احراج .. لانه ممكن يكون لانك منحرجه تسولفين ترى تصير كثيير

وحلها بسيط انك تتاورين مع الناس حتى لو مع الاطفال ... قدام المرايه .. هذي طريقة العلاج حسب دراسة في جامعة هارفارد

لكن الحقيقة اننا تعلمنا هالطريقة من الائممه والخطباء ... وابحثي في النت وشوفي قصصهم وكيف تغيرو وعلى راسهم ( الامام احمد بن حنبل )


و في الوقت الحاضر ( عمرو خالد ) وقصته خجله امام الناس وهذا بسبب لدغة لسانه

اختي الغاليه لا تتحسفين على قل الكلام ابد ابرك لك واحسن وش وراه كثر الهذره والبربره الا ذنوب وزيادة اثام خليتس صامته احسن لك
بالنسبه تقولين عن نفسك عانس ياحبيبتي توك ترى باذن الله ربي يرزقك بالزوج الصالح اللي يسعدك ويهنيك وينسيك هم الدنيا كله
بس لا تيأسين نصيحه من اخت انتبهي لنفسك وحاولي تسغلين وضع الفراغ عندك بشي تراني انا الحين اطق اخماس باسداس جلستي بعد التخرج 15 سنه راحت على الفاضي الله ياجرني ويرحم بحالي وحالكم
الله يكتب لك الخير بجميع دروب حياتك ويرزقني ويرزقك باالرزق الحلال اللي تقر عيونتس ويفرح قلبتس جميعا يارب العالمين

بالعكس موضوعك مهم مو سخيف لأن في بنااااااااااات كثير مثل حالتك ياعندهم فراااغ او عندهم التلعثم في الكلام مع الأخرين ودهم يسولفون بس ماعندهم اسلوب شوفي حبيبتي انتي لازم تنظمين وقتك اولا خلي عندك وقت مع ربك لأنه هو اللي يكشف كربك قسميه بين استغفار وقراءة قرآن ودعاء وصلاة وابدي شوي شوي ثانيا شيلي من راسك الزوااااااج بتقولين وشلون لاتقارنين نفسك بأحد الدنيا ارزاق وش الفايده تتزوجين مبكره ولاتصيرين سعيده اكيد كل تأخيره فيها الف خيره يعني الزواج مو سعادتك الله من ناس تزوجوا وصار تعاسه وادخلي الحياة الأسريه وشوفي البلاوي وتغسلين يدك ادخلي حلقات التحفيظ وهدفك القرآن خذي دورات عن طريق النت عن تطوير الذات والثقة بالنفس والله فيه دورات تجنن في اليوتيوب إن شالله بتفيدك الأستغفاااااار يسهل امور كثيره سبحان الله بس الزميه تقولين ماأقدر اسولف بشي جيبي اي موضوع وافتحيه واذا سولفوا بعيالهم سولفي بعيال اقاربك يعني لاتقولين اسمها قولي فيه وحده كذا وكذا بس متى بتعرفين ترتبين الكلام بعد دورات اليوتيوب مو اذا صرتي مو متزوجه معناها ماتعرفين شي لا هذا انا ماتزوجت وكثير يستفيد مني في تربيت الأطفال من دراستي ومن الكورس حواقير اختي اللي عندي وداخله حلقات تحفيظ وانا اسئلهم عن عيالهم وافتح معهم الموضوع عاااادي واخذ واعطي مع الكل والله هالشيء زادني ثقه بنفسي اكثر حتى مديرة التحفيظ صاارت تعتمد علي باشياء كثيره عهي ماتقدر تسويها انا طورت من نفسي الزواج مخليته على جنب ماأفكر فيه
لأنه قسمه ونصيب وماراح احد ياخذ نصيبك كل له نصيبه والله واكبر هالرجاجيل اللي يفتحون النفس عيشي عمرك ومتعي نفسك والله اذا حضرت مناسبه وشفت وحده هي وعيالها ياعمري ارحمها واقول الحمدالله اني مابعد تزوجت خل اوسع صدري قبل الغثى وانا عمري مثلك طنشي وعيشي حياتك وانفعيها وطوري من نفسك

آآآآآآآآآآآآآه يابنات انا مرره تعبانه نفسيا من حالتي

لو اعدد لكم مساؤي ماتخلص :44:
الحمدالله اني انسانه انحب من اول نظره :27:

وكان عندي صديقات كثير

لكن بعد فتره شوي شوي يبدون بالابتعاد عني !!!!!!!!!
ليييييييييييه ؟؟
؟

الجواب لاني انسانه صامته ان تكلمت قلت كلمه ورد غطاها
مهوب حياء
بس اني ماعندي شي اقوله ولو كان عندي ماعرفت اصفصه زين واقوله
حاولت وحاولت ومازلت احاول اطور من نفسي واغيرها للافضل
لكن تعبببببببببببت والله تعبتت من طيره الناس فيني في ايام العشره الاولى
وبعدين بتغيرون معي
ويبدون يعلنون انسحابهم
الحمدالله اني مبتسمه وشاقه وجهي الابتسامه بس !!
مافي اسلوب حلو في الكلام
وان تكلمت تكلمت بسرعه ولا احد يفهمني ويبدون يسلكون لي
والي نبهني لهالشي وحده من صديقاتي قالت لي
انتي كلامك مو مفهوم فيك شي
:icon33:
وغير كذا اني ماانخطب خطب رسميه كله ناس يجون يطلعون ويبلعون ويروحون
خلاص مليت من وضعي هذا ودي اعرف اصفصف الحتسي زيين واعرف اخذ واعطي في الكلام
ولي سنين وانا ادعي ربي انه يحلل عقده من لساني
ومازلت ادعي وانتظر الاجابه
:44:
ومرات كثير احس باحبااااط واني مكسسوره وغير عن البناات
كل صديقاتي تزوجوا وعيلوا والي حامل والي والي
وانا ,,,,,,,,,,,,,,
ولا شي تطور او تغير
لاوظيفه ولا زوج ولا حتى اهل انفسهم زينه
كل واحد نافخ خشمه ومايواطن الثاني
وقسم عيششه تقصر العمر استغفر الله يااربي
ودي احس باحساس البنات الي ينخطبون
والي يتم لهم لو رسمي
وودي ارد فلان وعلان ومن كنت بالمتوسط وانا ادعي ربي انه يزوجني وانا ادرس بالجامعه
:icon33:
بس ربي مااستجاب دعواتي
الحين وصل عمري 26 ومافي الا كم واحد ينعدون بالاصابع
ياااربي خلاص مليييت طفشت ابي شي يجدد حياااتي ابي اطلع اتنفس اشوف الشوارع والناس
ابي امسك عيالي واضمهم لحضني
ولا تقولين ادخلي دورات وتحفيظ
انا دخلت بس ماارتحت يقطعون قلبي كل الي يكونون معي بنات بعمري ومتزوجات ومعهن اطفالهن
وكل وحده تقول عن ولادتها ببنتها فلانه وولدها فلان
وانا صايره مثل الصنم لاكلام ولا شي مافي شي اذذكره اوصلا مااعرف اقول واصف كلام على بعضه
والله اني اكتب والعبرره خانقتني من الي فيني
ليييه مااكون مثل هالبنات الي يزوجون ويسولفون بسوالف حلوه
لييه مااعرف اسولف مثلهم ليييه <<يالله عدو كم ليه بالموضوع :35:

حاسسه ان الموضوع تافهه وسخيف وملخبط بس شي بخاطري ودي اقوله ومضايقني حيييييييييييل ومالي الا الله ثم انتم الي اشكيله همي الي يعرفوني ملوا من الاسطوانه الي تكررت بس مااحب اسكت ودي افرغ الي بداخلي لايصيبني انفجار من الحره الي فينن
:angry:


ادعولي تكفون ان ربي يشرح صدر وييسر امري ويحلل عقده من لساني
ويرزقني بزوج صالح تقي نقي مخموم القلب يحبني ويمووت فيني ولايزعلني واكون بعيونه ملكه جمال
ويكون كريم بنفسه وماله وغني بحبه
ويكون صاحب دين وخلق وجمال نفس وروح ياااااااااااااااااااااااارب العالمين
ويكونو اهل زوجي حبوبين يحبوني ويموتون بعيالي ويطيرون بهم ولا يحقروني ويكسرون عيالي يااااااااااااااااااااااااااااا ااااااااااااااااااااااااااارب
:icon33:
يااختي اصبري واسمعي مني وشوفي نبينا موسى عليه السلام دعى ربه ولم يستجب دعاءه الا بعد اربعييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين سنه تخيلي