خلوها سر بينا: عدة مشاكل في بشرتي ومحتاجه نصيحتكم

:23: السلام عليكم
طبعا انا عضوه جديده لكن متابعتكن من زمان
وبعدها قررت الاشتراك نظرا لاعجابي الشديد بالمنتدى وبعضواته مشاء الله متل الاخوات
المهم اني اخت جديده

غير هيك يا اخوات انا طالبه مساعدتكن لاني تعقدت
وواثقه فيكن كتير ومارح اطول مشان ما تملو مني

انا بشرتي يا اخواتي مختلطه يعني منطقة الدقن والجبهه دهنيتان
وباقي الوجه عادي وماعندي ايا منطقه جافه
طبعا المشكله بس بوجهي الي هوه اهم شي عند البنت
اول شي عمري لسا 19 سنه
المشكله اني بعمر 14 رحت على الحج وصار معي تحسس شديد ووجهي صار كلو حبوب
قبل هيك ما كان فيو ولا حبه وبشرتي صافيه متل الليره
بعد مارديت من الحج رحت على دكتور خرفان قلي الي معك حبوب شباب وراح اعطاني علاج
العلاج ما ناسبني ابدا عملي تهيج في بشرتي وصارت على طول حمرا :55: متل هيك
المهم بعد كم شهر صار يطلعلي حب شباب بجد هالمره وانا كانت معي وسواس اني بلعب فيو كتير ومابخلي حبه الا ما بلعب فيا وبعدها بكم سنه حوالي سنتين طلعلي جدري الماء وصرت بهدله
المهم تعالجت من الجدري ومع الجدري متل ما قالت الدكتوره انطفت جرثومة حب الشباب وماباقي بوجهي ولا حبه بس المفاجاة كانت بالبشره الي جرى عليها كتير

وجهي صار كلو حفر محفر كل بشرتي خدودي وتحت عيوني وانفي وشوي جبهتي
شكلو بيبكي وبيخوف الحفر مو كبيره ومن بعد مارح تبان بس تعقدت كل ما بطلع بالمرايه بحس اني ناقصه وجه :44:

كمان رحت على مشغل وقلتن عملولي حواجبي وزبطون على اساس حواجبي مو حلوين المهم راحت الكوفيره من استعجالها عملتلي ياهن بشي متل الموس تبع الرجال
وعملتن عندا مرتين تلاته وبعدين صار فوق حواجبي لون ازرق متل الرجال لما بيحلقو دقنن كتير وكمان ناح تمي يعني منطقة الشنب
كتير مقهوره لاني مابخلي كريم اساس ولا مخفي عيوب ما بحطو حتى تروح كل هالمشاكل

ياريت لو تساعدوني بعلاج طبيعي بليز بس اعشاب لاني ما عاد استخدم طبي كيميائي لانو ما خليت شي الا ما حطيت
اخر شي استعملت الدالاسين ومانفع

اخواتي بليز لانوا كمان داخله على خطبه وزواج وحرام العريس يتخرع بهيك بشره بدي لما يشوفها يتخيل انها حرير مو يحس حالو بمغامره في الجبال و الوديان

اذا مشاكلي يا اخواتي في بشرة وجهي هيه
1/ حفر بجميع انحاء الوجه تقريبا
2/ سواد فوق الحواجب الناتج من ازالة شعر الحاجب
3/ سواد تحت العين
4/ زيوان بالانف بس صغير جدا
5/ لون مختلف عن لون بشرتي مايل الى الازرق في مكان الشنب

عنجد رح ادعيلكن الله يطول بعماركن واعمار اولادكن يارب امين اذا حدا بيساعدني
ويارب ما تحس ولا تشوف الي شفتو في بشرتي يوم من هالايام
:27: مشكورين سلفا حبيباتي