من اول مانزلت موضوع
بس جيتكم اليوم ومعاي موضوع
راح يعجبكم ان شاء الله ...
طريقة عمل مندي اللحم
جربتها كذا مرررره والحمد لله اعجبت الجميع ..
نبدا المقادير . والطريقه مع بعض
ماراح التزم بمقدار معين ..لاني متعوده بالنظر
بس مو مشكله اللي تبي مساعده انا حاضره
اول شىء
تاخذي قدر الضغط تعبيه مويه وتحطي فيه
بصل ثوم فلفل رومي مقطع قطع كبيره وليمون اسود
وبهارات حب وورق غار وملح
واي اضافه انتي تحبيها
واضغطي اللحمه تقريبا نص ساعه
ممكن اكثر او اقل حسب اللحمه وكميتها ..
بقدر ثاني جهزي التالي
زنجيبل طازج وثوم << مدقوقين زيييين ..
الزنجيبل هو سر النكهه .. تقريبا طول اصباعك
والثوم فصين او 3
+شرايح فلفل رومي+صله صغيره مقطعه قطع صغيره وشوي زيت
نكشنهم مع بعض ونضيف مكعب ماجي
نصيف الرز يكون مغسول ومنقوع
ونقلبه مع الكشنه مضبوط
هنا تكون اللحمه استوت
نرصها بصينيه وناخذ من مرقه اللحمه
ونضيفها عالرز .. بمقدار مناسب لنضج الرز ..
وونضبط الملح .. ونخلي الرز يطبخ
اللحمه بعد مانرصها بصينيه الفرن نجهز التالي
(مويه كادي ملعقتين +بيالة من مرقة اللحمه +رشه من صفار الزعفران
واللون الاحمر +بهارات +شوي زيت )
وبالفرشاه ندهن اللحمه ونولع عليها من فوق عشان تتحمر
المعذره هالخطوه راحت صورتها ماادري وين ..
بس ان شاء الله انها واضحه ..
تاااااابعوني
نسيت احطها بالرد اللي قبل
بالبدايه تعلي النار على الاخير
اول ما يبدا الرز يتشرب مرقته وطي النار
وغطي القدر وخليه ينضج على راحته ..
اول ما ينضج الرز ويستوي
رشي عليه من صفار الزعفران او اي ملون طعام تحبيه
انا ماكثرت هالمره ..
وتكوني مجهزه فحمه وزبديه فيها
بصله وشوي زيت وملقعه سمنه او زبده
احفري بوسط الرز حفره وحطي الزبديه فيها
وحطي الفحمه عليها واكتمي الرز ..
ولاتنسي اللحمه بالفرن اذا تحمرت خلاص طفي عليها
واذا حابه اي اضافات ضيفيها
زي
مكرونه مسلوقه
بيض مسلوق
مكسرات مقليه
شرايح ليمون ..
وتحضريه ..
وبكذا يكون المندي خلص
حياكم الله
الرز المستخدم هنا هو ابو كاس
وبالعافيه علينا وعليكم
وهذي صوره بعد لعيونكم
اللي يعجيها موضوعي تدعيلي ان الله يحفظ لي اهلي
ويخليهم لي
طباخة بيتـــــــــنا