خلى بلوتوث مشاعرك شغال مع زجج

موضوعي هذا ما ايخصه في بلوتوث التلفون النقال ( الموبايل )

لا انا اقصد بلوتوث المشاعر بلوتوث الحب ، يعنى اذا وحشك زوجج وكنتى يالسه اتفكرين فيه وفي نفس الوقت اتصل ولا دخل البيت قولي له توك على بالي وكنت بتصل بك وبقولك وحشتني وكنت افكر فيك :39:
شوفي رده لو كان متصل يباج في موضوع ثاني والا كان مضايق :D بينسى كل شى
واذا طرش لج مسج طرشيه له ابتسامه في المسج :) وقولي له فديت هالويهه توني كنت بطرش لك مسج .

يعنى خليه يحس انه في تواصل بالمشاعر بينكم وخليه يحس انه على بالج دوم وخصه للاخوات اللي ايقولون كيف انعبر عن مشاعرنا لرياييلنا نستحى يعنى لا تكتمين مشاعر حلوه مثل هاى وخليها تطلع عفويه وفي لحظتها يمكن اتنعنش الحب بينكم او حتى تجدد الروتين اليومي .. ( ونحن الحريم كم من المشاعر كتمناها وضيعت علينا وناسه في حياتنا اليوميه )..

ولو كان من النوع اللي يتاثر ابسرعه حلو كسبتي الموقف ابسهوله ولو كان من النوع اللي ( ايقول فكيني انا في شو وانتي في شو الله اينكم يالزوجات فاصبر الصبر ) يمكن عقب شوى ايغير رايه عقب ما يدخل ابيدل ملابسه واييج وايكمل الغزل ويــاج :39:

عن نفسي اكتشفت ان الحياه اسهل من اني اضيعها في كدر واتمنى تستفيدون وياي والله ايوفق كل المتزوجات ويصلح بينهم وبين ريايلهم ان شاء الله وادعو لي :)