السلام عليكم ورحمة الله وبركاته
خلية النحل للفطور بالعسل
المقادير..
كوب طحين ابيض
كوب طحين اسمر
رشة ملح
ملعقتي طعام سكر
ـ بيضتين
ملعقة طعام خميرة فورية
ملعقة صغيرة بايكينغ باودر
نص كوب زيت نباتي
كوب حليب
جبن كيري
ماء
الطريقة:
تخلطين المواد الناشفة قبل (الطحين + الملح + السكر+ الخميرة + البايكينغ باودر +
بعدين تضيفين لهم البيض والزيت وكوب الحليب وتعجنين بإيدج او في المكينه
تضيفين ماء لين ما تكون عندج عجينة متماسكة وطرية..
تخلين العجينة ترتاح من ساعة لساعة ونص نحظر بايركس وندهن قاعدته وجوانبه من الداخل بالزيت و بعدين نكورالعجينه كور بحجم حبة الجوز ونحشيها كل كرة بربع قطعة جبن كيري (يعني قطعة الكيري الوحده تسوينها 4 قطع) وتصفينهم في صينية البايركس بس لا تلصقين الكور في بعض خلي بينهم مسافه لأن الكور بتنتفخ في الفرن..
بعد ما تخلصين ادهني سطح الكور من فوق بمخفوق البيض والحليب برشة الفانيليا ورشي عليهم سمسم خليهم ثلث ساعه وبعدين اخبزيهم
دخلي الصينية في فرن حار وبعد خمس دقايق خفي الحرارة وخليها متوسطه عشان خلية النحل ما تحترق من تحت.. وخليها في الفرن لين ما تحمر من تحت بعدين صكي الفرن من تحت وافتحيه من فوق خليه الويه يحمر شوي مب وايد.. وأول ما تطلعين الصينية صبي عليها عسل
في ناس تسقيها شيره سكر يعني بس انا افضل العسل
سبحان الله وبحمده عدد خلقه ورضا نفسه وزنه عرشه ومداد كلماته، اللهم ارحم المؤمنين والمؤمنات والمسلمين والمسلمات الأحياء منهم والأموات، لا إلـه إلا أنت سبحانك إني كنت من الظالمين.
وصلى اللهم وسلم على اشرف الخلق أجمعين نبينا محمد وعلى آله وصحبه وسلم تسليما كثيرا
أختكم : شمس الإمارات
سبحانك اللهم وبحمدك أشهد أن لا إله إلا أنت أستغفرك وأتوب إليك