خلية نحل اللي ما يسويها يندم طول عمره

السلام عليكم والرحمه


شحالكم بنات ؟:27:

لو اني زعلانه عليكم :29::44::06: محد يجاوب اسئلتي على الاقل لو ما تعرفون قولولي ما نعرف بس مب تلبسوني الله يسامحكم بس .:(

اليوم بعطيكم طريقة عجينه تنفع حق خلية النحل وحق الفطاير البارحه سويتها عيبتهم وااااااااااايد ويوم تسوون الفطاير اللي جوفها يقول جاهز . طولت عليكم لاني ملانه ما عندي حد ارمسه:29:

المهم


المقادير

قوطي طحين رقم واحد ويعادل ثلاث اكواب ونص
ملعقة بيكنج بودر
ملعقه ونص خميره
ملعقتين حليب بودره
رشة ملح
فنجان شكر
نص كوب زيت زيتون يعطي طعم أحلى
ماء دافى

الملاعق كلهن ملاعق طعام

الطريقه :

تخلط المواد الجافه مع بعض
بعدين نخلط زيت الزيتون
واخر شي الماء لين ما تستوي العجينه لينه مب وااااااااااايد بس وسط يعني تتلصق باليد بس تحطين في ايدج زيت وتعجنينها لين ما ما تستوي لين يعني تقريبا لمدة خمس دقايق او اكثر بعد

وبس


جربوها وخبروني تراها واااااااااااايد سهلة مب صعبه وخصوصا لو سويتوا الخليه


وتعرفون اخر شي تدهنينهم بصفار البيض وشويه سمسم


واللي عيبني فيها انه لو تسوون الكورصغار يكبرن وايد


اتمنها انها تعيبكم مثل ما عيبتي


واذا عيبتكم بعطيكم وصفة البيتزا