خليط زيوت ينعم ويطول ويكثف باذن الله تعالو وجربو واحكمو

السلام عليكم صبايا
اخباركم ..
عساكم بخييير
موضوع اليوم للي شعورهم جافه ومتقصفه وماتطول ومافيها لمعه وحيويه اليوم بعطيكم خلطة زيوت تسوينها بالبيت راح تفيدكم مررره وراح تدعون لي عليهاا بدال ماتشترين من تاجرات زيت ب٢٠٠ و٣٠٠ و٤٠٠ سويها بالبيت وعطوني رايكم ..
الي تستفيد لا تنساني من دعواتها
الي تحس ماناسبتها توقفها وهالزيوت كلها طبيعيه ومامنها اي ضرر اذا مانفعتك ماضرتك باذن الله
مقادير الزيوت ؛
زيت العافيه (حق الطبخ)
زيت دابر املا(معروف جدا وتراه سحر بالتطويل)
زيت جوز الهند براشوت ( الازرق)
زيت الخروع
زيت السمسم
زيت الخردل
زيت انوب الهندي
زيت الجوجوبا
ناخذ من كل زيت بمقدار فنجان القهوه الصغيره
ونخلطهم مع بعض بعدين نضيف له اعشاب الي هي
٣ فص ثوم تقطعينها شرائح
ملعقتين كبار حبة البركه مطحونه
ملعقتين كبار بذور السمسم مطحون
١٠ حبات قرنفل
شوي اكليل الجبل
ورق الكاري( الي ينحط مع الاكل الهندي) وهو مختلف عن ورق الغار
وملعقه حلبه ( يفضل القصيم)
وريحان شعر
بذور الكتان
زعتر بري
عشبة الاملج
عشبة البراهمي
بذور الخردل
حطي الي متوفر عندك اذا مالقيتي كل الاعشاب
بس الي تبي نتيجه تهبل تسوي كلشي بالتفصيل
اول شي تدفين الزيت عالنار عالخفيف لا تخلونه يغلي بس يدفى ثم تحطون الاعشاب عليه تخلونه يبرد و تحطينه بقاروره زجاج مو بلاستيك وتغطينه وتخلينه الاعشاب تتنقع اسبوع كامل بحرارة الغرفه بعد اسبوع تصفين الزيت من الاعشاب وتستخدمينه للشعرك
اول اسبوع تستخدمينه ٣ مرات
ثاني اسبوع مرتين
ثالث اسبوع مره
بعدين حسب الحاجه
تخلينه في شعرك ٣ ساعات فقط لا اقل ولا اكثر ..
لاطفال الصغار ساعه ونص تكفي ..
ملاحظة: خلطة الزيوت فيها زيت سمسم وبذور السمسم اذا كان طفلك يتحسس من السمسم لا تحطينه له لانه ممكن لاسمح الله يتعب او يصير فيه شي لان بعض الاطفال لديهم حساسيه شديده من السمسم بعضهم ممكن يتوفى من شدة الحساسيه لا سمح الله
جربوها وقيسو شعركم كم كان طوله وكم صار الي تستفيد وتبي تبيعه حلالها بس تجربه قبل على نفسها وخواتها وقرايبها ❤️❤️
لاتنسوني من دعواتكم ..
ميلا العتيبي 🖤