موضوعي اليوم غير رآح اتكلم فيه عن...
كلامي عن الصلاه ماراح يكون عن شرح لها اوعن كيفيتها او شروطها
لان اكيد كلنا نعرف هالكلام من يوم ندخل المدرسه وحفظناه عن ظهر قلب
انا باتكلم عن الشكل الخارجي في الصلاه
انا انسانه احب اللبس والكشخه والرزه
واحب تنسيق ملابسي والوانها وموديلاتها بما يناسبني ويناسب جسمي وهالشئ عكسته
على لبس في صلاتي
اهاه الحين فهمتو موضوعي ....
لأ لسه ما فهمتوه!!!!!!
في البدايه كنت مهمله هالموضوع وجلال الصلاه كان بالنسبه ليه جلال عادي
ولغرض واحد هو الصلاه
وهذا كان ياثر على ادائي لصلاتي يا اكون بسرعه واخلص ولا امل ولا اسرح واروح في عوالم
(استغفر الله يارب توب علي)
وتغيرت
اولا غيرت جلالي واشتريت طقم فخم جدا وغالي معه صندوق خشب صغير وحلو
هذا انا ادفع في لبسي وشنطي بالالاف ماهي حسافه على اهم واجب في حياتي
واشتريت معه مسبحه كبيره حباتها ونفس اللون
وبعدين
اخترتلي احلى مكان في الغرفه
وفرشت فيه سجادتي بعد ما بخيت عليها احلى وافضل وافخم واحب العطور عندي
كيف وهي احب الاماكن التي يطأها راسي حاجه وتضرعا وطلبا لله ومن احب الاماكن التي اختلي فيها بنفسي مع الله
ثم بخرت جلالي وعطرته وكويته على سنغة عشره
وحطيت صنوقي على جنب وعطرته من جوى وحطيت فيه مسبحتي وكل ما يخص الصلاه من اذكار وادعيه
وسميت هالكورنر مسجدي
ولا اخفيكم يابنات اذا جاء موعد الصلاه كيف تكون لهفتي على مسجدي امشي وانا اطير
وكلي لهفه للصلاه
وابدا صلاتي باطمئنان وامان
والله حتى احيانا افز من النوم واصلي على الوقت
ليش؟؟؟
وانا قبل كنت اخرها شوي لاني ملتهيه بشئ ولا نايمه ولا لا لا........
لقيت هالشئ اثر على صلاتي وخلاني احبها جدا
انا ماتكلم في نواحي دينيه
ولا فقهيه
حسيت هالشئ اثر فيني وعدل ادائي والحمدلله
وخلى صلاتي افضل وافضل مية مره من قبل
صرت اطول في صلاتي واقرى الاذكار بعدها واسبح
واقرا قران
اشياء كنت انتاسها اول بحكم الحياه ومشاغلها
(يارب لا تجعل الدنيا اكبر همنا)
دائم الانسان اذا حب شئ يدفعه للامام
هذا موضوعي ..
تاثير التغير في الشكل على الاداء في ابسط اشيائه
دايم نشوف برامج اجنبيه لوحده او واحد يتقدم لوظيفه ولا يبون يغيرون نفسيته يغرون شكله ولبسه ويتعدل 180 درجه وللامام سر
ولا وحده تشتكي ان عندها اكتئاب وكارهه نفسها وهذا اثر على علاقتها بزوجها او عملها واو اولادها ويقلون لها غيري شكلك ومعه يتغير ادائها للاحسن
انت اذا تحممتي ولبستي لو حتى بجامه حلوه وتعطرتي تتغير نفسيتك
لو رتبتي درج الميك اب انبسطتي وحسيت نفسك ابطل شئ في الحياه
نفس الشئ سويه
لمكان صلاتك وجلالك
ميزيهم لميزتهم
دايم اشوف بنات شياكه وكشخه وذوق ونعومه وكل ابو شئ
وانقهر لما اشوفها عندها جلال صلاه عادي ابو 10 ولا منطول على طرف السرير ولا الكنبه بدون ذات اهميه
الخطوات :
اشتريلك من بكره جلال فخم اوفصليه انا فصلته وروعه جدا وركبت عليه سجاده
وصرت اطقم لشراشفي نفس ملابس بالضبط
وهذي صور
احرصي على تبخيرهم وتعطيرهم
وخلي لك مكان مميز في البيت خليه لك مسجد
موضوعي هذا اهداء لكل بنت تشوف نفسها شياكه
اقولها خليك شياكه في كل شئ
موضوعي لكل بنات حواء دون استثناء
