خلينا نتبادل الخبرات بخصوص تدريس ابنائنا

ارفعوا الموضوع يا بنات خلينا نرجع التفاعل للمنتدى كل المواضيع صارت نوعا ما قديمه خلينا نستفيد من بعض

ولدي بتاني ابتداءي ...و فعلا كان كل باله في اللعب و التلفزيون...
شوي شوي قللنا من مشاهدة التلفاز و الحمد لله احس بدا يركز و يحفظ اكتر..
و الله يكون في عوننا معاهم

بالنسبة للمذاكرة لازم الحزم ما الطفل مو الشدة والصرامة لا الحزم
ايوة يعني ايوة
لا يعني لا
يعني وقت المذاكرة مذاكرة وقت اللعب لعب
وياريت تلفزيون لا او بالمرة مرة نص ساعة
ترا حتى الاجانب الي همن نفسهم سوو افلام الكرتون وبيوردوها لنا ما بيخلو عيالهم يجلسو عليها
لو في وقت فراغ نخلي اطفالنا يلعبو بازل ينمي مهارات التركيز عندهم
خليهم يرسمو يقصو يلصقو شي يفيدهم
نخليهم يلعبو بالصلصال ويسوو اشكال ويبدعو
مكعبات اي شي
اما التلفزيون يسبب ادمان يعني الطفل ماراح يكتفي منه لو 10ساعات عادي عنده
المهم انا اول ما افتح الشنطة اول شي اسويه نحل الواجبات
تاخد كل وقتنا لانه ولدي اولى ويكتب بشويش غير كدا يكتب وامسح واخليه يعيد لانه الاستاذ ما يرضى الا بالشي الحلو والخط الحلو
يخلصو اقولهم روحو العبو
بعدين في الصباح او في الليل ناخد فكرة سريعة عالشي الي حياخدوه اليوم يعني تحضير
وبس

جزاكم الله كل الخير