خلينا نتعلم الدلع والذرابه والسنع شرايكم نتعلم مع بعض

خلينا نتعلم الدلع والذرابه والسنع شرايكم بهذي الدوره وياليت اللي تلقى بنفسها قدره على اعطائنا الدروس وارائها الله يوفقها امين وبندعيلها بعد مانطلع من الدوره مستفيدين وشرايكم؟

اولا السلام عليكم ورحمة الله وبركاته
والحمدالله رب العالمين والصلاه والسلام على محمد وعلى اله وصحبه اجمعين

فتحت هذا الموضوع حتى نستفيد من بعض ونتعلم من بعض وكل وحده تكتب لنا اي مشكله في سلوكها حتى يتم تقويمه وحتى تقدر تتجاوز هذا السلوك لسلوك افضل منه يعني موبس علشان نتعلم الدلع


وراح ابدأ انا اقولكم مشكلتي :hahaha: اقصد سلوكي ودي تنصحوني وتتكفل اي وحده تلقى بنفسها القدره على متابعتنا بهذا الموضوع وتنصحنا كيف نتخطى ونتعلم من سلوكنا


اولا ودي اتعلم كل من
1- المشي بهدوء مو بسرعه يعني مو طيران جني راكبه طياره ولا بحلبه سباق:09:
والله لما امشي احس الناس كلها تطالعلي وماحب عيون اي شخص تطالعلي عشان جذي تلقيني سريعه بشكل لايصدق

2-ودي اسولف واتكلم بطريقه هاديه ......:( وواوطي صوتي
والله صوتي جيرانه يسمعونه .........امحق صوت
هذا وانا اسولف عادي باي موضوع يكون صوتي عالي ...اجل وشلون وانا معصبه ولا بهاوش الديره كلها تسمع صوتي

3_ودي اتعلم بعض الكلمات الحلوه والغريبه حتى اعدل اسلوبي بالكلام ...جني صبي قاعد يسولف ماعندي كلمه سنعه
واذا بغيت اشكر احد او اقول شي احس اني كأني طراره وقاعده تشحذ:44:


تخيلو وحده بالجامعه وعندها كل هذي العيوب اللي فوق ..الله يعيني واقدر اتخطاها


الجزء الثاني من اللي اعاني منه
1- بسرعه اتأثر و اي كلمه تأثر فيني ويمكن يأثر فيني مشاكل الناس وابكي معاهم او اي موقف محزن يصير لو بالتلفزيون اسمعه ابجي واتضايق واقعد ادعي الله يفرج همهم ويسهلها عليهم ومرات ودي اسوي شي يساعد الناس الثانين مادري احس بهذا الاحساس دايما وخاصه الناس اللي ماعرفهم
والله لما اقعد اسولف حق اهلي عن القصه اللي سمعتها او المشكله اللي عرفتها وسمعتها لو بالتلفزيون اتأثر وتخنقني العبره ويطنزون اهلي علي

تخيلو مره شفت مسلسل ساره الطفله بعد مارجعت جنين قلت قصه الحلقه الاخير وقمت ابجي وانا اسولف او اي قصه اقراها باالانترنت تبكيني وتأثر فيني

والله يابنات انا احس اني لما اتأثر هذا شي مفيد على الاقل ادري ان قلبي موقاسي










وياليت كل وحده منكم يابنات تذكر مشكلتها ونشوف منو بالمنتدى يقدر يفيدنا وخلينا نطور نفسنا للأفضل