تكثري من الاستغفار وعيشي حياتك وآسفيه ادري شي يقهر بس ما انكد يومي على واحد ما يستاهل واعيش يومي بسلام لان الحياة مرة وحدة نعيشها

الله يعينك ياقلبي مالك الاتسايرينه مثلا"قال بروح اهلي تقولين أن شالله وابشر بس لي عندك طلب دام ارضييك أنت ارضيني واطلبي يستاجر لك غرفه او غرفتين بدل تنامي عندهم واطلبي يمشيكم ويعني تجلسون يومين عندهم وتسايرينه يمشيكم لاتقولون توك جاي من اهلك كذا يحسك تستكثرين عليه ويعند لاقولي نفسي اتمشى ولاتجيبي طاري اهله

تعالي له باسلوب قولي اهلك اهلي واحبهم واحترمهم
وانا بعد احب اهلي ومثل ماحب اهلك واحترمهم مفروض انت نفس الشي
انت ماترضى احد يحرمك من اهلك وانا بعد ما رضى احد يحرمني من اهله
اهم شي اقنعيه كلميه بالمنطق والدلع اللى يقوطر


اعرفي كيف تتعاملي مع زوجك
واضح عليه طيب بس ماتعرفي له


ربي يوفقك ويريح بالك

بصراحه لو انا منك وماابي اروح
مااروح واخليه ياخذ العيال لاهله

هو باس راسك كا اعتذار ولانك كبرتي بعينه لما رحتي معه بس اسلوبه هذا ابد مايصلح وش فيها لو جاء قالك بالهداوه بنروح نحضر ملكة اختي تحمليني وتعالي معي ووعدك بشي حلو يعوضك فيه كان تروحين من نفس راضيه مو تروحين وانتي مقهورة ومكسورة
في وقت صفاء لازم تكلمينه وتتناقشين معاه بالموضوع لين توصلون لحل خصوصا قصة الاجازة كيف مايقولك الا قبلها بيوم طيب متى يمديك تنظفين بيتك وتغسلين ملابسكم وتجهزين الشنط انا وزوجي يشاورني بموضوع الاجازه ونتفق متى نبغاها ويرفع طلب اجازه وتجي الموافقه ويالله على اخر يوم اكون جهزت نفسي لسفر وحتى احيان يزعل ويقوم يحط بعض الاغراض يقول هذا وانا قايلك قبلها باسبوع انه جت الموافقه على الاجازه كيف لو اني بس اجي واقول مشينا