بســـــــم الله الرحمن الرحـــــــــيم السلام عليكم ورحمة الله وبركاته .. مبروك .. ألف مبروك لكل العرايس
الله يتمم عليكم بخير ويوفق الجميع إنشالله ويسخر أزواجكم لكم
ويبعد عنا وعنكم كل شر وكل أذى بحوله وقوته سبحانه .. آمين يارب .
ماراح أسدح لك قائمة مُشتريات العروس هنا لأن الكل عرفها ..
لكن للأسف مو الكل قادر عليها !!
يابنات أنا أدري فيه بنات ودّهم يشترون كل إللي نفسهم فيه ..
لكن المهر يقف عائق أمامهم ..
فساتين , ذهب , ساعه , إكسسوارات , بيجامات ........... الخ
يووووووه أغراض كثيره مو الكل يقدر يشتريها ..
والله يابنات لو كل وحده سوت ميزانيه مُحدده لكل غرض ماراح ينقص عليها شي .. وفوق هذا بتطلع مميزه .. وكشوخه ..
ومو بس إللي مهورهم قليله ..
حتى إللي مهورهم 70,000 , وأكثر ..
لأني شخصياً أعرف وحده مهرها كان 100,000
لكن هيهات هيهات والله مخربطه خرابيط ..
حرام والله 100,000 راحت على شي مايستاهل ..
وموعن مايستاهل بس .. إلاّ فيه أمور كثيره ماإستفادت منها ولالبستها بعد الزواج ..
فليش تشترين شي إنتي عارفه إنك ماراح تستفيدين منه ..
أنا عارفه إن السوق واو مُغري مووووت .. حتى لو الشي هذا ماتبينه تشترينه .. أنا شخصياً كنت كذا (كان فعل ماضي ناسخ)
بس الوحده لازم تغير طريقتها في الشراء .. لأن هذا من صالحها والله وراح تستفيد أكثر ..
يعني مثلاً إللي مهورهم قليله لاتشترين أطقم شناط ونعال كثير ..
أنا ماأقولك إمشي حافية القدمين .. لكن وفّري .. شلون ؟؟ .. أنا أقولك ..
رحتي السوق مثلاً ولقيتي هالنوعين :
أي نوع تختارين ؟
بصراحه أناشخصياً بطير على طول وأشتري الأول بنظري أشيك ..
لكن إذا مهري قليل وميزانيتي ماتكفي .. بضطر أشتري الثاني ..
لأنه كلاسيك .. وأسود ساده ويمشي مع كل ملابسي ..
لذا نصيحه بحالتك لاتشترين أطقم كثير .. 3 أو أربعه فقط ..
الأسود على رأس القائمه ..
والألوان الأساسيه : فضي , ذهبي أو بيج .. فقط فقط ..
تمالكي نفسك وتذكري إن السوق ماراح يطير .. وإنتي مليون بالميه راح تروحين وتشترين بعد الزواج .. يعني لاتقلقين ..
- طيب فيه بنات نفسهم بشي .. ذوق , دلع , كشخه وحركات ..
بس للأسف الكثير منا آخذ فكره .. ألا وهي :
( إن كل شي غالي كشخه وكل شي رخيص خمّه)
ليش ليش كذا والله فيه أشياء أسعارها رمزيه وحلوه وبنفس الوقت كلها شياكه ..
زين نعطي مثال .. روب الحمام من الضروريات للعروس ..
تلقينه عند محلات نعومي طقم كامل أكثر من 6 قطع ..
إللي ميزانيتها كبيره بس تقدر تشتريه ..
وبنفس الوقت تقدرين إنتي تختارين القطع إللي تحتاجينها بس
وتاخذينها بسعر أقل!
وطبعاً روب الحمام عندهم بذات ماعليه كلام ..
ناعم وكشخه .. نصيحه لاتجيبينه إلاّ من عندهم ..
وخليك على الأحمر :wink:
- وحده ماتحب العطور الفرنسيه كثير وتعشق العطور الشرقيه مثلي ..
تروح للسوق وتشتري كميه من العطور الفرنسيه وكميه من العطور الشرقيه والعود والبخور ..
لأن لسان حالها يقول ( أنا عروس .. أنا عروس .. أنا عروس .. ) ..
زين إنتي ماتحبينها وعارفه إنك ماراح تستعملينها .. ليش تشترين كميه كبيره منها ..
إشتري لك على الأقل 4 أو 3 عطور فرنسيه ناعمه ..
إحتياط .. وكثّري من العطور الثانيه إللي تهوينها ومتأكده إنك بتستهلكينها .. مو عشانك عروس خلاص .. تشترين الأكو والماكو :biggrin2:
مهما أقولك .. إنتي بس إللي تعرفين نفسك وتعرفين وضعك ..
تعرفين شنو تحتاجين شنو ماتحتاجين ..
لاتروحين للسوق إللي وإنتي عارفه رايحه ليش ..
وكاتبه إللي تحتاجينه بورقه وطبعاً مع ميزانيه مُحدده لهالغرض ..
مثلاً :
المكياج راح أحتاج كذا وكذا وكذا إذن الميزانيه كذا ..
البيجامات واللانجري بحتاج عدد كذا والميزانيه كذا ..
وهكذا ..