خليه بالبنه معقوله << قسم

السلام عليكم ورحمة الله وبركاته
وش اخباركم وعلومكم ورياضياتكم خخخ

المهم ياطويلات العمر والسلامه انا جايبتلكم حاجه من اختراعي:bkh: << الله وهاالاختراع
الي يسمعس يقول مخترعه الذره
تدرون وشو خليه بالبنه <<< ماشاء الله :icon19:
عاد انا كنت سهرانه ومعي بعض اخوتي الداجين الي ساحبين على المدرسه
وقلت يابنت الحلال قومي هزي طولس وادخلي المطبخ وسوي للي ذابحهم الجوع
وانتي تفرجين عليهم ..:unsure:
والله وبعد مشاورات مع نفسي العزيزه رحت للمطبخ >> تراء مطوله الي عنده شغل
ولا شي تروح بعدين تكمل على رواقه :icon31:
ويوم رحت وادور شي جاهز منا ولا منا مافيه شي
جميع المحاولات بأت بالفشل :icon32:
قلت يالله الشكوى لله بسوي شي << مابغيتي
ولقيت دقيق ويوم فتحته ومالقيت الا مايوازي كوب ونصف من الدقيق
عاد بالله عليكم فيه بيت بالعالم مافيه دقيق
ويوم قام ابوي وانا اقوله تراء بشتكيك لحقوق الانسان ليش بيتنا مافيه دقيق :boom:
وعاد من ذاك اليوم يعني قبل يومين الى يومكم هذا ابوي ماجاب وكل يوم يقول
نسيت << شي ليس مستغرب على الرجال :icon10:
المهم وطلعت بهالطبخه الي كفت شخصين وشخصه << الله يرحم الي علمس لغه
عربيه ...

والله اني احس ان مرارتكم انفقعت مني << طيب والي شايله المراره
شكلي برجعها لها
المهم هذي (المقادير ):icon28:
كوب ونص دقيق الي مافيه غيره :hahaha:
ملعقة سكر
ثلاث ملاعق حليب بودره
ذرة ملح
ملعقة خميره
ماء حسب الحاجه
زيت كاسة شاهي
(الحشوه ) لبنه <<ياكثرها
( الطريقه )
نحط السكر والحليب والخميره والماءونخفقها بالخفاقه ونخليه خمس دقيايق
وبعدين ننخل الدقيق والملح ونعجن ثم نضع الزيت وتكون بهالشكل
20091205080
وعشان اختصر الوقت لان الي عندي يتضورون جوعا شغلت الفرن لين احتمى وطفيت
عنه وحطيت العجين لاحظو الفرن دافي بس عشان بسرعه تتخمر العجينه وابداء فيها كذا
20091205081
وبعدين ناخذ قطعه من العجينه ونحط بوسطها نص ملعقه صغيره لبنه
20091205083
ونصفها بجانب بعضها البعض حتى يتم التلاحم والحب فيما بينها هع هع
20091205084
وهنا بعد ماطلعت من الفرن وشربتها على طول بالشيره
20091205085
وهذي لكم الي استحملتو بربرتي وهذره
20091205087
وفي الختام الي مابغى يجي كان مبنشر خخخ
اقولكم جربوها والله حلوه العجينه هشه مره وطعمها كأنها عش البلبل بس مطور
اتقبل ارائكم وانتقادكم بصدر رحب