السلام عليكم اولا
ثانيا يا اخواتي انا كنت زيكم اذا جات الدوره انقهر وازعل ومن دكتوره لدكتوره ومستشفى لمستشفى كل شوي يطلعون شيء جديد وننسى ان الحمل بارادة الله وحده اعطيكم امثله الحين ايش هو الحمل؟
مو روح؟ طيب مين اللي ينفخ الروح؟
مو الله سبحانه وتعالى؟
مو الدكتور صح؟
طيب صح الوحده تروح للدكتور لتطمن على نفسها بس ما فكرتي يا اختي العزيزه ان حتى لو ابتليت بشئ يمنعك من الحمل وعالجتيه بالدواء ممكن تاخذي دواء وتحملي منه او مشروب او اعشاب لا
ليش لان الحياه بيد الله وحده
طيب اختي نجي لموضوع ثاني الموت بيد مين؟
الله تعالى
هل ممكن لشخص ان يموت قبل يومه؟
الانسان قبل لا ينخلق مكتوب اسمه ويوم مولده ومماته
ممكن انسان والعياذ بالله يحاول الانتحار ولكن ما يموت ممكن يرمي نفسه من فوق السطح وبس يتكسر ليش لان ربي مو كاتب له الموت في هذا اليوم شئ ثاني الحين واحد يدخل يسوي عمليه ويموت يقولون خطأ طبي او الدكتور السبب الواحد وهو منفعل وحزين ما يفكر بس فكروا فيها مو بيد الدكتور شيء هو يسوي اللي عليه بس اذا مكتوب للشخص هذا يموت راح يموت ما يقدر يقم او يأخر موته اخذا الروح بيد الله واعطاء الروح بيد الله
الحين تطور الطب وصار في اطفال انابيب قدروا بالعلم والتطور انهم يلقحون البويضه وكثيرين يسوون عملية اطفال انابيب مرارا وتكرارا ولا تنجح والا تنجح بعد كم محاوله وناس من اول محاوله ليه لان ربي اللي يقرر متى ينفخ الروح ويرزقنا مو احنا اللي نقرر متى ربي يرزقنا بالولد هو يقول له كن فيكون
مريم عليها السلام حملت وهي عذراء
زكريا عليه السلام زوجته حملت وهي عاقر
ليش لان ربي اللي اعطاهم يا اخواتي لا تحطون في بالكم انه هذه الدكتوره بعد الله حملوا على يدها كثيرين وهي سبب لا ما هي سبب ولا شيء انا اقلكم اللي راحوا لدكتوره معينه وحملوا بعد محاولة لسنين وفجأه حملوا لما راحوا لها طيب يمكن الحرمه هذه سوت خير من غير ما تدري قبل لا تروح للدكتوره وعلى حظ الدكتوره حملت هذه الحرمه احيانا الانسان يسوي خير من غير ما يدري يمكن انتي اعطيتي انسانه كلمه حلوه ودعا لك في هذا اليوم وجازاك الله على فعلك
المال ما يعتبر من الرزق
طيب لو ربي مو كاتب لك المال حتحصلي عليه؟
مثال انتي عندك محل ملابس وجارتك عندها نفس بضاعتك وهي تكسب اكثر منك ليه مو لانها تعرف تبيع احسن منك لا لان ربي كاتب ان يجيها الرزق وانتي لا
هذا مو معناته ربي ما يحبك بالعكس اللي يصيبه مصيبه هذا ربي يحبه لانه يبغى هذا الانسان يدعي اكثر يستغفر اكثر يصلي اكثر تأخر الحمل مجرد اختبار من الخالق يبغى يشوف نصبر وندعي ونخلي املنا فيه قوي والا نحط املنا بدكتور معين ونطلبه يعطينا شيء يخلينا نحمل وننسى نطلب من الله تعالى الي هو الوحيد اللي ممكن يعطينا الشيء هذا انتي يا اختي ما تحبي لما يجي شخص يطلب منك مساعده يطلب منك طلب بطريقه حلوه تعطينه اللي يبغاه من دون تردد ربي هذا اللي يبغاه مننا اننا نطلب منه كثيره عليه سبحانه صح مأخر حملك بس اعطاكي زوج غيرك يتمنى زوج اعطاكي بيت ومال وصحه تقدرين تشوفين تسمعين تمشين نسيتي كل هذه النعم ووقفتي عند الحمل طيب اشكريه غيرك يتمنى يوقف بس عشان يصلي ويسجد غيرك يتمنى يشوف عشان يشوف الكعبه والقرآن غيرك يتمنى يسمع عشان يسمع كلام الله انتي عندك هذه الاشياء كل انسان مصيبته تهون عند غيره ما علينا الا نقول الحمدلله ولا نفقد الامل بالله ادعي بعد كل صلاه ادعي بسجودك استغفري استغفري استغفري
انا قبل ما اتزوج كنت اتمنى اتزوج اشوف صاحباتي يتزوجون وابغى اتزوج زيهم كنت كل يوم وانا بالسياره رايحه للمدرسه استغفر وفي طابور الصباح بدأت استغفر وانا بأولى ثانوي كنت المفروض اكون ثانيه المهم واستمريت على الاستغفار وفي نهاية ثالثه ثانوي خطبني زوجي وفي الاجازه تزوجت مو نستغفر اسبوع شهر شهرين ولما ما نشوف نتيجه سريعه نبطل لا نداوم على الاستغفار ودايما نهاية الاستغفار تحقيق اللي تتمنيه وان الله مع الصابرين نصبر ونستغفر ونترجاه وفي النهايه ان شاء الله ربي بيجازيكي خلي املك فيه قوي اختي
بعدين اخواتي ترا مو كل من عندها عيال مبسوطه ممكن يكونون نقمه لها وكثيرين امهات عيالهم متعبينهم ومو بارين فيهم انتي ادعي ان ربي يعطيكي الولد البار فيكي واستغفري قد ما تقدري عشان ربي يباركلك فيهم ويا حبيباتي لا تهتمين بكلام الناس لو احد لمح بالكلام عليكي انك ما جاكي شئ لا تحزني ابتسمي فوجهه وقولي الحمدلله الله يرزقني ان شاء الله بعض الناس شياطين يبغونك تفقدين الامل بالله يبغونك حزينه مكتئبه بس دامك قريبه من الله تعالى بعد اذنه يرزقك احسن من عيالهم والله يا بنات انا كل ما رحت عزيمه لاهل زوجي خالاته وبنات خالاته عيونهم على طول في بطني واقول في نفسي حسبي الله من عيونهم بعدين يا بنات ترا مو الاطفال اللي يجيبون السعاده الزوجيه كثيرين عندهم عيال وتلقى مشاكل بينها وبين زوجها وما بينهم حب واتذكري الطفال مصيرهم يكبرون ويروحون لزوجاتهم وازواجهم وبترجعين بس انتي وزوجك غيرك والله تتمنى تعيش ايام حلوه مع زوجها ترا محد يبين لاحد شيء قدام الناس تقول انها مبسوطه بس باحقيقه تعيسه استغلوا هذه الفرصه بانك تعيشين ايام حلوه مع زوجك انسي الحمل واستغفري وادعي وانبسطي مع زوجك سافروا اتمشوا وخليه دايم را\ضي عنك ودايما ابتسمي في وجهه لا تخلي التفكير بالحمل يخرب حياتك انتي ما عليك الا التقرب من الله والباقي عليه وباذن الله تعالى حتحملين من غير ما تحسي راح يجيكي فجأه انا عارفه انه صعب وغصبا عننا نفكر بس برضو نقدر نشغل انفسنا اطلعوا مع بعض سولفوا مع بعض واضحكوا ونكتوا دامكم في شبابكم واعطي الناس طز:35:مره لا يهمونك بتمليحاتهم ترا هما يحاولون يخربون عليكي ما يبغونك مبسوطه واللي تصبرك وتدعيلك اعرف انه هذه اللي نيتها تجاهك صافيه الحسد والحقد منتشر هذه الايام اهم شيء زوجك يحبك راضي عنك وبيصبر معاكي خلاص هذا اهم شيء سامحوني على الاطاله بس اتمنى انكم تاخذون كلام الناس بتريقه فيهم:hahaha:انهم مساكين ما عندهم شيء يشغلهم غير حياة الناس ومين حملت ومين تزوجت زمين تطلقت هذولي كلهم نيتهم وسخه والله وحقين غيبه ونميمه خلاص خلصت اخيرا بس قولي في نفسك ما في احد مهم بحياتي اهم شيء زوجي وربي بس ارضي زوجي وارضي ربي واكيد والدينك عشان يدعونلك كمان نسيت حاجه اللي ام زوجه من النوع اللي تلمح طنشيها وخليكي خلوقه معاها ولا تردي عليها حتى لو زعلتك بكلمه بتكبرين بعين زوجك وحتى لو بناتها عندهم درزن اطفال مو معناته ان زوجها يحبها واذا حماتك جرحتك او اذتك ربي بينتقم منها في بناتها لان تجريح اخوك المسلم حرام والله يرزق الجميع في امان الله
بطوطتي @btotty
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة