السلام عليكم ورحمه الله وبركاته
عندي فكره للدفاتر القديمه الي استخدموها اولادك
فى العام الفايت ممكن تسلين اولادك وتستفيدون منها
شوفى عزيزتي
نادي عيالك وقولي لهم ابي تجيبون لي كل دفاتركم القديمه
واجلسي انتى وياهم فى الصاله ويكون معكم
دباسه 
---ومقصوهاتوا كل الدفاتر القديمه وابتدوا فتحوها صفحه صفحه وطبعا الدفاتر كثير منها على الاقل ربعها بيكون فاضي
انتم شيلو الفاضي منها واجمعوها
طيب الحين صار عندكم مجموعه من الاوراق
الحين كل عشرين ورقه قصوها بالاشكال الي تبون ممكن مربعات وممكن مستطيلات
وكل مجموعه تتدبس مع بعض
يعني فى النهايه بيكون عندكم مجموعه من الاوراق المدبسه على شكل دفتر
ممكن تستخدم عند التلفون مع قلم لتدوين بعض المعلومات
ممكن تستخدم فى المطبخ لكتابة المقاضي
ممكن عند الكمبيوتر
على طاوله الاولاد كمسوده
وممكن تخلين الاولاد يتسلون بعمل ادله تلفونيه لجداتهم يدونون فيها جميع الارقام التى تهم الجده
ممكن تغليفها من الجهتين بورق مقوى ويتفنن الاولاد بالرسم عليه
والاهم من هذا كله ان الاولاد اتسلوا بشي مفيد واستفدنا من الاوراق الي دخل الدفاتر المستخدمه
ان شاء الله تكون عجبتكم هذي الفكره البسيطه