خلي رز غداكم جديد ومميز ... نوعين من الرز

هلا خواتي وربي كل من ذاقهم عندي يرجع يقول سويها ثاني خاصه

الاولى وحمولتي لما ذاقوها قالو مانلوم ولدنا يوم نشب

والله تجنن ولا تاخذ وقت وتبيض الوجه لو كان جاك احد فجئه

بس المشكله بالمقادير انا ما اعيرها احط وبس بنظره

<<< احم احم طباخه

<< لايكثر الهرج ادخلي دغري

انا اكيل الرز بعلبة زبده ابو كرسي الذهبيه واعتقد عندكم

نوع ثاني اسمه ابو برميل


او كاس جبنة بوك او كيري اللي اكبر من الصغير

الاولى :


المقادير :


2كاس رز يفضل الشعلان

2 جزر كبير او 4صغير مبشور

ربع حزمه كزبره طازه

مكعب ماجي

صنوبر محمر حسب الرغبه

ملح فلفل اسود بهار الجميع ملعقه شاي

دجاجه مقسمه الى اربع اقسام

مويه لتغطية الرز بشوي

بياله زبيب

نص اصبع زبده


الطريقه :

يوضع الزيت على النار حتى يغلي ثم يوضع البصل ولما

يحمر قليل توضع الدجاجه حتى تحمر قليل ثم يوضع

الجزر واذا حبيتي تغلين الدجاج في مويه وتاخذين مويته

تضعينها فيما بعد عادي .

يحرك تقريبا 3 دقائق حتى تشعرين انه بدا يذوب ثم

يوضع الماجي والبهار ثم تضعين الكزبره والزبيب

فقط دقيقتين وتضعين المويه وتتركينه تطبخ

نص ساعه او لحد ماتشعرين ان الدجاج نضج واذا

ماكان الدجاجه فيه فقط تتركينه 10 دقائق وبيصير

لون المويه اخضر من الكزبره تضعين الزبده ثم الرز

وتكتمينه بالقصدير حتى ينضج وقبل ما تحسين

انه باقي عليه شوي تضعين كمية ملعقتين جزر

ونص ملعقه زبيب وقليل من الكزبره واذا عندك صنوبر

محمر تضعينه وترشين عليه قليل من المصفر وتغلين

الدجاج في الفرن ..

واذا خلص تماما شيلي كل ما وضعتيه فوق الرز

بالاخير وانكبي الرز ووضعي اللي شلتيه فوق

الرز مثل الكشنه ووضعي الدجاج جربوها


والله تجنن ..


واللي تجربها بالامانه تقولي وش رايها ....

الثانيه :


سهله جدا ويفضل بالدجاج مو لهناك بالحم واهم مافيها الزيت

ومعجون طماطم والكمووووووووووووووووووووووون لاتنسونه

تطلع لكم مثل كبسات المطاعم .

المقادير :


كاسين رز , ملعقتين شاي كمون مطحون , ملح . نص

علبة معجون طماطم السعوديه اللي بعلبة كرتونيه

ماجي . فليفله صغيره , مويه ملح قليل من البهار

نص فنجال زيت

بصل , هيل . درسين .

الطريقه :

يشوح البصل في زيت مقلي ثم يوضع الصلصا ويحرك

جيدا حتى لا تحترق ثم يوضع البهار والكمون و الفليفله

مقسومه نصفين والدجاج ولو حبيتي او مثل قبل يغلى

الدجاج في مويه ونضعها فيما بعد عالرز او يكون الدجاج

معها ونضع المويه ونخليها لين ينضج بعد كذ كلي بيكون

لونها احمر بس تجنن ولوحبيتي تضعي نص اصبع زبده

حلو بيكون انا بصراحه افضل طعم الزبده بالاكل ...

واذا ماعجبتكم ماراح ازعل ابدا بس بجد يجننون وسهل

عملها ولا تاخذ وقت ..


والبهناء والعافيه