ما احد يحس بالنار إلا واطيها الله المستعان الله يفرج همي

اسال الله ان يعوض كل مطلقه بافضل من طليقها ويوسعها عليها ويفتح لنا لها ابواب الرزق واسال الله ان يستر علينا ولا يحوجنا لاحد الا لوجهه الكريم اختي صاحبة الموضوع قولي خيرا او اصمتي

اختي نص المطلقات ظلم او يكون عين وسحر بينهم يعني الزوج يكون يبيها بس بعضهم يخاف من ردة فعل الاهل لما يرجعها واقولك الحب فوق كل شي لانها تحب تضحي وترخص بنفسها والحياة قصيره حلو انك تعيشينها مع زوجك اللي حبيتيه بالحلال جطاك الله خير انتي قصدك خيرر وماقصدك تتشمتين انتي قرضك نصيحه فقط 

صراحة موضوعج استفزني وااايد وضايقني
ياحبيبتي انتي شو دراج ان كل وحدة تطلقت كانت متمسكة في زوجها ودلت نفسها لاجله ؟ ادا انتي شفتي وحدة او اثنين سووها هدا مايعني ان كل بنات الناس يسوونها ليش مادكرتي ان الحرمة وبنسبة كبيرة هي الي تسوي خلع حق زوجها ؟؟؟ ولا الشيء هدا مب موجود ؟ ياختي ارتقي بموضوعج وبدل لتفتحين موضوع بالشكل هدا كنتي تقدري تفتحين موضوع ندعي فيه لكل مطلقه بالزوج الصالح او تهدية النفوس وان ربنا يحنن قلب زوجها ويسخره لها مب تفتحين موضوع تنتقدين فيه ناس انتي من الاساس مب عارفه شو ضروفهم ولاعمرج بتكونين مكانهم لان بكل بساطة كل واحد وحياته وضروفه وبيئته الي عايش فيها وعاداته وتقاليده بس الدين واااااحد والطلاق ابغض الحلال عند الله ومافيها شيء ادا الحرمة شافت ان بعده زوجها قابل للاصلاح وهي بعدها عندها طاقه للصبر انها تصبر .... اجل تبينها لو قالها جيبيلي كاسة ماء تقول يهين كرانتي وتطلق ؟ استغفر الله
وعلى فكرة انا اقول الكلام هدا من واقع تجربة وانا وحدة من الي كانوا مطلقات وانا الي خلعت زوجي وبالرغم اني انا الي اصريت ع الطلاق ومكان فيه ولا واحد في الامية امل انه يصلح حاله الله يصلح بس حزة في خاطري الطلاق مب هين
والله يوفق كل الاخوات ويجبر بخاطرهن ياااارب ويرزق كل مطلقه بالزوج الصااالح يااارب ويرد كل وحدة حق زوجها ادا كان لها خير فيه ويسعد كل بنات حواء

شوفي يَ اختي ,, مابي اكتب كلام مكرر ,,

بس تأكدي ان الحياة الزوجية علاقه مقدسة عند الله سبحانه

فمحاوله الزوجه في الحفاظ على حياتها الزوجية ابداً ماهو عيب ,,

وعذرا الكلام اللي كتبتيه مافيه شيء من المنطقيه ,,

لان كثير من الرجال لما يعصبو يقولو بوديك بيت اهلك ,,

لو كل وحدة سوت الي قلتي عليه ,, كان مافيه بيوت عامرة ,,

وبالنسبه للنظافه ,,يَ اختي كل وحدة تحب النظافه والريحه الحلوة

بس م تدري شظروفها يمكن الريحه من مرض او شيء ,,