السلام عليكم ورحمة الله وبركاته
صلوا على النبي
اكيد اغلبكم ساعة زوارة خميس اسرة قلبه مثل ما اسرة قلبي
واللي ما تعرف الساعه هذي صورتها
عاد كنت اتمناها ونفسي تكون معاي وحده مثلها
بحثت بالانترنت عنها ولقيت سعرها من 400 وفوق
وبصراحه شفتها غاليه .. خير ان شاء الله ترى كلها ساعة
وخطر في بالي اعمل وحده
بسم الله نبدأ :
في البداية كان عندنا ساعة ماعاد نبيها بس شغاله
وقلت حرام نرميها
فرحت وفكيت الزجاج من بره
وشلت الثواني والعقارب الثنتين بطريقة النزع .. بس عاد مو بقوة
وتخربون الساعه خخخخخ خلوكم ناعمات >> ابوك يالوصف
وبقي حلقة ذهبيه مثل ماشفتوها .. فكيتها بالزراديه
علشان اقدر اخذ الجهاز اللي نركب فيه البطاريه
وهذي صورته قبل ما اشيله علشان تعرفونه
بعدين شيلوا المربع
وركبوا الثواني والعقارب والبطاريه وشوفوا باقي شغاله ولا اختربت
المهم
العقارب والثواني خليتهم على جنب
لاني راح اشتغل على الجهاز ..
اخذت الجهاز وغلفته بالفلين وقصيت 12 شريحة فلين بالتساوي
اخذت جريدة وقصيتها مربعات صغار وغمرتهم بمويه حارة على مستوى الجريدة او اعلى بمقدار اصبع وخليهم يتنقعون حتى صارت المويه باردة.
و بعد ما بردت المويه عجنت الجريدة بالمويه حتى اختفت معالم الجريدة
صفيتهم .. واخذت عجينة الجريدة بعد ما صفيتهم من المويه
واضفت لهم بويه ( دهان الجدران) كمية متوسطه
ومثل ما راح تشوفون .. لبست الفلين اللي فيه الساعه وشرايح الفلين بالعجينه
وحطيتهم بالشمس لليوم الثاني حتى نشفت ( البويه راح تخليها قاسية
وانا استخدمت الطريقة لانها عجبتني في وحده عملتها في بيتها
على شكل اطواب .. وخطر في بالي اسويها ولكن على الساعه هههه)
بعد ما نشفت لونتهم وركبت العقارب والثواني وركبتها بالجدار
انا لونتهم اصفر .. وحطيتهم على جدار تفاحي
التصوير من جوال .. مدري ليه طالعه الساعه لونها كذا
بس هي لونها اصفر
احس الساعه يبغالهم ترتيب .. بس برتاح وبعدين ارتبهم
شفتها بأحد المنتديات ونقلتها لكم
وهنا مع الجدران الغامقه برزتها طلعت خيال
شوفوا هنا .. خلوا الساعه مثل ماهي
يعني مجرد شالوا جهاز الساعه تبع البطاريه وركبوا الثواني والعقارب فيها
وحطوا البطاريه ولصقوها بالجدار