خل التفاح ما له و ما عليه ..

انا من زمان نفسي استخدم خل التفاح



في وصفلت التجميل بصراحة هو كل حاجة



حلوة بيعملها يعني ...




نظافة بياض







و شد







وتخسيس










.. بص كل اما اعمل عنه سيرش بالعربي متسرش بصراحة ..
قولت مرة خليني ادور في الاجنبي .. ومش هتصدقوا لقيت ايه ..شوفوا معايا ..
الاتهام الاول ..خل التفاح بيجيب البهاق ..
vitiligo





تخيلوا ان خل التفاح مش بس مبيجبش بهاق
لا ده بيعالجوا كمان .. شفتوا بقه ..
احد اسباب البهاق هو انخفاض نسبة
حموضة المعدة .. و لذلك فلعلاج البهاق ياخد
المريض كوب ماء عليه معلقة او 2 خل تفاح
وم عسل نحل 3 مرات في اليوم قبل كل وجبة ..
لا و ايه كمان ممكن يدهن المنطقة المصابة بخل التفاح لحمايتها من البكتيريا و الفطريات ..



ايه رايكم بقي ..
الاتهام التاني ... خل التفاح يسبب الفشل الكلوي ..
kidney failure






تخيلوا ان خل التفاح بيعالج عدوي الكلي
وبيستخدمه المرضي بالفشل الكلوي
عشان هم بيبقوا معرضين للنوع ده من العدوي ..
بس بعض المرضي بيمنع عنهم ليه؟؟
اقولكم ليه ؟؟
الفشل الكلوي بياثر علي التمثيل الغذائي لعنصر
البوتاسيوم فبيسبب انفاض او ارتفاع مستوي
البوتاسيوم في الدم .. و خل التفاح غني
بالبوتاسيوم فلو كان المريض بيعاني
من انخفاض مستوي البوتاسيوم فخل التفاح
علاج ممتاز له اما لو كان بيعاني من ارتفاع
البوتاسيوم فعليه الابتعاد عن خل التفاح
وغيره من الاطعمة الغنية بالبوتاسيوم كالموز
و السبانخ و الزبادي و عش الغراب و غيرها ..



ايه رايكو بقه ؟؟؟



الاتهام التالت .. خل التفاح بينضج اللحم ..



اساس الحكاية و حدة كتبة موضوع انها
كانت حامل واحتاجت تولد قيصري والدكتور
اكتشف ان لحم بطنها متهرىء زي اللحم
الناضج يعني لو عملت العملية الجرح مش
هيتلئم و تموت و طلع السبب انها كانت
بتدهن بخل التفاح ؟؟؟
طبعا حكاية واحدة و معمول لها كوبي مليون مرة ؟؟؟



انا طبعا ملقيتش حاجة زي كده في
المواقع الاجنبية ؟؟ بس عاوزة اقول
حاجة .. بالعقل كده يعني حتة اللحمة
البقري اللي احنا نقعينها في الخل تبقي
زي اللحم البشري الحي اللي الدم رايح
جاي عليه وكل ثاني مليون خلية بتتجدد
ومليون خلية بتموت معقولة ؟؟؟


طب انتي يا ستي عاوز ة تدهني خل التفاح
سوا للشد او للبياض او التنحيف و تبقي في
السليم تعملي ايه ؟؟
انا اقولك ... خففيه .. ايون خففيه ... بماية ورد

بزيوت بكريم .. او حتة بميه من الحنفية ...
و لاحظي انه لو متخففش ممكن يسبب حرق ..
اما لو بشرتك حساسه فاعرفي مينفعكيش
زيه زي الليمون .. و طبعا زيه زي الحاجة
حمضية مينفعش يتحط ع خدوش او جروح ...




شوفوا بقه انتوا كنتوا ظالمينه ازاي ؟؟



يلا ياستي روحي هاتي ازازة خل التفاح
من البقال اللي جنبك ... و اشربيه و ادهنيه
و شوفي البياض و النضافة والشد و التخسيس
و الصحة ..





وعوزة دعوة منكم ان ربنا يعزني و ياريت
التقييم عشان الكل يستفيد ..



و اللي تنقل الموضوع مبروك عليها بس تقول
المصدر و اسمي ..


مع السلامة يا قمرات ..