بس عندي سؤال لاخواتنا الكويتيات .... ايام الحرب نفسها الي بدات في 16 يناير كيف كانوا عايشين ؟؟كانوا يسمعون صافرات الانذار ؟؟ يعني كيف كان الوضع بالضبط عندهم ؟؟؟

والله انك فاضيه الولحد يتذكر اشياء حلوه بس انتي غير


بس ولايهمك انا كنت متزوجه وعندي بنت واهلي سافرو وانا جلس بس كانت حلوه وسبشل واكشن كانت mc 4


ههههههههه

كان عمري 5 سنين ... اتذكره مثل الحلم

اتذكر النوافذ ملزقينها على شكل اكس

اتذكر صفارات الانذار

اتذكر نعلب بالتيل بالشارع ههههه بس ماكنا نطول على طول ندخل البيت اذا سمعنا صفارات الانذار

مااتذكر الله يديم الامن والامان ع كل مسلم

اذكر وقتها كنت باولى ابتدئي اذكر ببدايه الحرب طلبت مننا المدر سه نجيب معنا شالات نغطي شعورنا وقفازات قماش وقارورة ماء وفازلين وهدول كلهم نحطهم بكيس اسود ونكتب اسمنا عليهم ادكر عطونا اجازة يمكن 8 شهور وكان ابوي مرابط في العمل مايجي ابدا واحنا كنا كلنا صغار ارمكو وزعت علينا اقنعه وكانت امي تو والده باختي وعطوها سرير خاص ضد الكيماوي وعطونا كشافات بدون كهرب ادكر كانت مثل العمود الصغير نطويه وويولع اخضر فسفوري وادكر ابوي قبل يسافر ملى البيت اكل ومعلبات وماي كراتين وحليب كانت الكراتين \فوق بعضها لان ماجنبنا احد من قرايبنا ومنطقتنا ماكان فيها تلفون جديده ادكر لما يطلقو صفارات الاندار كانت امي المنا بغرفه بوسط البيت اذكر جدران البيت عفنت والسبب النوافذ كلها مسكره بسماطات اقوى موقف ان كنا زهقانين ومثل ماقلت لكم كنا صغار ومافي تلفون قالت امي يالله نروح بيت اهلي مشي على رجولنا وكان بعد صلاة العصركان مسافته مشي تقريبا ساعه الا ربع وكانت اختي عمرها شهرين ومعها الخدامه واخواني 2 ووحده منهم بنت سنتين مشينا بنص المسافه والطريق ماكان فيه بيوت طريقنا جنب بحر كان تبدا صفارات الانذار ويمر الصاروخ من فوقنا واحنا نمشي امي بغت تموت واحنا نبكي ونفس الشي يمر صاروخ ثاني ولااحد وقف بسيارته بعدين اذكر شيبه وقف لنا ووصلنا بيت جدتي اذكر وصلنا ومافينا نقطه دم وبعد ادكر البحر كان فيه بقع زيت اسود وكنا نشوف السمك ميت على الشلطي والطيور الله لايعيدها من ايام