أنا سبق وجربت الخمار المصري وكان مره مريح بس كان جايني هدية وعجزت ألقى مثله..
حصلت ببعض محلات العبايات لكنهم يفصلونه من نفس قماش العباة فيطلع مره مو مريح ..
طبعاً أنا ألبس تحته عباية كتف واسعة زي عباية الراس بس عالكتف ..
وهو مره مريح بالعمرة أو الحج وبعد في السفر مره مريح..
ومريح في السوق أو المستشفى..
يعني عملي..
وهذي صورة مقاربة له مو مرة زيه لأن الخمار اللي أقصده يوصل لحد البطن تقريباً وماله أكمام..يشبه البخنق..
الزبدة..<<<مابغت!!
أمس كنت رايحة لحياة مول وحصلته عند محل هناك وكانت أقمشته مره حلوة وباردة..
المحل في الدور الثاني اسمه سيدة الخليج Lady Gulf
طبعاً محل عبايات وطرح..
وسعره بــ 80 ريال
اللي جاني هديه كان سعره بفوق الــ 150 ريال
وهذي فروعه وأرقامه اللي موجودة على الكيس <<من زود فرحتها إنها لقته ههههههههه
فرع مجمع حياة مول _ 2057359
فرع أسواق الرياض مول _ 2355632
فرع أسواق رويال مول _ 2297838
فرع أسواق الأندلس _ 4602535
واللي تستفيد من هالموضوع تدعي لي بصلاح النية والذرية..
وإن الله يحرم وجهي ووالدي وأحبابي وذريتي وجميع المسلمين عن النار ..
للعلم فقط..
هذي ثاني مرة أدخل فيها هالمحل يعني لاهو محلي ولا أعرف من صاحبه حتى مايتوقع أحد إني أسوي دعايه له..
بس يوم حصلت الشي اللي كنت أدوره حبيت أفيدكم بمكانه من باب (أحب الناس إلى الله أنفعهم للناس)
اللهم آمين..
أتمنى لكم الفائدة كما أفدتموني دائماً..