اليوم راح أخبركم عن موضوع جميل يهم كل أُنثَى 
🏻موضوعي هو عن خمرية الشعر أو في منهم يسمونه مخمرية الشعر قبل أيام كنّت أتصفح وطحت فاليوتيوب على وحده تسوي خمرية الشعر 
والموضوع ظل في بالي وخلاص مصممه إني أسوي هالخمريه 
راح أقولكم عن المكونات وطريقة عملها ...جداً سهله وبسيطة بس تكلف شوي 
نجي للمكونات :
١- مسك أبيض جامد
٢- رشة من المسك الأسود الجامد
٣- رشة من الملح
٤- زعفران أصلي (أو اللي متوفر بالسوق يفي بالغرض)
٥- تولة من دهن العود
٦-تولتين من زيت الزعفران أو دهن الزعفران
٧- غرشه تحطين فيها خلطة الخمريه
نجي للطريقه :
تاخذين الزعفران وتخليه فالشمس لمدة خمس دقائق ينشف شوي ...وتطحنينه فالخلاط
والمسك كذلك تطحينه ... وبعدها تنخلينهم في قماش ابيض نظيف ...بس انا عن نفسي ما نخلتهم ههههه على طول حطيتهم فالغرشه ...
وبعدها تطحنين رشة الملح مو لازم فالخلاط لأنها رشه عادي بأي شي ثقيل متوفر عندك ...
كل هالمكونات المطحونة تحطينها فالغرشه وبعدها تصبين عليه دهن العود ودهن الزعفران وترجين الغرشه شوي علشان ينخلط كله ويا بعضه ..
بعدها أحتفظي فيه في مكان مظلم لمدة أربعين يوم عشان يتخمر عدل
أتمنى تجربوا الطريقه وتعجبكم إن شاء الله
خواتي المشرفات إضطريت أكتب موضوعي هنا لأن قسم الجمال ما فيه تفاعل واااااايد ....أبغى الكل يستفيد ...شكراً لكن وجزاكن الله عنا خير الجزاء ...
الف شكر