خمس خطوات لجمال طبيعي...مجرب

حبيباتي...

عندي لكم خلطات طبيعية تخلي البشره صحيه وتضفي للبشره رونق وجمال ونقاء....طبعا اتقولون من وين جبت هالخلطات الطبيعيه ...خواتي العزيزات انا اعاني من شحوب البشره والارهاق الوااااضح في وجهي :44: والسبب الرئيسي هو الدوام والدراسه وكل هالامور الي تتعب البشره وتاخذ من صحة الفتاة ...لكن كل صيف ترجع بشرتي حلوه وورديه وكلها صحه واشراق :o والسبب هو (الخلطات الي آخذها من عند جدتي) وهي عباره عن


اولا( اشرب حلول ) لازم قبل ما ابدا بشرب هالخلطات اشرب الحلول لتنضيف الجسم

ثانيا (اشرب الحلبه) كوب كااامل يوميا وهي مفيده بطريقه غير طبيعيه ورهيييييييبه تخلي البشره صافيه ونقيه وتعطي الصحه..ادري انه ريحتها قويه :11: لكن اتسبحوا على طول ولا تنسون عطور الجسم من بودي شوب (ما تقصر) هههههههههههههه

ثالثا(اشرب الحبه الحمرا) مع الحليب لذييييييذه وتخلي البشره صحيه وصدقوووني انها رهيبه وتخلي الخدود تحمر من الصحه :32:

رابعا(اشرب عصير المانجا والفرولة Fresh) كل يوم اخلي الخدامه تخلطلي المانجا والفراولة في الخلاط مع الحليب واشربه على الريج اول ما اصحا من النوم

خامسا (لا تنسون فوائد الخضروات والفواكه) كل يوم يا بنات لازم تاكلون على الاقل صحن سلطه (حاولي تحطين فيها كل انواع الخضروات الي لونها اخضر) مثل الخس والخيار و.....
ولاتنسون اكل الفواكه ترى لها دور فعال في صحة البشره

سادسا(وهي اهم نقطه (النووووووم)) ناموا نوم صحي يعني لا سهر ولا خراااابيط ناموا بكير واصحوا بكير :mouse: وخذوا الساعات الي يحتاجها جسمكم من النوم يعني على الاقل 8 ساعات ولا تنسون القيلوله بعد الغدا ..هيهيهيهيهيهيهيه :30:

عزيزاتي طبعا النقاط الي حطيتها لكم وايده ويمكن ما تقدرون عليها كلها يعني(ما تفضون طول اليوم لهذي الاكلات) بس اهم نقاط هي اول ثلاث نقاط وصدقوني لو سويتوا كل هالنقاط واستمريتوا عليها شهر واحد بس بتصير بشرتكم رهيبه :32::42::o وكل حد بيسألكم عن صفاء وصحة بشرتكم ...على فكره هالخلطه تنفع للعرايس (لا تنسوني بالدعاء)...