خمس دقائق من فضلكن يابنات حواء

السلام عليكم 00يمكن انتى ما جربتي الضنى وشلون غالي ويمكن مجربه؟؟؟؟؟؟؟؟؟ بس والله ابي انصحك لوجه الله خلى امه وابوة ياخذون راحتهم ويتصرفون بولدهم على كيفهم وخليه يطيعهم ويزيد البر فيهم وساعديه على البر حتى لو كان مو من صالحك 00هذولي امه وابوة تعرفين وش معنى امه وابوة هذولي اللي ربوة وتعبوا عليه لين صار ها العمر تجين انتى تاخذينه باردة مبردة صح ان هذى سنه الحياة بس لازم تراعين ضروف الغيرة وضروف العمر اللي هم فيه؟ وحبهم الشديد لولدهم خاصه انهم امه وابوة 00شوفي لو احد ثاني مثل اخت او اخو او عمه او خاله تشارك فيه يمكن اقولك شوفي حقك اوخذيه اما الام والاب غييييييييييييييييير صدقيني غير بكرة لو يموتون والله اكثر من راح يندم انتى 00 انا عارفه انك ما ضايقتيهم بشي بس خلى زوجك يزيد في البر ويزيد في الصله قد ما تقدرين 00 لا بعد خاصه انك في منطقه بعيدة عنهم وما تجين الا ايام محدودة وبعد تنقهرين ؟؟؟؟؟؟؟؟؟؟ ليش ياخذونه ؟؟ اجل لو ساكنه معهم وش بتسوين؟ حرام عليك وهو معك طول الوقت بمدينتك اللي انتى فيها قدري ضروف الشوق وضروف الحرمان من اللي كان بين عيونهم دايم00 وصدقيني حبهم لك من حب ولدهم فلا يضيق صدرك اذا كانوا يبونك تجلسين عندهم تحملي كم يوم واريحه بيتك راعيهم كله ايام محدودة 00 آسفه انى طولت عليك ويمكن زوت عليك با الكلام والله مو قصدى اجرحك او اضايقك والله قصدى مصلحتك وخايفه عليك لان اللي كتبتيه شي طبيعي جدااا من كل ام واب بعد زواج ولدهم عاد وشلون اذا كان بعيد عنهم يكون الشي طبعا مضاعف
00 واتمنى انك تفهمينى والله لو ما احبك في الله ما كتبت كذا والله يعيني ويعينك ويعين كل المسلمين على البر با الوالدين 00آمين

الله يعينك

الشي الوحيد الي تقدرين تخلينهم يبتعدون عن زوجك لو شويه انك تخلينهم يتعلقون فيك انتي
.. زوريهم لوحدك وقدمي لهم الهدايا واتصلي عليهم باستمرار دون ان يكون زوجك معك

انا كنت اعاني من نفس المشكله واستمريت على هذه الطريقه 3 اشهر فقط وصارت معزتي اكبر
من معزة زوجي حتى انهم اذا يحتاجون منه شغله يطلبونها مني عشان اقوله وصرت انا
السنعه وزوجي الأعوج في نظرهم