خمس سنوات من البحث .... بدون نتيجه

بسم الله الرحمن الرحيم
بعد خمس سنوات من البحث الجاد ما طلعت بنتيجه
و بطرح قصتي في البحث و ابي مساعدتكم بعد الله
بس تكفون اقرأوا موضوعي كامل
قبل خمس سنوات بدأت رحلة البحث عن مصدر رزق
وظيفة او عمل حر
طرق كل السبل
قدمت على جداره و على طاقات ، الغرفة التجارية
جميع الجامعات ، المدارس الخاصة ، منتجون
و الله كل مقابلة شخصيه اسويها القى الكل يمدحني
لان عندي مؤهلات حلوه و عندي ثقه في نفسي وقدره على تحمل العمل
بس مدري ليه بعد المقابلات محد يتواصل معي
قدمت على صندوق المئوية بفكرة مشروع ناجح
و رفضوا الدعم و السبب غريب يقولون المشروع ناجح بس ما يناسب تخصصك
فتح عدة حسابات في تويتر و الانستقرام
معلمه خصوصي ، حضانه منزليه ، طبخ ، تنسيق حفلات ، بيع ملابس اطفال
و الله ما جاني ولا زبون مع العلم ان عندي خبره جيده فيها وعندي خلفيه حلوه بالتسويق
بعدها جاتني فكرة مشروع حلوه و رحت ل سيدة اعمال كبيره بالرياض حتى تدعمني و الحقيقه استقبلتني استقبال حلو و اعجبها المشروع و قالت بتدخلني مع بنتها شريكه بالمشروع
بعد فتره احاول اتواصلها معها بس ما ترد علي ابدا
بعدها جتني فكره اطلب بضاعه من الصين و ابيعها مثل بعض التاجرات
وفعلا طلبت بضاعه من الصين لكن للأسف بعضها وصل و البعض اختفى ، شئ ضاع عند البريد السعودي حسبي الله عليهم و شئ رقم تتبعه خطأ و سالفه طويله
البضاعه اللي وصلت وزعتها هدايا على قريباتي لانو ماهي جايبه همها
والله ما اكذب عليكم يمكن مافيه اعلان وظيفة الا قدمت عليها و كل ما راحت فرصه اقول الحمد لله هذا الرزق مو مكتوب لي
ابي منكم الدعاء لي بالرزق الحلال يمكن احد منكم دعوته مستجابه
و وثانيا ابي اقتراحاتكم و نصيحتكم
اذا تعرفون احد يقدر يدعمني او يوظفني او فكرة مشروع اقدر انفذها
والله اني محتاجه مصدر رزق ولم اجد