خمس سنوات ومازال على اصراره

السلام عليكم وتحيه طيبه للكل انا كنت متردده اطرح مشكلتي او لا بس لما شفت التفاعل والمساعده اللي كثير من الاخوات يبدوها للي يبيالنصح تشجعت انا مشكلتي بدات من حوالي خمس سنين كنت حامل ببنتي اللي هي تعاني من هالمشكله وبعد ماجبتها بعد معاناة فضيعه لاان ولادتها كانت صعبه جدا المهم كنت مستانسه ومبسوطه لان كان نفسي ببنت وانا عندي ولدين ابوها ولي هو اساس المشكله كان متواجد بمدينه ثانيه بحكم عمله الا الان ماعرفتو المشكله المشكله انه ابوها سماها بدون ماياخذ رايي ولما جاء قالي بس كنت اظنه يمزح وما عطيت الامر اهميه قلتله خلنا نفكر شوي لاني ماكان عندي اسم في بالي وبعد ايام افاجا بانه خلاص سجلها وانتهى الامر انا كنت ببيت اهلي في ذاك الوقت لما دريت انصدمت وبكيت وحاولت اقنعه بس كان مصمم ويقول انتي قلتي ماعندي اسم وخلاص انا سميتها المشكله اني ماني قادره احب الاسم ولا ني قادره اقنعه وبعد مرور كل هالسنوات كل واحد مصمم على اسم انا واخوانها نناديلها باسم وهو باسم المصيبه انه حتى بعدماكبرت البنت وصارت تطلب منه يغير الاسم مازال على عناده ويحاول يقنعها احيانا توافق واحيان تصارخ عليه وترفض ترد عليه ولانها تعودت انه انا واخوانها نناديلها باسمها اللي تحبه على فكره الاسم مو شين او مايصلح بس انا ماحبيته ولا فكرة في يوم اسميه اسفه طولت بس والله مدري وش اسوي معاه تعبت واحس هاالصغيره تعبت وخايفه لاتتعقد وخاصه انه السنه الجايه بتدخل المدرسه حاولت اقنع نفسي باالاسم بس ماني قادره احيانا ياخذ الموضوع بمزاح واحيان يقول غيروه واحيان يتوعد وهو راح مره للاحوال علشان يغيره بس صارت مشكله وتعطل الموضوع والحين يتعذر باللي صار ولا هو ناوي يغير قولوللي وش اسوي خلاص تعبت شورو علي كيف اقنعه واخليه يغيرها او يسمح لااحد من اخوالها يخلص الموضوع ادري طولت بس والله ماني عارفه وش اخرتها حتى امه جدتها وحاولت بس رفض انا في انتضار ارائكم :icon33: