السلام عليكم ورحمة الله وبركاته
انا يا اخواتي صارلي خمس سنين متغربه بعيش بدولة اوروبيه مع زوجي هجيت من بعد حرب يوليو على لبنان وما عدت رجعت عا بلادي ولا شفت اهلي بس اتصالات
بابا مرض واتوفى بغيابي وامي كل يوم بسمعها تعبانه واخواتي اتزوجو وخلفو وانا صار خلفت ولدين وكلو بعيد عن اهلي:44:
ما عدت رجعت بسبب مشكله بالاوراق اتاخرت اقامتي كل هالوقت والسنه الماضيه خدتها اخر الصيف ما قدرت انزل بحكم المدارس وكنت حامل وبعدها ولدت وهلاء حان الوقت وحجزنا على 15 شهر الجاي يعني بعد شهر تقريبا بس بكره اخر يوم بتاكيد الحجز ولكن ؟؟؟؟؟؟؟
اليوم كان في احتفال بالمنطقه اللي ساكنه فيها هون قريب من البيت مدري بمناسبة شو بس اهل الضيعه عاملين العاب ناريه
ابني الكبير حب يروح مع ولاد جيرانا عشان يتفرج وبعتناه وكل شي عادي
من ساعه بلشوا المفرقعات كانو ولادي الاتنين الصغار واحد خم سنين والتاني سنه ونص واقفين عالبرنده بيلعبو وفجاه طلع صوت الاعاب الناريه وكان قوي ولادي خوتو وجنو وبلشو يصرخوا وابني الكبير يلم بالعابو ويدخلهم والصغير اتمسك فيني ويبكي مفجوع والتاني يصرخ بدو اخوه > هو مش عارف انو العاب
وصار ابني يبكي مفجوع بدو اخوه خايف عليه يا قلبي والله نقزو نقزه قويه المهم قام زوجي لبس واخدو معاه عشان يجيب اخوه ويفرجيه عليهم عشان ما يخاف ويعرف انهم شي حلو
ومن خرج زوجي واخدو التاني مش ساكت مرعوب ويصرخ ومتمسك فيني ورجع ابوه واخواته وهو يبكي حاولنا بكل الطرق ا يسكت مدري شو صارلو انفجع بالاخر قريت عليه اية الكرسي والفاتحه 7 مرات والمعوذات والحمدلله هدي وراق
من لحظتها وانا قلبي قامط اتذكرت ايام الحرب والرعب وصوت الانفجارات رجع يدوي باذاني وهدير الصواريخ :44:
اخ ياربي حتى انا خفت من الالعاب الناريه لاني عشت جو حرب فظيع الله لا يعيدها هديك الايام كانت صعبه وكان عندي ولدين الكبير والتاني كان بالاشهر وقتها الكبير دخل مستشفى 8 ايام حراره من غير سبب بس خوف ورعب ولما جيت لهون جبناه عند طبيب نفسي عشان يتعالج
هلاء انا ما عدت عارفه شو بعمل بنفس اللحظه سالت ناس من لبنان عالانترنت قالولي الوضع مش مليح كتير وبيخوف ما حدا بيعرف شو بيصير وخاصة هلاء الاوضاع بسوريا وهيك
ما عدت عارفه شو بعمل بحجز وانزل عا لبنان وبلكي صار حرب ؟؟؟ الخوف مش من الموت كلمن له ساعه ورح يموت فيها لو كنتم في بروج مشيده
بس خايفه على ولادي اذا شوية العاب ناريه وهيك جنو وخوتو واترعبو كيف لو سمعو صوت الصواريخ والبيت يرج فيهم والشبابيك تتكسر والابواب تصقع شو بيصير فيهن ؟؟؟ ولا كهربا ولا شي:icon33:
عندي اربع ولاد والله بيوتروني انا من غير شي واعصابي ما بتحملني وبخاف من الحرب كتير كيف مع ولادي وبهيك حاله ؟؟ وابني ابو سنه ونص جن وخاف كتير من مفرقعات كيف من صواريخ شو بصرلو والله حرقولي قلبي :icon33:
شو اعمل انا مش جازمه انو بيصير في حرب بس الاوضاع كما بيقوولو الناس مش ولا بد والله اعلم شو ممكن يصير
انصحوني وانا صارلي سنين ما شفت اهلي وبنفس الوقت صابتني حالة خوف وهلع شو بعمل بكره زوجي رح ياكد الحز ويدفع شو بعمل ياربي
تعديل عشان مشاركاتي محدوده
الله يجزيكن بالخير يا بنات والله انكم بنات اصول ريحتوني بكلامكم الله يريحكن ويفك عنكم
بس اعذروني انا ما بعرف صلاة الاستخارة ولا مره صليتها اكسبوا فيني ثواب وعلموني ياها لاني فعلا محتاره كتير وما حدا بيفك حيرتي غير رب العالمين وهالامر ما بيفيدني فيه احد لان ما حدا عارف شو بيصير غير علام الغيوب
ارجوكم اككتبولي الصلاة كيف بالظبط وامتى فيني اصليها وكام مره ولكم ثواب باذن الله
اختي رغوده تككرم عيونك بغير التوقيع بس المقصود فيه كلام الناس السيئ والقبيح اما كلامكم على راسي
اختي مناير تسلمي يارب على ردك ان شاء الله في موازين حسناتك بس يا اختي مالنا احد بالاردن وانا كنت بقدر افتك واجيب امي لعندي بس باقي اخواتي واصدقائي واقاربي واخوات زوجي يحبو يشوفو الولاد حتى اولادي نفسهم يشوفو لبنان وانا اشتقت لبيبتي وبيت اهلي وتراب وطني والله غالي وشوارعنا وطرقاتنا حتى نفسي ازور قبر ابي يا رب رحمتك
يلزم عليك تسجيل الدخول أولًا لكتابة تعليق.
استخيري ربك انتي تنزلين لبنان او لا وربي بيدلك....
وعليك بالدعاء والاستغفار والورد ع ابنائك...واستودعيهم من عينه ماتناااام .....
وعليك بالدعاء والاستغفار والورد ع ابنائك...واستودعيهم من عينه ماتناااام .....
والله حاسه فيك وانتي اول وحده ارد عليها بهالقسم
استخيري ياختي مره ومرتين وثلاث وربي رايح يكتب اللي فيه خيرررر لك والله ماراح تندمين
وانتي ليش مستعجله اللي صبرك 5 سنين يصبرك كم شهر لين ماتتحسن الاوضاع
خاصة بعد احداث سوريا الله يأخذك يابشار أخذ عزيز مقتدر 00
أو ممكن أهلك يروحون الأردن عند احد من معارفكم وتروحين لهم هناك وتشوفينهم 00
الله ييسر أمرك ياختي ويحفظلك اولادك ويكتبلك اللي فيه خيررررررر لك00000
استخيري ياختي مره ومرتين وثلاث وربي رايح يكتب اللي فيه خيرررر لك والله ماراح تندمين
وانتي ليش مستعجله اللي صبرك 5 سنين يصبرك كم شهر لين ماتتحسن الاوضاع
خاصة بعد احداث سوريا الله يأخذك يابشار أخذ عزيز مقتدر 00
أو ممكن أهلك يروحون الأردن عند احد من معارفكم وتروحين لهم هناك وتشوفينهم 00
الله ييسر أمرك ياختي ويحفظلك اولادك ويكتبلك اللي فيه خيررررررر لك00000
الصفحة الأخيرة
الله يصبرك ويخليك لأولادك