اعرف الدكتوره اشجان بس لانه موتخصصها غدد انا افضل دكتور الغدد من تجربتي..


يعني انا دكتور الغدد استفدت من معلوماته كثير وكشف على رقبتي وشاف حجم الغده كيف هل هو طبيعي ولا زايد

طبعا الحجم ماله علاقه بافراز الهرمون بس هو لازم يطمن انه حجمها طبيعي

اعطاني بالبدايه دكتوري الاول جرعه 75 مثلك الحين ...طبعا كنت اقسم حبة الالتروكسين كل العلبه واصير اخذ 3 اقسام يوميا

بس المشكله انها تبهذل في تقسيمها وتتفتت..

المهم دكتور ثاني في مستشفى سعد قالي على الايثروكس..

انه شركه كويسه وخلاني اغير عليها بسسس لازم لما تغيري من نوعيه للثانيه بعد شهر او شهر نص تسوي تحليل

لان مكونات كل نوع ممكن تختلف شوي ويختلف تأثيرها على الجسم

بعد مااستمريت فتره على الايثروكس 75 سويت تحليل طلعت الجرعه زايده وخفضها الدكتور اللي في سعد

الى 50 طبعا من الايثروكس ولي الحين يمكن اكثر من 4 سنوات عليه والحمدلله الجرعه تمام


هذي خلاصة تجربتي...

وان شاء الله فتره عندك وتستقر وترى وضعك مرررررره طبيعي ماتستقر من اول شهر على طول

لانه تخيلي حتى يستفيد الجسم من الجرعه وتعدل الهرمون ويستقر تاخذ وقت

الله يجزاكي خير يا فاتنه على التجمع اللي نستفيد منه ونفيد ان شاء الله

وبالنسبه ليا انا متابعه معاكم والغده عندي فيها خمول شويه بس متضخمه

وكل ما افكر اسوي العمليه الله مايريد يارب ان كان ليا خير في العمليه يارب سهلها

وان كان ليا شر فيها عكسها من عندك اللهم امين

الله يرفع عننا اجمعين ويشافينا ويرزق اخواتي بنات حواء الذريه الصالحه

سلامي للكل حابة احذر من تحاميل البوثيل لان الدكتورة تقول ان فيها شبة واذا خليتيها تخربج !!!

مرحبا بنات هذي اول مشاركه لي وحبيت اقولكم الي صار معي0
كان جسمي يضرب فيه المثل من ناحية الوزن والبياض كان جسمى صافي مره 0
اما شعري فهذا القهر والله بابنات كان كثيف مررررررررررره وكان طويل لتحت ركبتي وكانت فيه لمعه مو طبيعيه لدرجة ان في مره حظرنا زواج وجت وحده من حائل تخيلو يابنات قالت لامي وعمتي انا ماجيت عشان العرس جيت ابي اشوف بنتكم وابي اشوف شعرها الي وصلت اخباره عندنا وانا وقنها كنت صغيره عمري 16 سنه المهم رجعنا البيت ونمت ثاني يوم صحيت رقبتي متورمه وشعري معبي وسادتي وصار يطيح خصل خصل حتى رمشي قام يتساقط قعدت على هالحاله يمكن سنتين رحت للمستشفى وقال ان حلقي ملتهب وبس مع الوقت وقف طولي وصرت سمينه والشعر طاح مره وبشرتي ماعادت صافيه مثل اول المهم بعد هالسنتين ابوي اخذني لدكتور ثاني وقال ان الغدة الدرقية ميته وما تشتغل ابدا ومن يومها وانا اخذ حبوب الثيروكسين من 50 لحد ماوصلوه لي 250 مستمره على هالجره 5 سنوات بس ماتحسن لا وزني ولا شعري بس الحمد لله على كل شي 0
ادري طولت عليكم بس بغيت اقول للبنات كل شي صار معي وش تنصحوني اسوي 0

حيبتي ريم حياك معنا..

حبيت اقولك اذا استقرت الغده وقالك الدكتور تمام خلاص ان شاء الله وضعك يكون افضل


بس انت حاولي تسوي ريجيم وتنزلي وزنك لانه اكيد خلال السنتين زاد ويبغاله مجهود الين ينزل


واذا مااستقرت الجرعه حاولي تشوفي دكتور ثاني وشوفي رايه ..وحتى لو استقرت لازم مراجعه اقل شي كل سنه