اقتبس من الرد الأخت rosan
(سويت تحليل وطلع tshعالي جدا:27
والباقي طبيعي
دكتورة قالت لي لازم اخذ الحبوب لاني عندي كسل
ودكتور تاني قالي مافيك شي لان وزنك نحيف
بعد شهر سوي تحليل وارجعي لي؟؟؟؟؟؟؟؟؟؟؟؟؟
>>>>>>>>>(احس ماعاد فيه دكاترة تفهم)هل تشاركونني الاحساس؟
انا في كل الاعراض الا انه دورتي منتظمة ووزني نحيف
افتوني ماجورين)
--------------------

rosan .. أنا معاج ماعاد في دكاترة تفهم أو بالأحرى ما يعطون الموضوع (مرضج ) الأهمية اللي انتي تهتمي فيه .. أنا مثلج في دكتورة قسم الحوامل شافت نتايج التحليل قالت فيه خمول في الغدة الدرقية حولتني لدكتور الغدد .. بس الدكتور هذا مايصدق أنه عندي خمول على قولته أنا وايد ضعيفة !! وشكلي مب باين أنه عندي هالمرض !!

شيخه الكويت .. أنا مثلج خايفة من موضوع الحمل لأنه ولدي كبر ماشاءالله (ونفس موضوعج ريلي مايهتم وايد ..يقول مافي داعي تحملين مادام عندج هالمرض) والمشكلة الدكاترة مايهتمون بالحالة أول بأول .. أنا حملت من شهرين والحين سقطت .. الحمدلله على كل حال .. شفتي ماتابعوني زين .. وأنا مب حزينة وايد .. لأني أقول يمكن (لاسمح الله ) لو اكتمل وما كان طبيعي (الله أعلم )..( عسى أن تكرهوا شيئا وهو خير لكم ...)

rosan ياهلا فيك متابعه دائمه ..بس اذا تبغي الموضوع ادخلي على مشاركاتك وتحصلي الموضوع

عشان ماتقعدي تحوسي بين الاقسام..:)


شيخه ياقلبي..التبويض تابعيه عند دكتورة نساء تتابعه لك بالسونار وحاولي تستمري اللين ان شاء الله

ربي يرزقك يعني انا الحين اتابع عند دكتور الغدد كل 6 شهور وعند دكتور النساء تقريبا احاول اروحله

شهريا والله كريم ولو انا ماازن على زوجي واخذ مواعيد مااهتم وقال ناخذ موعد مع ان لنا 6 سنين

متزوجين ماشاء الله

أم عيالي الله يعينكم على الدكاتره ..

لان انا الحمدلله من اول ماكتشفت الغده الدكتور ممتاز ماشاء الله وقالي على كل تأثيراتها وانها تضعف التبويض عند البعض

وانه لو صار حمل لازم اسوي التحليل على طوووول من اول الحمل وانا قرات عنها كثير

وانتي يام عيالي انتي والبنات اذا رحتوا لدكتور طفشوه بالاسئله :)

ووضحي لزوجك ان شاء الله مدام الواحد مستمر على العلاج يعتبر شخص طبيعي وهذا كلام الدكتور

لي

وان شاء الله لو حملتي يستمر الحمل مع زياده الجرعه ..

يعني لاتهملوا نفسكم اذا كان دكتور ماعنده سالفه دوروا غيره يكون كويس

السلام عليكم شلونكم كلكم ان شاء الله بخير

الى أم عيالي اقولج عسى ربي يرزق الذريه الصالحه يا ربي و يعوضك عن اللى أجهضتيه و الله يعينا على الريياييل اللي ما يهتمون ما ادري شنو فيهم . الله يهديهم .

الى الاخت الحبيبه فاتنه و الله اني حبيتك :26: و بسالك انتي عندك عيال و الا لا؟ .

شيوخه الله يسلمك ياقمر..

لاياقلبي ماعندي اطفال الله يرزق كل من يبغى الاطفال انا كذا حاله في حاله وحده:)

عندي تكيس وعندي الغده وربك كريم ان شاء الله يرزقنا ربي قريب..