هلابك فاتنه
بنات جبتلكم الخبر الاكيد رحت لاخصائي وحللت الغده كالعاده بعدين طلبت تحويل الاخصائي التغذيه
قالي الدكتور مايحتاج لان الثايروكسين يمنع زيادة الوزن لكن في حال وقفتيه راح يزيد وزنك شوي
وشوي ذي ماحددها كم كيلو
بس حبيت اخبركم ودعواتي لكم بالشفاء ومشكورين على اسئلتكم وردودكم ترى استفدت من تجمعكم كثير

السلام عليكم


هلا وغلا بالدروقياااات


أنا والغدة شي شي

بصراحـة طفرت منها,,
الغدة لها سنتين ونص خامله عندي من يوم كان عمري 16
أنا عمري الحين 19ومو متزوجه
اول شي لاحظت وجع الظهر والدورة تنزل علي كل اسبوعين وتجلس 13 يوم
طووول عمري صار دورهـ,,

رحت للدكتور عظام بالعسكري وهو اللي طلب اسوي تحاليل
وسويتها وصار عندي ارتفاع بهرمون الحليب وخمول بالغدة,,

ورحت لإستشاري غدد بالتخصصي والحين اراجع عنده لي سنتين ونص..

اكلت الحبوب بانتظام لمدة سنتين وبعدها تركتها بدون علم أمي وابوي

ويوم رحت للمسشفى هزأني الدكتور :(

والحين رجعت اكلهن وآخذ 200 واسوي ريجيم واببدأ قريب برياضه ,,


بس الاحظ على نفسي انسى كثيييييييييير بشكل غير طبيعي:/
هذا غير السمنه على اني ما أكل كثير,,

تتوقعن خمول الغدة له تأثير,,
مضايقني النسيان بشكل !

احسني توني صغيرة على الغدة:(

اختي.. قلب الطفوله.. الله يشفينا جميعا..

ودائما اذا ضاق فيك الوضع تذكري ان الله يبتلي الانسان المسلم ليختبر مدى صبره على البلاء

وتذكري الاجر وتخفيف الذنوب مع كل الم تحسي فيه..

وبالنسبه للعمر انا اكتشفت الغده وعمري20 ويمكن من قبل بس ماانتبهت الا مع التحاليل

وصدقيني اكيد في حل لمشكلتك.. يعني انتظمي على العلاج ضروري عن الدلع:)

لاعاد توقفيه ابدا لانه هرمون بديل لشي ناقص في الجسم ومهم لكثير من وظايف الجسم

بالنسبه لدوره روحي لدكتورة نساء تشوفلك موضوعها وترى فيه كثير يشتكون من اللخبطه حريم وبنات

والله يعينك

اما بالنسبه لنسيان ..حاولي تهتمي بالاكل المفيد المأكولات البحريه والخضار والفواكه

ويمدحوا الزبيب واللوز

واذا عندك فقر دم استخدمي فيتامينات تفيدك في الدوره والنسيان والبشره والشعر


عاد تخيلي عندك اخوي مثال للنسيان ز.تقوليله طلب يخرج من البيت ينسى طلبك:)

وهو طبيعي ماعنده اي مشكله صحيه

يعني لاتتعقدي ويصير الواحد اذا حس بأي شي قال من الغده..

لازم يتأكد الواحد انه مدام ياخذ الدواء بأنتظام يعتبر انسان عادي ويمارس حياته طبيعي جدا وهذا كلام الدكتور


وان شاء الله تطمنينا عن تحسنك بعد فتره واهتمي بنفسك من جميع النواحي عشان تصيري احلى بنوته

واي سؤال انا حاضره

بنات انا عندي زيادة في الغدة طلعت قبل 6شهور 5.5 وذحين زادت 6.5 في الاول قلي الدكتور لاتاخذي علاج ورحت لكذا دكتور نفس الكلام يقولون لو اخذتيه يتعب وتزيد خفقان القلب هذا قلب ماعيد التحليل ويشوفون الزيادة وهل صحيح الزيادة اصعب من الخمول مع انه الدكتورة شافت رقبتي مافي اي انتفاخ
دورتي مهي منتظمة وزاد وزني شوي عصبية موووت وماحملت لي فترة ومعي خفقان ورجفة بعض الحيان وعدم تركيز وابرد بسرعة مررة

قرنفله ..


ماادري اختي بس اللي اعرفه انه نشاط الغده يسبب نحافه موزياده في الوزن!!

ومن اعراضه الحر كمان فماادري صراحه غريبه الاعراض عندك..

طيب ليش مايعطونك دواء لانه حتى الزياده لها حبوب او اي علاج ثاني