مرحبا بنااااااات وحشتوني.....بخصوص الحجامه انا سويتها في شهر 6 وشهر 7 والشهر اللي عقبه رحت مالقيتها وبس كسلت...وبعدها بكم شهر بالضبط شهر فبراير... سويت تحليل قالت لي لازم تخفضين من 50 الى 25 بس قلت لها ماعندي 25 قالت لي كلي الحبه ام 50 يوم وترك ...وبعدها سويت التحليل عند وحده ثانيه قالت مره ثانيه ماتتركينها لان رد انخفض......:(

والحين من الشهر اللي طاف سويت حجامه وناويه اتابع باذن الله ...وخذت العسل مع غذاء ملكات النحل وحبة البركه

والللللللللللللللللله كريم

جني سندرتكم:)
ونصيحه جربوا الحجامه ماتخسرون شي بالعكس
يمكن تنفع مع وحده ومع وحده ماتنفع

:icon28:

يسلم بؤك

كيفكم صبايا
أنا في خمول في الغدة الدرقية وحملت وجاني ولد مشوه خلقي والسبب أني ما أكلت حبوب الغدة
لذلك لااااازم تاكليها بالحمل ولا تتركيها
وإيضا ترى الغدة الدرقية تسبب بلاوي لاتستهينوا فيها لأنها هي المسؤوله عن جميع الهرمونات الموجودة في الجسم
وتسبب تكيس (طبعا يعالج بالمنشطات بس ما يمنع الحمل)وكذلك عدم انتظام الدورة وكذللك غزارة او قلة الدورة وتساقط الشعر بكثثثرة وتسقيط الأجنة وتشوه المولود والسمنه لأنها تكسل الغدة والغدة مسؤلة عن حرق الدهون .
وأنا قرأت عنها كثيييييييير
وعليك بالأبتعاد عن اكل الخردل والكرنب - الخوخ - الكمثرى - السبانخ - اللفت - الخردل الأبيض .
والملفوف والأفوكادو والصبار والفجل وعدم أستعمال المعجون الذي يحتوي على فلورايد وتقليل قدر ما تستطعين من الدقيق الأبيض والسكر الأبيض وفول الصويا
وتناولي :-
بالنسبة لحبوب الكالسيوم لازم بينها وبين حبوب الغدة مدة 12 ساعة وتناولي فوليك أسيد والحديد وفيتامين بي 12 وبي 1 وفيتامين سي وملعقة عسل أسود وملعقة مسحوق عشبة الكليب وأكل المؤكولات البحرية

وعلشان تنحفي عليك برجيم الفصائل أحسن شيء اسألوا مجرب ورح تنحفي 3 كيلو خلال أسبوعين
بالنسبة للي فيهم تكيس بالمبايض يبتعدون قدر ما يستطعون عن الدجاج والبيض وعليهم بتناول الحبة السوداء والعسل وحبوب اللقاح .
وإيضا عليكم بالرقية الشرعية لأن الغدة تعتبر من امراض العين والحجامة والدعاء
أختصرت لكم الموضوع وإلي عندها إستفسار أنا حاضرة
والله يشفيني ويشفي الجميع منها (أحس انها منكدة علية حياتي )

الله يعطيكم الف عافية على هاالموضوع المفيد
وانا لي تقريبا شهرين اتابعكم
لكن التسجيل في المنتدى كان متوقف
والحمدالله الان سجلت وصدتكم
واذا مو مصدقيني شوفوا مشاركاتي
ليش اختي محرومه نكد قولي الحمدلله
انا والدتي الغالية اكتشفت ان عندها خمول قبل فترة بسيطة
ووصفلها الاستشاري حبة 50 والحمدلله على كل حال
لكن مشكلتها زايد وزنها شوي وهي اول كانت مسوية ريجيم
وماصدقت نحفت ويوم جاها الخمول رجع وزنها مثل اول
كنت بسالك حبيبتي عن ريجيم الفصائل؟؟؟؟؟
والله يشفيها ويشفيكم وجميع مرضى المسلمين ياااااارب

اهلين أميرة الورد
صحيح الحمد لله على كل حال بس تصدقين إنها جاتني في الكلية يوم كنت ثالث لأن اخذت في أول وثاني تقدير ممتاز والخامسه على دفعتي وانخطبت حينها وأول مره أقص قصه تناسبني وكان شعري غزير مره وكثيف وحيوي وبشرتي تجنن ونحيفه واول يوم في الكلية من ثالث الكل قاعد ينظر فيني وكل يقول الله ....وانا على نياتي أقول أنخطبت وكذا ومن الأسبوع الثاني ألاحظ اني ما أقدر أركز مع الدكتور وهو يشرح واحس كأني في حلم وأنسحبت من الحلقات ماني قادرة أتزم بحلقات التحفيظ اتهرب منها كانوا أعضاء الحلقة يلاحقوني وينادوني وأنا أتعذر مع اني كنت بأول وثاني كلية أنصح البنات بألألتحاق بالحلقات ....والكل يناظر في ويقول أشفيها أنتكست كرهت اقرأ القران ومعدلي الدراسي نزل بسبب عدم التركيز وكثرة النسيان والكسل الشديد وكثرة النوم أهلي لاحظوا وصرت عصبية جدا وأفكر بأفكار غريبة وشعري بهت وصار يتساقط وحينها انقطعت الدورة الشهرية ثمانية شهور ما علمت أحد أنها لم تأتي
وبعدين لم اتحمل وذهبت إلى المستشفى واخذوا تحاليل وكان هرمون الحليب مرتفع 500(على ما أعتقد ) أرتفاع عالي جدا واعطوني العلاج اللأزم لكن ما زالت الدورة متأخره وتركت العلاج وحلفت أني ما أخذه لأنه كان يجيبلي حاله نفسيه وراحت أمي جابت لي أعشاب من حرمة بقيمة خمس مائة ريال تنزل الدورة وانتظمت الدورة خمسه شهور وشعري كثر
حتى تزوجت سبحان الله اختفت الأعراض وأنتظمت الدورة وأشعر اني حرانه بعكس قبل كنت أشعر بالبرد الشديد وبعد سنة من زواجي رجعت الأعراض أزود من قبل صار ظهري يوجعني ورجولي توجعني ورقبتي أيضا وبس أبكي وحملت
وأنجبت ولد مشوه أنصدمت مررررره ولم نعرف وش السبب وبعدها بسنه مع نفس الأعراض شعرت بألم في قلبي ورحت للمشفى وأخذوا تحليل وقالواعندك خمول بالغدة وقلت اهم شي عرفت السبب وإذا عرف السبب بطل العجب وأخذت الحبوب اللازمة ولكن ما زالت معي الأعراض والدورة غيييير منتظمة .....إلا أن الأعراض خفت نوعا ما عندما ألتزمت ماقلته لكم في الرد السابق لأني توني بادية من أسبوعين وأن شاء الله سوف أخبركم بشيء أخر مفيد لكن لن أقوله لكم حتى أشوووف النتيجة والتجربة ثم رح أعلمكم والله اأني أشعر بكم والله يكتب لنا الأجر ويرزقنا ويخلف علينا
حبيبتي بالنسبة لرجيم الفصائل سوي بحث للنظام الغذائي حق فصيلتك وألتزمي فيه وأن شاء الله ينفع صدقوني بس ألتزمي فيه وانا اتوقع أن كل وحدة فيها الغدة فصيلتها O
وشكرا لصاحبة الموضوع